رواية "جابك الله في زحام العمر صدفة"
( احداث الرواية قديمة جدًا تعود لزمن قديم جدًا زمن العيش فالقرى والحياة البسيطه والروح الحلوة تعود حياة القرى التي تحكمها العادات والتقاليد الي البنت لولد عمها والولد لبنت عمه وغير القرايب ماناخذ عادات وتقاليد قد...
~~~ صباح يوم جديد في بيت ابوسامي~~~ عزام : ياورع انت واياه قومو سكتو هالحمامه عبدالرحمن : وليش يعني ماتسكتها انت ؟ عزام : اصغر القوم خادمهم هايل : يابزر انت واياه ترا كلها بتقول لها كش وتروح عزام : اي الله يعافيك قل لها كش هايل : بزران بزران ماتخلون حركاتكم ابوسامي : وين القوم الباقي هايل : نايم ابوسامي : والصلاه والعباده قم انت واياه عزام : شوي ياعم ابوسامي : بنتي ماهي خدامه عندكم الفطور ينحط مره وحده غير والله ماتذوقون عيشه مير احسن لكم قومو عبدالرحمن : هالشايب ليش مايسكت اشغلنا وذلنا باكله عزام : عاد عالزعول بيحط الحره فينا عشان عرسه عبدالرحمن : شايفني بزر مثلك هايل : انا اقول قم انت واياه صلوا وافطروا عزام : وانت يعني مانت جاي تصلي هايل : انا اصلي الصلاه بوقتها ابوسامي : عيال عمك اسنع منك عبدالرحمن : لاتحاول تراه مارح يمدحك هايل : وانا جالس بحراه يارجال اسلك له ابوسامي : قم قم صوت احد يدق بوري هايل : مالي دخل جايين يعبون بنزين عبدالرحمن : ياورع عجزان تقوم تعبي لهم ماغسلت وجهي هايل : تردها لي عبدالرحمن : قم لهم الحين ~~~~ فالمحطه ~~~~ هايل : ياهلا والله ويامرحبا بانزين عبدالعزيز : اي هايل : فل عبدالعزيز : اي عبه فل هايل : طيب عبدالعزيز : وش جابك هنا هايل : انت الي وش جابك عبدالعزيز : ماسك خط ومالقيت غير هالمحطه هايل : خمسين عبدالعزيز : المستشفى الي بقريتكم مفتوح هايل : رح شف بنفسك عبدالعزيز : ايه زين يعطيك العافيه هايل : الله لايعافيك ابوسامي : وش بينك وبينه عبدالرحمن : منهو هايل : مافيه شى امسك الخمسين حق البانزين عبدالرحمن : ذا تاجر معبي فل والله وقمت اربح ابوسامي : وش بين ولد عمك والرجال الي مشى عبدالرحمن : مدري ماشفت الرجال ~~~~ في سياره عبدالعزيز ~~~ عبدالعزيز : مبسوطه لانتس شفتيه ميهاف : الله يشفيك بس وبعدين ليش تسال عن المستشفى عبدالعزيز : شدخلتس ميهاف : اجل لاتكلمني عبدالعزيز : بتكلم وغصب عليتس تردين ميهاف بينها وبين نفسها : يالله ردت روحي بشوفته ~~~ في بيت ابوفهد ~~~ ندى : فرح ابوي يبيتس وش مسويه فرح : ماسويت شى معصب ؟ ندى : اي فرح : الله يستر ابوفهد : تعالي تعالي فرح : هلا يبه ابوفهد : وين زوجتتس فرح : فالرياض ابوفهد : والى متى بتبقين عندنا وينه ماجاء خذاتس فرح : مدري يايبه ابوفهد : ناويين على شى ولا ليكون انتي مسويه شى ولا مقصره معه بشي فرح : لا والله يايبه ماقصرت بحقهم شى كاني مقصره معكم الحين بس من اخر جيه لنا حطني وراح ومن بعدها مايرد علي يايبه ابوفهد : ابدق عليه الحين زامل : باي وجهه يايبه بتعاتبه ابوفهد : وش تقصد زامل : انت شايف فهد وش مسوي مع بنتهم يايبه فهد تزوج مديرته من ورانا كلنا وتوه مكلمني بيجي فالطريق وهي معهه ابوفهد : متى سوا كل هالاشياء وليش ماعندنا علم زامل : انت ماتبيه يتزوج وامي بعد ف راح تزوج بدون علمكم ابوفهد : ياكبر خيبتي فيك يافهد ياكبرها زامل : عشان كذا يايبه لاتلوم خالد ابوفهد : بس وش دخل فرح يظلمها زامل : اخته قاعده تنظلم من اخونا ابوفهد : انا السبب زامل : لاتقول كذا يايبه نصيب ابوفهد : لو مزوجه البنت الي يبيها ومزوج فرح رجال غير ولد عمتك زامل : صدقني يايبه دامك انت وامي مانتم راضين على زواجه الثاني مارح يتوفق ومارح يعرف قدر حرمته الا بعدين ابوفهد : الله يرد له عقله وين سياف زامل : راح من الفجر للمزرعه ابوفهد : على طاري المزرعه ابوخالد الي مكسبنا تهقى اذا درى ان فهد تزوج على بنته بيسحب شراكته زامل : مايسويها ابوخالد ابوفهد : يسويها يسويها اعرفه انا الله يستر سياف : صباح الخير وشبلاكم سكتو يوم دخلت ابوفهد : وش صار فالحلال سياف : الخرفان والابل والحصان لقيت الماء عندهم خالص وعبيته وحطيت علف ابوفهد : والدجاج سياف : حطيت لهم بعد وش صاير فيكم بلاء زامل : فهد تزوج سياف : هو متزوج طيب زامل : احلف تحسبني توني جاي ماعرفكم اقصد تزوج الثانيه سياف : الي يحبها تقصد ؟ زامل : اي سياف : لو درى ابوخالد بيسوي سالفه ~~~ فالمطبخ ~~~ عفراء : تمزحين فرح : لا والله بس قصرو اصواتكم لاتسمع زينب شهد : صدق خطر عليها تعرف هالشي وهي مابقى شى على ولادتها ندى : اوجعني راسي من اشهركم وين وصلتو عفراء : فرح وشهد بقى لهم اسبوع ويدخلون السابع وزينب اسبوع وبتدخل السادس ندى : يعني هم فالسابع وزينب فالسادس فيه وحده تولد فالسادس عفراء : اي يمكن ليش لا ندى : لا مستحيل شهد : صوت سياره معقوله اخوكم ! زينب : جاء فهد صح عفراء : ياحياتي تنتظره والله مايستاهلها ندى : جالسه افكر وين بيحطها شهد : يمكن بس تسلم وتقعد كم يوم وتذلف عفراء : والله لانكد عليها عيشتها فرح : انخرب بيتي الله يهديك يافهد ~~~ في مجلس الرجال ~~~ فهد : هناك مدخل الحريم يمه يايمه ادخلي من هناك هيام : اي ادل فهد : هلا يبه ابوفهد وهو يصفقه : ماهي هذي تربيتي ابدا خذ حرمتك وبرا البيت ورح جعلك ام فهد : لا يابوفهد لا لاتدعي احنا الي غلطانين بحقه ابوفهد : شلون تترك بنت عمتك وتاخذ هذي شلون تفرط بزينب شلون فهد : ماحبها يايبه ماحبها ماهو غصب والله سياف : اعذرني يافهد مقدر ابارك لك فهد : لاتباركون انا جاي هنا عشان هي تسلم على امي وابوي وخواتي زامل : انت تدري بفعلتك ذي بتخرب كثير اشياء تدري ولا ماتدري فهد : ماني مهتم لاحد كثر راحه بالي وقلبي سياف : مانت مهتم لابوك وحلاله وفلوسه الي ربتك وعيشتك ولا منت مهتم لاخوك الي تركنا وراح وتغرب عشان يشتغل ويساعد ابوي ولا انا ولا زامل الي من الصبح واقفين فالشمس ولا اختك فرح الي بتطلق وتجلس هنا وهي حامل وش هالانانيه يافهد ماكنت كذا وش صاير لك فهد : منهو الي ترككم وراح زامل : هايل ابوي وداه غصب عنه عشان يشتغل هناك اخر شى بغلطه منك بتخرب كل شى ابوحرمتك مسوي شراكهه مع ابوي بحلال المزرعه الحين من بيشتري من ابوي خويه ابوسطام الي اتفهه خطا سحب عليه وقال كلام ماينقال وفصل عزام وخرب على شغل هايل وانت جاي تقول مانت مهتم لاحد وانت اصلا قاعد بشقتك هناك مانت داري عن احد حرمتك يوميا تطيح وتتعب من يوديها ؟ الي مانت مهتم لهم اصلا انت عارف كم مره حرمتك كانت بتسقط والسبب انت انت مانت فهد الي نعرفه ونخبره سند ابوي وكلمته اذا انقالت فالبيت الكل يثني عليها ها شرايك من الاناني الحين احنا ولا انت فهد : ماتوقعت صاير كل ذا سياف : خلنا كلنا على جنب ورح خذ رضا امي وابوي الي يمسحون يوميا دموعهم يبون شوفتك ياكبيرهم يابكرهم باللي مفروض شايل اسمهم فهد : خلاص لاتزودونها علي سياف : الكلام الصح يوجع ~~~ في مجلس الحريم ~~~ زينب : وش جابتس انتي هنا ؟ هيام : صرت زوجه فهد الي يحبها ماني الي مغصوب عليها زينب صفقتها : كنتي تستاهلين هالصفقه من زمان وش بتستفادين وانتي تخربين بيتنا بس تدرين قلتها له وبقولها لتس تستاهلون بعض ولايقين على بعض يالخاينيين ندى : خلاص يازينب اهدي زينب : وخري عني خلوني اطلع كل الي بقلبي عفراء : اهدي عشان الي ببطنتس اهدي ام فهد : ادخلي انتي الغرفه هيام : ليش ياخاله معصبه مني ام فهد : اذبحيني ولا تدخلين ضره على كنتي الغاليه فاهمتني ندى : ترا محد يبيتس هنا ومحد متقبلتس وبتقعدين مثل السم على كبودنا وترا فهد يتسلى فيتس وهو يحب زينب ولو مايحبها كان ماحملت منه ف لو عندتس ذره كرامه شيلي نفستس وارجعي عند اهلتس هيام : فهد يحبني قبل ياخذ بنت عمتتس ومارح اتخلى عنه هي الي تشيل نفسها وتروح بيت اهلها فهد يبيني مايبيها ندى : اي انا بذكرتتس بوقتها تعالي يمه وخليها الخبيثه ~~~ فالمحطه ~~~~ عزام : ولد وش بلاك يابزر تصيح هايل : مافيني شى بس دخل بعيني شى واوجعتني تعال هفها عزام : بهفك انا الحين تحسبني ماشفت هايل : ههههههههههه وش شفت عزام : ههههههههههههههههه مسوي خفيف دم شفت عبدالعزيز زوج حبيبتك هايل : ماعندي حبيبه عزام : لاتقعد تكابر لو ماعندك مابكيت هايل ودموعه خانته : شفتها جنبه ياعزام ناظرتني وبعدين طمنت راسها خافت يهاوشها خايف عليها منه ياعزام خايف بس والله ياهي ردت روحي بشوفتها على اني ماتجرات ارفع عيني عليها عزام : ياولد العم لو هي نصيبك محد ماخذها غيرك هايل : اوجعني الكلام ماخفف عني عزام : انا عارف بس المقصد ان لك نصيب ومحد ماخذها غيرك وربي بيعوضك هايل : مابي العوض دامها ماهي هي عزام : رح ارتاح انا بمسك عنك الشغل ودحيم ذا ابصفقه هايل : لاتتهاوش معه نفسيته مدحدره عزام : انا اعدلها خلنا على بعض محد يعرف له غيري ~~~~ في مجلس بيت ابوسامي ~~~ هايل : بسم الله عمي ابوسامي وش تسوي عندنا ابوسامي : بيتي وانا حر هايل : اروح ارقد فالمجلس ابوسامي : ارقد ارقد خلني اتسمع للراديو هايل : ماهو كذا يشتغل يايبه ابوسامي : تخسي من قال اني ابوك هايل : دام ماعندك ولد اعتبرنا عيالك ابوسامي : عندي بنت تسوى الكون كله والعيال وطوايف العيال هايل : الله يخليها لك اجل خذ راحتك انا برتاح شوي ابوسامي : وش عندك تتبكبك مثل الحريم ها هايل : امداك تشوفني ابوسامي : احيانا العين ماتشوف القلب يحس ولا الوجه يتكلم هايل : لا لا غلطان ياعم ابوسامي : من وين تعرف الي جاء يعبي البانزين هايل : هو زوج البنت الي كنت احبها الله يستر عليها ابوسامي : الرجال قوي بكل شى ودمعته ماتنزل على اي شى الا هالحب الغلط هايل : المحب مايشوف الحب غلط ياعم وحتى لو ماهي من نصيبي مستحيل تكون غلطه هي كل الصواب ووجهات الصواب الي مشيت لها ولو اقدر بمشي لها طول عمري ابوسامي : الوفي ماله عيشه بهالزمن ياولدي هايل : ماني قايل لك ياعم بيجي اليوم الي تقول لي ياولدي ابوسامي : تعبير مجازي هايل : ههههههههههههه عزام : هايل وينك هايل : ها شتبي عزام : كانك اخذت راحتك وبزياده هايل : انت يالدلخ الي قايل لي رح ارتح عزام : والله انا الي قايله هايل : ابك علامك انت انهبلت ؟ عبدالرحمن : يتغيبا مقصده قم لشغلك وبعدين وش هالاستهتار الي قاعد يصير ياعم ابوسامي ابوسامي : رح لشغلك وانت ساكت ولد عمك تعبان عبدالرحمن : ليه هايل شفيك هايل : مافيني شى قايم اغسل وجهي واجيكم عزام : انا اعرف عبدالرحمن : علامه طيب عزام : سوو شاهي وتعال للبقاله واعلمك عبدالرحمن : عزالله ماتقول شى الا بمقابل عزام : بسرعه بسرعه ياكثر حلطمتك بعدين تعال شعندك متغير صاير نفسيه عبدالرحمن : قاعد معك انت وولد عمك وهالشايب من وين بتجي النفسيه الحلوه عزام : بشوفتي عبدالرحمن : انقلع لبقالتك المغبره بس عزام : ها حدك عاد صارت حلالي عبدالرحمن : الله يصبرني هايل : كل هالنفسيه انا اعرف سببها عبدالرحمن : الحين يعطيك وضعيه القافط عزام : وش سببها علمني هايل : قم جب فصفص واعلمك عبدالرحمن : احسن ردها لك عزام : سم هايل : كيف بس الفزعه عبدالرحمن : وشبلاك رحت ترتاح عزام : شاف حبيبه القلب هايل : ورع عزام : حبيبته السابقه عبدالرحمن : تستهبل ! هايل : لا والله رحت بعبي بانزين وطلع عبدالعزيز عبدالرحمن : ياوكك وش الصدفه الي جابته هايل : الله لايكررها عزام : لاتخلص الفصفص انت واياه هايل : بقاله كامله وناشب لنا على فصفص عزام : على حسابك انت واياه ترا خصم عبدالرحمن : من الحين هالحركات عزام : اي اجل كل شى مجانا وش بيستفاد ابوي ؟ هايل : يبيعيك لعل وعسى تجيب له شى عزام : اشرب الشاهي لاخليك تشرق فيه الحين عبدالرحمن : قاعد اتخيل فجاه يطبون علينا ابوي وعمامي هايل : واحنا مادخلنا شى عزام : شدخلنا شايفين المكان الي حاطين حلالهم فيه الواحد اذا جاء يفتح بزنس يختار اماكن حلوه هايل : قم قم يادحيم عالمسجد ذا بدا يتفلسف عزام : وبكذا بينجح مشروعه والله ياخذكم عبدالرحمن : ههههههههههههههههههههههههههههههه ~~~~ في غرفه فهد وزينب ~~~ فهد : لاتخليني اطرح هاللي ببطنتس زينب : انت اصلا من البدايه ماتبيه لانك مبيت النيه زواج تدري ليش ماسالتك ولا شرهت عليك لاني مابيك ولا متحسفه لو تطلقنا وبالعكس بكون اسعد انسانه وانا الحين بدق على اهلي يجون ياخذوني وانت خلك كمل شهر العسل مع زوجتك الجديده فهد : يعني مانتي زعلانه زينب : لا بالعكسس دامها جت منك يازينه من يوم الحين لقينا عذر يافهد عشان ننفصل فهد : وولدي زينب : مالك ولد هذا ولدي انا وانا بربيه فهد : انا بطلع عشان ماارتكب فيتتس شى زينب : اي رح بحفظ الرحمن ~~~ في مجلس الرجال ~~~ ابوفهد : مافيه غرفه فهد : يبه البيت كبير وانا اخذت اجازه زواج وجاي عندكم عطني مفتاح الغرفه ابوفهد : من قال اننا نبيك فهد : لاتقول هالكلام يبه انا اعرفك زين ابوفهد : نبيك كفهد القديم ماهو المجنون الي الحين وسوو الي تبي بس انا ماني راضي عليك لا دنيا ولا اخره وبنشوف نهايه عرسك ذا الي تحديت الكل وسويته ام فهد : خذ هذا مفتاح الغرفه رح قعدها فيها فهد : ماتقصرين يام فهد جعل عمرتس طويل ابوفهد : انا احاول اعدلهم وانتي تخربينهم بدلعتس ام فهد : انا وانت وزينب نعرف وش نهايه هالزواج خله ينبسط كم يوم ابوفهد : ينبسط على حساب بنت اختي هالبنت امانه عندي بس اهخخ ولدتتس مايستاهلها ام فهد : اكسر الشر وخلنا هالفتره صادين عنه الين يعرف غلطته ابوفهد : هايل ياهايل ام فهد : وش تنادي واحد ماهو فيه ابوفهد : يوه نسيت وديتهم كلهم وتعودت يبقى هو معي ام فهد : مالكم نيه ترجعونهم ؟ ابوفهد : لا هالموضوع تسكر من مشوا تبين ارجعه ونقعد من وين نعيش من وين ناكل انا اعرف ابوخالد بيسحب حلاله والمحل مايجيب شى ام فهد : شورك وهدايه الله اجل وش هالصوت ~~~ بغرفه زينب وفهد ~~~ زينب : مالك حق تكسر جوالي تنكسر يدك يارب فهد : قلت مافيه روحه لبيت اهلتس يعني مافيه انا عارف نواياتس والشرع محلل اربع زينب : انا قايله لك اذا بتتزوجها طلقني مالي قعده فهد : دام يربطنا الي ببطنتس بتقعدين زينب : انا بقعد الحين بس والله يافهد ماطول والله لاخليك تتمنى تشوف ولدك وماخليك تشوفه وبيننا الايام ندى : خلاص يافهد اطلع رح عند حرمتك الثانيه فهد : ليش ندى : تعال بكلمك برا فهد اهدا ولاتضغط عليها فهد : ماسويت شى خطا ندى : هو ماهو حرام الي سويته دامه بالحلال متزوجين بس يافهد زينب كانت تعد الشهور والايام والساعات والدقايق والثواني عشان تجي واخر شى تجيها وبيدك حرمه فهد : الحرمه ذي احبها قبل اخذ زينب ندى : طيب ميخالف بس لاتضغط على زينب زينب حامل وتعبانه ومليون مره كانت بتسقط الي ببطنها وفيه احتمال كبير تولد قبل تتم ٩ شهور ف تكفى لاتعصبهها فهد : تبي تروح بيت اهلها وتحرمني من شوفه ولدي ندى : هذا كلام لحظه غضب عمتي جهير بتخليك تشوف ولدك وعن موضوع تروح بيت اهلها فمن حقها وانت من الاساس ماتبيها ف خلاص طلقها فهد : ليتني مااخذتها ليييت ندى : اهدا بس انت تبي احط لك شى تاكله فهد : لا ياامي ماتقصرين بس سوي قهوه وتعالي علميني وش فايتني ندى : تممم
انتهى البارت
مبرووك لنا يااحلى متابعين واحلا من يقرا لي لنا ثلاث ايام المركز الاول فالواتباد "الشعر" روايتنا اخذت المركز الاول ياكبررر فرحتيييييييي شكرا لدعمكم الحلو انتظاركم لي واعذروني لاني اطول عليكم بس احاول قد مااقدر ماطول عليكم وبالتوفيق
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عظيييم شعوري وانا اشوف كتاباتي صارت المركز الاول وحاليا الثاني ومشاهدات كتاباتي وصلت لهالعدد الكبير الي ماتوقعت ابدا اوصل له مدري كيف اشكركم بس ربي يسعدكم وقراءه ممتعه ، بس تقدرون تباركون ترا اشوف كل شى تكتبونه وبرد عليكم بعد 💙💙🫶🏻
