"جابك الله في زحام العمر صدفة "

20

~~~ في بيت ابو فهد ~~~
هايل : يمه جت لتس كل الاغراض فيه شى ناقص
ام فهد : لا مريت على ولد عمك شفت محتاج شى
هايل : اي مريت مافيه الا العافية وطلع من المستشفى يقول طفشت منه ورجع للبيت
ندى : سلومي وش صار اليوم علمني
سالم : هايل بيذبحني لو قلت شو
ندى : شمسوي له
هايل : اسكتي لاتسالينه قدام امي تبين شى يمه
ام فهد : ابقولك شى اقرب
هايل : سمي
ام فهد : شرايك ببنت ابو سطام
ندى : بلاتس ماتدرين ياام فهد ههههههههههههههههههههههههههههههه
هايل : وشفيها بنت ابو سطام
ام فهد : انتي اسكتي اسمع يولدي البنت كبرك ومزيونه واهلها معروفين وابوها صديق ابوك
هايل : اختصري يايمه عطيني من الاخر
ندى : وهو يحتاج تقول هي تبي تخطب لك هديل
هايل : يمه وش قلت انا قبل موضوع الزواج لاتفتحونه عندي انا بختار البنت الي ابيها
ام فهد : على كيفك اخوانك تزوجو على كيفي انا وابوك وان كلنت فبالك بنت خالتك فتبطي عظم مامسكت يدها
هايل : وليش ابطي عظم ليش وش ناقصني ولا وش ناقصها هي من الاقارب بس انتم ماتبونها
ام فهد : يولدي انا وش ابي غير سعادتك واستقرارك والبنت مافيها قصور بس ابوك وانت تعرف ابوك مدام راسه يشم الهواء مارح تاخذ ميهاف
هايل : رح اخذها وتشوفون كلكم
ندى : يايمه ليه تحطمينه
ام فهد : لان اعرف وش بيصير قلب الام دليل
هديل : شفيه يصارخ ذا
عفراء : يتهاوش مع ندى اكيد
هديل : اي بس ماتوقع كذا الموضوع
زينب : الا كذا الموضوع
ام سطام : هديل روحي للمطبخ حطي يدتس بشي مع البنات لاتفشليني
هديل : طيب بقوم ولاتزعلين عشانتس بس
~~~ في مجلس الرجال ~~~
ابوسطام : وش اسمه ذا
ابو فهد : ذا اسمه هايل قعدتي من العيال
ابوسطام : ماشاء الله اجل بقى هو مااعرس
فهد : اي هو وسياف
ابوفهد : لا سياف خاطب له بنت عمه اما هايل بندور له بنت الحلال
هايل : ان شاء الله تبي شى يبه ابروح لدحيم
ابوفهد : لا سلامتك يبوي رح
هايل : كلما شافوني تكلمو عن الزواج منب ماخذ الا ميهاف
سياف : وشفيك تتحلطم
هايل : أخيرًا رجعت
سياف : اي ابوي تركني عند الحلال وشكله نساني
هايل : يلا غير وتعال بيت دحيم عازمنا
سياف : اي زين مالي خلق اقوم بمواجب احد جاي
ندى : سياف اخيرا جيت
سياف : وش السالفه كلكم مشتاقين لي
ندى : لا
سياف : بعد تقولينها بوجهي وش تبين الحين
ندى : بقول لك شى
سياف : قولي
ندى : ابوي
سياف : وش فيه ابوي
ندى : خطب لك شهد بنت عمي ابومحمد
سياف : يعني سوا الي يبيه
ندى : ليش ماتبيها
سياف : لا ماهو هذا الموضوع بس عالاقل يستشيرني بعد انا الي بتزوج
ندى : عاد انت الوحيد الي مفروض ماناخذ رايك
سياف : وليه
ندى : لانك اخذت افضل بالدنيا تدري لو اني ولد اخذتها
سياف : اعقبي يالعوباء
ندى : مانسيت شى من هنا من هناك
سياف : وش نسيت لا مانسيت شى
ندى : تذكر قبل يجيك الحادث الله لايعيده وعدتني تجيب لي جوال
سياف : متوقعه اني نسيت
ندى : اي لان بيصير شهر على كلامك ولا جبته لي
سياف : أبشري من عيوني انا ماانسى شى للغاليه انتظري ارتب اموري وابشري به
ندى : الله يخليك لي يااحلى اخ بالدنيا
سياف : يلا يلا عالمطبخ
ندى : وانت عند الابل والغنم
سياف : ابحطتس عندهم
~~~ في المركز الصحي ~~~
ميهاف : كان اليوم خفو المرضى
فاتن : اقول اسمعي متى اجازتنا
ميهاف : ليش اصلا فيه اجازه عندنا ماخلصت
فاتن : انتي تبينها تخلص اما انا لا ولو مافيه برفع خطاب للمدير يحط اجازه عالاقل ثلاث ايام ابي اشوف ابوي
ميهاف : اي انتي ابوتتس غير وانا ابوي غير
فاتن : يعني ماارفغ خطاب للمدير
ميهاف : لا شدعوة ارفعي اكيد مشتاقه لابوتتس وانا برجع اخدم واسمع كلام تعودت وفقت على هالثلاث ايام
فاتن : ميهاف انا ادري اني متغيره عليتتس بس ياميهاف انا خايفه خايفه عليتتس
ميهاف : ليش خايفه علي
فاتن : انا حلمت فيتس حلم شين وشين مره بعد
ميهاف : الله يستر وش هالحلم
فاتن : كنتي واقفه تكلمين حبيبتس هذاك ودخل ابوتس وضربتس قدامنا كلنا فالمركز هنا وخذاتس معه واختفيتي للابد حتى ماعاد تكلميني ميهاف انا خايفه يصير لتس شى بسبب علاقتنس ذي
ميهاف : كل شى ربي كاتبه لي انا راضيه فيه لاتخافين وهو كله حلم مافيه شى ارفعي خطاب يلا بروح للبيت والحقيني نتغدا
~~~ في بيت ابومحمد ~~~
محمد : وهذا الغداء جاء اجحدوها طبخت لكم
هايل : والله عزيمتكم ذي بوقتها لان لو قعدت عند ابوي بيجلس يفتح موضوع الزواج مليون مره
عبدالرحمن : طيب شى زين لك انت تبي تعرس
ميهاف : اوه هايل هنا غريبه وش جابه
هايل : ياعيال شكلكم ماتعرفون جاء صديق ابوي ابوسطام وعنده ولد وبنت وامي تبي بنته لي وابوي يلمح عند ابوها انه يبيها لي
ميهاف : ماشاء الله حاجزين له بنت طيب طيب ياهايل الو فاتن
فاتن : هلا وشفيتس
ميهاف : ارفعي لي خطاب حتى انا بروح معتس
فاتن : صدق اخيرا اقتنعتي يلا برفع
ميهاف : لو مارفعت ورحت بيطق عرق فيني طيب ياهايل تشوف
محمد : وش مزعلك اذا انت تحب بنت غيرها خذها
هايل : شكلك ماتعرف ابوي للحين شفت شصار مع فهد
عبدالرحمن : ماقلت ان جدي محمد معك وطق صدره يروح يطلبها من ابوها خلاص تطمن عمي مايقدر يحط كلمه فوق كلمه جدي
هايل : هذي ممكن اسلكها بس محارشهم لي وتنغيزاتهم وش اسوي فيها ذي ولو البنت سمعت وزعلت
محمد : والله مشكلة عجزت وانا انصحكم حبو بعد الزواج عشان محد يتدخل بينكم
عبدالرحمن : عقبالك تعرس
محمد : تستهبل اكل لاخليك تغص الحين
سالم : بابا بتجيب لي ام ثانيه
محمد : مستحيل يابابا كل ولاتسمع كلام عمك
سالم : بس انا ابغى احط يجلس معي فالبيت ويلعبني
محمد : اذا ماتبي تاكل قم غسل ونام ولا العب ولا سوو اي شى
هايل : ليش تعامله كذا
محمد : البزران ماينعطون وجهه
هايل : بس سالم بحاجه ام واب انت وامه الله يرحمها ماعطيتوه حنان اخر الفترة
محمد : اذا موضوع زواجك من بنت ابوسطام يغثك فموضوع الزواج يغثني انا بعد غير ام سالم مارح اخذ اذا خلصتو غسلو الموعين
عبدالرحمن : ماعليك منه امي وابوي يقنعونه
هايل : مالومه انا بس سالم ماله دخل يحط الحره فيه
عبدالرحمن : ترا انت الي بتغسل الموعين
هايل : اي انتظرني
عبدالرحمن : ظهري بوجعني شلون بتحرك
هايل : خلاص اسكت ذليتنا بظهرك ذا انا بغسل وين مطبخكم
عبدالرحمن : داخل البيت ياذكي بس تنحنح اذا دخلت ليكون موجودات البنات
هايل : خلصت اوامر ترا اعرف حدودي
عبدالرحمن : اي خلصت رح قبل تروح
هايل : صبرك ياروح
عبدالرحمن : سوو لنا بريق شاهي
هايل : بصلخ ظهرك فيه
عبدالرحمن : اي بكرا تطبخ وتغسل عن الدكتورة فيدني الحين انا خويك قبل هي تصير حبيبتك
هايل : خل اتزوجها بس ووقتها تشوف مكانتك عندي
عبدالرحمن : ادري بتسحب علي قالوها الي لقى احبابه نسى اصحابه
هايل : لاتكثر هرج تاخرت على ابوي يلا بغسل وبطلع
عبدالرحمن : احسن فكه ازعجتني
هايل : مايستحي على وجهه احم بدخل المطبخ
فاتن : اطلع اطلع احنا فيه
هايل : ابغسل الموعين
فاتن : مايحتاج حطها انا اغسلها
هايل : اي شكرا تختصرين علي عبدالرحمن يبي شاهي
فاتن : بخليه يشرق فيه
هايل : يستاهل ههههههههههههههههههههههههههههههه احم شلونتس ميهاف
ميهاف : كنت بخير اطلع من البيت لو سمحت قبل يشكون الجيران عيب بحقنا
هايل : وش مزعلها ذي بعد دحيم
عبدالرحمن : اسال بسرعه
هايل : بسم الله شدراك
عبدالرحمن : ماتجيني عبث ولا عشاني تجي عشان حبيبتك
هايل : كلمتها اسال عن اخبارها وردت رد ماهو زين تتوقع وش مزعلها
عبدالرحمن : وانا شدراني قرينها اختصر شتبي
هايل : ابيك تسال خويتها يمكن تعرف
عبدالرحمن : هذا كان زمان الحين خويتها مااحط لساني على لسانها
هايل : عشاني مانيب خويك انا
عبدالرحمن : تحب تجبرني وانت تعرفني مااطيق خويتها بس يلا عشانك رح وازهلني
هايل : كفو يلا انا رحت
عبدالرحمن : من حبها وعلومه ماش الله يصلحك ويجمعني بخويتها
~~~ في بيت ابو فهد ~~~
زينب : انت خلاص ماعاد تستحي وجهك مغسول بمرق لو مر احد وسمع ولا صح انت ماتخاف من احد
فهد : شعندتس جايه وياقاتل يامقتول وش مسوي انا
زينب : تحسبني ماسمعت
فهد : اها قصدتس هيامي
زينب : وتدلعها بعد وقدامي لا جد انت ماتربيت
فهد : ماهو انتي هذيك الليله قايله بتعطيني مهرتس اعطيها اياه وين كلامتس الحين
زينب : ها اي انا عند كلامي بس ماتكلمها فالبيت لو سمعك احد وش بيكون موقفي بيقولون تعرف وراضيه خايفه يطلقها فكر فيني شوي
فهد : معليتس بيت ابوفهد مايطلعون الكلام لبرا البيت الا اذا عاد انتي مانتي سامحه اكلمها قدامتس كيفتس
زينب : ههههههههههههههههههههههههههههههه وانا وش دخلني كلمها لو تبي فالحمام
فهد : اي والله بكلمها بكل مكان
زينب : صدق مايستحي قطع يقطعك انت وهي
عفراء : من تكلمين
زينب : اكلم نفسي وش بعد حرام
عفراء : لا ماهو حرام كلمي نفستتس انهبلت ذي
~~~ في بيت ابوفارس ~~~
ام فارس : يلا انا جهزت وين ولدك
فارس : جاهز
ابوفارس : صدقني يولدي هالبنت بتعوضك عن الي كنت تبيها
فارس : ان شاء الله
ام فارس : يلا مشينا
~~~ في بيت ابوعزام ~~~
ام عزام : للحين ماخلصتي انتي
سلمى : مابيه يايمه مابيه
ام عزام : ان كانت امالتتس للحين مع هايل فحطيها تحت المخدة ونامي الولد مايبيتس ويلا قومي وتجهزي قربو يجون الضيوف
سلمى : طيب
ندى : سبرايز اهلين خاله ام عزام
ام عزام : هلابتس يبنتي جت امتس
ندى : اي حت ومعها خاله ام سطام
ام عزام : رجعو عائله ابوسطام خلتس يبنتي مع سلمى عذبتني
ندى : معليتس ياخاله عندي
عفراء : وش عندتس مانتي مبسوطه
زينب : وهو فيه احد ينغصب ويصير مبسوط حاسه فيتس ياسلمى
ندى : وش بتلبسين
سلمى : اسود لان هاليوم اسود وكله على بعضه خايس
ندى : ياسلمى ياحبيبتي يمكن هالولد نصيبتس وخير لتس
سلمى : بس مابغى اتزوج بهالشكل انا انعرضت عليه ببلاش عارفين وش معنى هالشي
عفراء : والله لو انه ولد يستاهل لانسى هالموضوع
سلمى : انتو ماتفهمين الرفض بيجي من عندي
زينب : لاتتسرعين ياسلمى واستخيري لاخر لحظه
~~~ في بيت ابو محمد ~~~
محمد : مارح تجي لخطبه فارس
عبدالرحمن : لا والله مقدر استسمح منه لي تعبان
محمد : زين اجل بخلي سالم عندك مارح اتاخر ببارك وبجي
عبدالرحمن : تمام
فاتن : ميهاف ميهاف البشارة
ميهاف : وش
فاتن : قبل المدير الخطاب وقال بكرا تبدا اجازتكم من الاربعاء للسبت يعني اربع ايام
ميهاف : زين
فاتن : وشفيتس زعلانه من مزعلتس
ميهاف : سمعت شى اليوم يكسر القلب
فاتن : وش سمعتي
ميهاف : سمعت هايل وهو يقول ان امه تبيه لهديل بنت ابوسطام وان ابوه يلمح لابوها انه يبي بنته لهايل
فاتن : وهايل وش قال
ميهاف : ها ماسمعت رحت
فاتن : كالعاده ماتسمعين العلم كامل طيب يمكن هو مايبي
ميهاف : معقولة؟
فاتن : اي معقوله ونص هايل يحبتس مفروض تثقين فيه
ميهاف : بس حتى زعلت ليش يقول كذا ومن ذي هديل
فاتن : تلقينها بنت حالها حال نفسها وناشبينها فيه وهي ماتبيه
ميهاف : ماارتحت لها
فاتن : ههههههههههههههههههههههههههههههه لاتزعلين ويلا ناكل
~~~ في بيت ابو عزام ~~~
هديل : انا اعرف احط مكياج احط لتس
سلمى : لا مابي
زينب : لا عاد كذا اوفر بتطلعين وجهتتس اصفر
سلمى : يبون ولا الباب هناك
ام فارس : السلام عليكم
عفراء : مابعد خلصت سلمى
ام فارس : ادري بعد اذنكم ابيها لحالنا
ندى : اي اكيد خذو راحتكم اطلعو بنات وش تسووين انتي
هديل : بتسمع وش بتقول لها اسكتو
ام فارس : شلونتس يبنتي
سلمى : بخير
ام فارس : ادري انتس ماتبين ولدي ولانتي راضيه عن الزواج كله بس ابقولتس شى يبنتي فارس وحيدي وكان يحب بنت ابوسلطان ولو ابوها مارفض ماكان بياخذتس بس النصيب وداه لتس وولدي للحين متضايق يبي حبيبته ادري ان هالكلام زاد عليتس بس لاترفعين خشمتس على ولدي وكانه بيموت عليتس ولدي انحط بالموقف الصعب الي انحطيتي فيه انا ماجيت ازيد الطين بله بس ابوصتس بالي اغلى من روحي فارس لاتضايقينه ولاتزعلينه وماهو عشاني امه بمدحه بس انتي اخذتي انقى رجل قبل فترة كان يتعلم الطبخ عشان مايتعب زوجته بالمستقبل وعشان يطبخ عني لاني عجزت يبنتي انتي بالحفظ والصون ووعد ماتدمع عينتس وانا خالتتس
سلمى : الله يسعدتس ياخاله ارتحت بعد كلامتس
ام فارس : ويلا تكشخي والبسي وتزيني ولدي يبي يلبستس الشبكه
سلمى : طيب
ام فارس : ادخلو
هديل : شقالت لتس
سلمى : تمدح ف ولدها يلا زينيني
هديل : شكل المدح جاز لها
~~~ في قسم الرجال ~~~
سياف : مبروك يافارس وياجعله زواجه الدهر
هايل : مبروك وعقبال مانحضر العرس
فارس : الله يبارك فيكم
فهد : حافظ على بنت عمنا
محمد : مبروك عزالله انك ناسبت الناس الصح
فارس : الله يبارك فيكم كلكم وعقبالكم
عزام : مارح احرص الحين بس مبروك
فارس : الله يبارك فيك يالنسيب
~~~ في بيت ابوفهد ~~~
ابوفهد : اسمعيني ياام فهد بكرا تجهزون بنمشي للرياض
ام فهد : وش المناسبه
ابوفهد : ابروح اخطب بنت اخوي لسياف
ام فهد : الف الف الف مبروك
ابوفهد : عطيهم خبر يتجهزون بكرا
ام فهد : اي يلا بعطيهم خبر
ندى : يسسس اخيرا بروح عند شهد
زينب : ابروح لاهلي بعد
عفراء : حتى انا صدق اخيرا يلا برجع انام تبين شى ياخاله
ام فهد : الصبح بنمشي لحد يتاخر بالنومه
ندى : ابشري يالغاليه يمه
ام فهد : ها
ندى : بنروح نشوف فرح اشتقنا لها
ام فهد : اكيد بناخذها ونروح لبيت عمتتس ابومحمد
~~~ في بيت ابومحمد ~~~
محمد : بكرا بنمشي خطبه وحيدتنا
عبدالرحمن : عشانها بتحمل الطريق
سالم : يسس بنروح اشتقت لعمتي
محمد : اي اعترف طفشت مني
سالم : لا ماطفشت بابا
محمد : هلا
سالم : عادي انام بحضنك
محمد : ههههههههههههههههههههههههههههههه تعال تعال وانا احسبك كبرت وصرت رجال
سالم : اي انا كذا بعد
محمد : شاطر ولدي ووحيدي تبي تزوج ابوك
سالم : ودي لو امي موجودة
محمد : الله يرحمها حتى انا اشتقت لها مر شهر على وفاتها

"انتهى البارت"

| قراءة ممتعة حسابي الانستا باحد البارتات مروني بخصوص الروايه فقط 💙💙|