"جابك الله في زحام العمر صدفة "

78

~~~ صباح يوم جديد ~~~
~~~ في بيت ابومحمد ~~~
ابومحمد : اقعدو تغدو عندنا
ابوفهد : كثر خيرك ياخوي بس تعرفني احب نمشي بالنهار يله ياشباب روحو شغلو السيارات
عبدالرحمن : ماطولتو ياعمي
ابوفهد : الجايات اكثر ياولدي وان ضاق صدرك مر علينا
عبدالرحمن : ابد تم
عزام : نشوف من بيفتك من مين
هايل : خبروه اني على وصله حييت
ابوفهد : الواحد يذكر ربه وذا يغني
زامل : ركب الشناط اقول
غيث : غن ياولد خالتي اطربني
عزام : ترا الحين يغثك اسحب كلمتك
~~~ في مجلس ام محمد ~~~
ام محمد : ماطولتو ممدا نمل منكم
ام فهد : ماعليه الجايات اكثر اما تجين لعرس عيالي ولا اجي لعرس عيالتس
ام محمد : ان شاء الله خلو عندي رغد وامشوا
رغد : تم لا لا دقيقه ياخاله بتخليني اقطع لتس كل البصل
ام محمد : والله انها تدخل القلب اقعدي عندتس ومارح اخليتس تقطعين شى
رغد : خلاص تم
ام غيث : اعقبي بتخلين امتس
رغد : شسوي يام غيث علي طلبات هههههههههه
ام عزام : تجيتس فاتن وتونستس ولا قولي لزوجتتس يجيبتس عندنا بالقريه
ام محمد : يعني مافيه امل تنقلون عندنا
ام فهد : والله ابوفهد يقول اذا مات نطلع من القريه
فرح : يمه يله يدقون بوري تاخرنا عليهم
ام محمد : ماهي زينه بحقي اصيح استودعتكم الله لاتقطعوني
ندى : فتره وبتجيتس بنتس بكبرها
ام محمد : ان شاء الله
شهد : مع السلامه يمه
ام محمد : يله بحفظ الرحمن
~~~ بالشارع ~~~
ابوفهد : يله يله كلكم ركبتو انادي بالاسماء عائله ابوعزام موجودين
عزام : اي ياعم كاملين
ابوفهد : عائله غيث كلكم موجودين
ام غيث : ايه ايه
ابوفهد : وعائلتي كلها فيه يله مشينا
هايل : خلاص احرك
ام غيث : رغد وينها ياقمر
قمر : هلا ياخاله اخذت غفوه ماركبت يمكن بالسياره الثانيه
ام غيث : شلون ماتتاكدين ان شاء الله ام فهد ماحركت الو ام فهد حركتو
ام فهد : وشفيتس واقفين عند المحطه نعبي بانزين
ام غيث : بنتي ماهي بالسياره
ام فهد : شلون بنرجع بنرجع تطمني هايل ارجع نسينا بنت خالتك
ابوفهد : شلون ينسونها
فرح : خربطت يمكن بينها وبين زوجه ولدها
ندى : يبه زامل وسياف وينهم
ابوفهد : زامل مع اخوكم فهد بيخلصون شغله وبيرجعون للقريه وسيف ركب مع عمتس ابوعزام لان ولده مانام فالليل
هايل : الحين ارجع ولا شلون
ابوفهد : اي اي اكيد هذا ابومحمد يدق الو
ابومحمد : نسيتو بنت ابوغيث
ابوفهد : هذانا راجعين خلها تطلع
رغد : وين رحتو وخليتوني ياخاله
ام فهد : بسم الله عليتس اهلتس الي نسوتس
فرح : وين اختفيتي فجاه
رغد وهي تصيح : كنت جايه وراكم ومسكتني خاله ام محمد قالت هذي حنا وسدر ومدري وش
فرح : لمن هههههههههه
رغد : لخاله ام فهد خفت تنسوني
ندى : عشان كذا انتبهي تتحركين من السياره انتي بامانتنا الحين
فرح : مسحي مسحي دموعتس يابزر هايل شغل الراديو
هايل : يله
ندى : من يسمع لخالد عبدالرحمن
رغد : انا شفيه
ندى : عليتس ذوق انتي واخواني
فرح : الله الله عالحنجره
ابوفهد : ماهو من هنا طريقنا
هايل : طريق مختصر
ندى : طريق مختصر ولا طريق بيت حبيبه القلب
فرح : اسكتي لايسمع ابوي
ندى : ويغني بعد ويناظر بيتها هايل ناظر الطريق لانصدم
هايل وهو يناظر بيت ميهاف : خبروه إني على وصله حـييت و إن تفارقنا ترى موتـــي دنا لـي حبيب يوم روّح ما سليت يعلم الله تو ما ذقت الــــــــعنا عبرتي هليتها حـــزن وبكيـــــت يا ردى عمر الحسوفه ما جنا ذقت من دنيا حبيبي وما إرتويت جـنـة الدنيا حبـيبي والمنا
ندى : ليه تو نكتشف ان صوتك حلوو
هايل : ماتستاهلين الي يغني لتس اجل فيه احد مايحب اغاني خالدعبدالرحمن
ندى : كل واحد وذوقه عاد
فرح : خلاص انا غن لي بالقريه
هايل : تم يام عزيز
ابوفهد : تهقى نوصل قبل تغيب الشمس
هايل : اذا استعجلنا ماوقفنا عند محطات يمكن ندخل القريه على اذان المغرب
ابوفهد : حلوو بس لازم ننزل فيه عزيز يبيله يتغير وترتاح فرح
هايل : على هالخشم متى ماتبون شى قولو لي
رغد : ندى ندى بنت نامت مسرع فرح
فرح : هلا
رغد : ليت كل البنات فرح طلع قبول اخوتس
فرح بصراخ : هاااايل
هايل : بسم الله
ام فهد : وشفيك وقفت وش السالفه
هايل : وشفيتس يافرح خرعتيني
فرح : تقول رغد طلع قبولك
ام فهد : بشري انقبل
فرح : اي اي انقبلت
هايل : وش التخصص
فرح : توقع هههه
هايل : اخلصي يافرح
فرح : عربي
ابوفهد : بيصير مدرس يعني
فرح : اي اي
ام فهد : والدراسه شلون ليكون يروح من عندي
فرح : فهمتني رغد ان يكون انتساب يروح وقت الاختبارات بس
ابوفهد : ووين
فرح : كليه فالرياض
ابوفهد : حلو اول راتب تشتري لنا سياره
هايل : تم يابوفهد وام فهد وش تبي
ام فهد : اول راتب سياره وثاني راتب مهر للزوجه
هايل : رجعنا للموضوع ذا يام فهد
ام فهد : عاد بتشتري لابوك سياره بتلبي طلبي انا بعد
هايل : ان شاء الله
~~~ في سياره ابوفهد وغابت الشمس ~~~
رغد : فرح فرح تكفين ردي وشفيهم جاهم سبات خاله ام فهد ندى شلون اكلمه لو سمحت
هايل : دقيقه يادحيم وادق عليك هلا فيه احد يناديني
رغد : اي انا
هايل : من انتي
رغد : لازم تعرف وش هاللقافه الي فيك انت ولد اختك فجرها علي وراء واختك نايمه وانا ابي الحمام
هايل : طيب بوقف عند اقرب محطه
رغد : قومي تكفين يافرح غيري لولدتس كتمني
هايل : ههههههههه انزلي
رغد : خل ولد اختك عندك تراه موصخ
هايل : مارح تغيرين له
رغد : لا والله وانا وش عرفني
هايل : طيب طيب هاتيه تعالي ياحبيب خالك ياريحه المسك والعنبر والياسمين
رغد : كذبت عزالله يمه وش ذا المحطه تخوف يماااه
هايل : الله يخرشتس
رغد وهي تطق الشباك : لو سمحت انزل معي
هايل : انزل واخلي السياره
رغد : خايفه فيه صوت حركه فالمحطه
ابوفهد : الله يزعجكم انزل معها وين منزل بنت لحالها الحين فيه عامل بهالحمامات وخذ معك عزيز واغراضه غيرو له عاد انتي تمريض تعرفين للاطفال
رغد : ابشر ياعم جب بجيب شنطته ابوك من قال له ان الممرضات يعرفون للاطفال
هايل : قدامه ياعمي وعندي ابوك بعدين وش هالخوف كله
رغد : امش ادخل اوريك الحمام انت بكبرك بتخاف
هايل : بسم الله ظلمه يله ادخلي انتظرتس برا
رغد : واذا بالحمام حقي فيه عامل وش اسوي
هايل : وش هالوسوسه
رغد : لاني سمعت صوت احد ادخل معي تكفى فالحمام
هايل : ياوجه الله
رغد : انا بذمتك ترا
هايل : ههههههههه امشي امشي لو حاطينتس مع اهلتس ابرك
رغد : اي والله كان اخوي ينزل معي
هايل : ادخلي طيب يله لاتتاخرين
رغد : تسمع لي ونادني اخاف فيه بالحمام حقي ويكتم صوتي مقدر اتكلم
هايل : ههههههههه وش هالتفكير انتي
رغد : المهم نادني قل رغد ولا قل بنت خالتي ولا اي شى
هايل : طيب طيب يله
رغد : يمه يوحش ليش ماله صوت ليكون طلع وخلاني هايل هايل تكفى وين رحت يمااه هايل بلا سخافه "تصيح"
هايل : اهجدي اهجدي يارخمه موجود اطلعي
رغد وهي تصيح : لا اكيد انت مو هايل عامل ليكون سويت شى بولد خالتي يمهه
هايل : تبين اخلي عزيز يطل عليتس من فوق
رغد : وش اسم اخوي
هايل : ههههههههه عليها حركات غيث وابوي ابوفهد وخواتي فرح وندى
رغد : اشوف اي اشوا ذا عزيز اشوف رجلك
هايل : طالت كانها
رغد : ههههههههه لا خلاص شف لنا مسجد نغير لعزيز ترا ماعرف انت خاله وانت اولى
هايل : نعمم انا نازل معتس عشانه
رغد : ماتبي الحمام انت
هايل : ادخل واخليتس
رغد : لا امش نغير لولد اختك لما درت انه موصخ جاها النوم
هايل : وانتي ليه مانمتي
رغد : شبعانه نوم فك شنطه عطني مناديل وحفاظه
هايل : استودعتك الله ياعزيز منها
رغد : ترا بخليك انت تغير له
هايل : لا لا خلاص
رغد : ههههههههه لفها
هايل : لو وصخت ثوبي خليتتس تمسحينه
رغد : وعع ويقولون تزوجي عطني مناديل
هايل : احط ذي بكيس ولا اعطي مناديل
رغد : اقسم نفسك
هايل : وش ذا الصعوبه
رغد : طبعا ياحبيبي تحسبون كل شى سهل يله مشينا اسمع مافيه بقاله
هايل : اهجدي مافيه شى
رغد : جوعانه طيب
هايل : امشي نركب تاخرنا
ابوفهد : وين اختفيتو خرعتونا
هايل : نغير لعزيز
فرح : ليه ماقومتيني الله يهديتس
رغد : ههههههههه شف شف قومتتس حبيبتي محد يرد جاكم سبات فجاه
ام فهد : اشوا نزل معتس هايل انتبهي يابنتي تروحين لحالتس
هايل : لو راحت لحالها كان ماطلعت من الخوف
فرح : يعطيتس العافيه اتعبتتس
رغد : لا بالعكس ولدتس كان محرم لنا ههههههههه اف جوعانه
ابوفهد : ها وين بتوقف
هايل : عند بقاله
ابوفهد : توك ماكل
هايل : ها جعت الحين تبون شى
رغد : ههههههههه اشوا ماسحب علي
ندى : جب على ذوقك
رغد : على كيفتس يمكن ذوقه مايعجبني
ندى : وش تبين اكتبي بجوالي وارسلي له هايل افتح جوالك
هايل : طيب تبي شى يبه
ابوفهد : لا لا بس استعجل غابت الشمس وماوصلنا
هايل : ابشر
رغد : زياده على ذوقك جب فصفص وحمضيات واذا لقيت كودرد جب
هايل : اخبرتس ياندى ماتحبين الحمضيات
رغد : بشربها اياه غصب جب فطيره جيعانه امسكي ندى
ندى : ياحبيبي يعرف ذوقي صح ماحب الحمضيات الي تتكلم لك رغد
ام فهد : توه ماكل هايل غريبه جاع انتي يارغد مااكلتي شى
ندى : اممم لاتخافين يمه عليها
رغد : شعندها اختتس تغمز ههههههه
ندى : مو اخوي الجوعان انتي الجوعانه
رغد : اي طيب فعلا جوعانه
ندى : حركات ياهايل نزلت عشانها
رغد : رحمني صوت بطني طلع قدامه
هايل : ها امسكوا
ندى : يعطيك العافيه
ابوفهد : يله حط رجلك لاتوقف
هايل : ابشر
~~~ فالقريه ~~~
رغد : ااخ يالركب
ابوفهد : شكل كلهم نامو وين اختتس
ام فهد : تعشو عند ام عزام ويمكن نامو لان ولدها بيمشي بكرا
ابوفهد : وين نزل الاغراض ياهايل
ام فهد : بيسافرون برا عندهم شغل
ندى : اخيرا ابي انام
رغد : مافيني النوم وش فيهم كلهم بس نوم نوم وين فعاليات الديره
هايل : تسمعين بها الفعاليات خذي شنطتتس
رغد : افتح السياره
هايل : مفتوحه
رغد : نسيت اغراض خاله ام محمد يله دخل الشناط
هايل : لاتامرين "وهن يقلدها" خاله ام محمد
رغد : لو تكلمت زود بسكر الباب عليك
هايل : معي مفتاح
رغد : حسبالي بعد
~~~ صباح يوم جديد ~~~
ام فهد : يابنتي يارغد لاانتي مع الانس ولا الجن وش هالنوم
ندى : متعوده عالسهر شوفي ولدنا بعد للحين نايم
ام فهد : روحي ساعدي فرح بالغداء هايل هايل قم بيجون يتغدون هنا
هايل : شوي يمه شوي
ابوفهد : وش شوي للحين نايم قم
ام فهد : قم نام بغرفه اخوك زامل قم
هايل : الواحد ماينام يعني
ام فهد : ابوفهد ابشاورك بموضوع
ابوفهد : اي سمي
ام فهد : اختي بتسكن عندي تعرف ولدها بيروح خارج ومافيه الا هي وبنتها ففكرت احطها بغرفه زامل لا تزوج
ابوفهد : اي الله يحييها انا مفكر احط غرفه سياف لهايل وافتح غرفه زامل وفهد ويصير صاله بس الحين فكرت نخليهم مسكرين واذا جونا زياره ينامون فيه
ام فهد : خير مافكرت تعرف القريه تخوف ولا ولدي حريم يسكنون لحالهم جنبنا
ابوفهد : لا انا ماارضى بعد اقنعيها تصير عندنا وانا بكل الاحوال مادخل يم غرف العيال من غرفتنا لمجلس الرجال
ام فهد : خلاص اجل عشان هايل مايتضايق بحطه بغرفه فهد لانها غرفه بحمام ياخذ راحته هناك اكثر وهم بغرفه سياف
ابوفهد : ليه ماتحطينهم بغرفه ندى وفرح لانها بعيده عن قسم الرجال
ام فهد : اي صح ههههههههههههه نسيت انهم بيتزوجون بعد
ابوفهد : خلاص صار قولي لهم ابوفهد عيا تسكنون لحالكم
ام فهد : طيب غسل يدينك بنحط الغداء
~~~ بمجلس الرجال ~~~
ابوفهد : يامرحبا ومسهلا
غيث : كثر الله خيرك ياعم
ابوفهد : خيرنا واحد ياولدث سمعت انك بتروح برا
غيث : اي والله ياعم
ابوفهد : الله يوفقك وييسر امورك وابد اهلك امانه عندي
ابوعزام : لا جت عروس عيالنا بنعزمك
غيث : يشرفني والله ياعمي
ابوفهد : على طاري العرس متى ناوي تحط عرس ولدك
ابوعزام : لو علي اليوم قبل بكرا المهر وصار معكم متى ماخلصت بنتي مقاضي نحدد وقت العرس
ابوفهد : انت تعرف مابقى شى على رمضان ودي عرسهم قبله يعني هالفتره
ابوعزام : خير ماقلت اجل تحدد العرس ١٠/٨
ابوفهد : الله يوفقهم يارب شصار معك ياولدي سياف
سياف : كلموني الشغل بعد العيد ابدا
ابوفهد : يعني بتصوم عندنا
سياف : ايه
ابوفهد : لقيت شقه هناك قريبه من شغلك
سياف : اي والله
ابوفهد : وين زامل للحين ماجاء
سياف : بيجي مع فهد
ابوفهد : من جاينا الحين اي تذكرت ابوسامي قم ياسياف افتح لعمك قم
سياف : ابشر يامرحبا ياعمي
ابوسامي : ياهلا ياولدي وين ابوك
سياف : داخل
ابوسامي : السلام عليكم اقعدو والله محد يقوم شلونكم
ابوعزام : بخير وش فيك تقل ودك تقول شى
ابوسامي : اي تخبرون حلالكم الي حطيتوه عندي
ابوفهد : ايه وشفيه
ابوسامي : جاي واحد بياعه يبي يشتري الارض والي عليها الارض حقتي بس الي عليها لكم ومقدر ابيع بدون رضاكم
ابوعزام : لا والله انت صادق ماتضيق الا تفرج
ابوسامي : اي والله بيشتري الارض بمليون والي عليها بمليون وخص مئه الف
ابوفهد : لا اله الا الله وصلت لهالسعر
ابوعزام : طيب ليه سعر الارض غير عن الي عليها
ابوسامي : ارضي يابوعزام انتي شفتها هو بياخذها كلها من بيتي الين المسجد
ابوفهد : انا تم
ابوعزام : وانا تم
ابوسامي : واخوكم ابومحمد موافق اجل تم بكلم الرجال
ابوفهد : والله الشغل حلو ليت عيالنا قعدو
ابوعزام : مصيرهم بيعرسون وبيتوظفون وظايف احلى والمكان ماهو زين
سياف : الحسنه الوحيده ان عرفنا عمي ابوسامي وصرنا انساب
ابوسامي : الله يحفظك ياولدي
ابوفهد : اي والله يابخت ابوسالم بنسابه ابوسامي
ابوسامي : الا متى ناوي تحط عروس عيالك
ابوفهد : زامل ملكنا له اما العرس فاهل حرمته يبونه عائلي يعني يروح زامل لحاله وياخذ حرمته
ابوعزام : مافيه عرس
ابوفهد : لا والله عندهم نظام اذا ماهو اول زواج لهم مايحطون عرس
سياف : عشان كذا فهد رايح معه
ابوفهد : اي معلمك انا امس ولا ماهو انت الي معنا بالسياره
سياف : لا ذاك هايل
ابوفهد : راح بيحط عياله عند امهم طلبتهم وفهد بيزفه على حرمته ثم يرجع لنا فهد
ابوعزام : طلق حرمته
ابوفهد : اي بيخلص شغل المحكمه هناك
ابوسامي : كلمت الرجال وللحين صامل وبيجي هنا وبيعطينا اياها وانتم عطو اخوكم
ابوفهد : تم فنجالك
ابوسامي : مشروب يابوي
سياف : الحين يبه اذا تزوجت بنت ابوسامي ابوسامي وين بيقعد
ابوفهد : على مافهمت من كلامه ان عنده اخته بيروح عندها
ابوعزام : ليته يقعد هنا فالقريه
غيث : باع بيته علينا الي جنبكم
سياف : ارحمه هالرجال
ابوفهد : قلت له يتزوج وعيا يقول ان مت فبموت حزن على حرمتي يعني قالها تلميح ان مستحيل يتزوج غيرها
ابوعزام : لا جاء بعدنا جيل جديد ليته يتعلم من محبتنا
ابوفهد : جاي جيل مايثق فالحب حتى باوعزام حبنا وطبعنا وعاداتنا بتندفن معنا
عزام : مشينا ياسياف ندور بغيث قبل يمشي
سياف : متى رحلتك
غيث : الساعه ١٠
سياف : والحين الساعه ٢ يمديك تمشي وتوصل عالوقت
غيث : اي يمديني وزود مامن بعد
عزام : وين هايل
سياف : توني اتذكره تصدق بروح اقومه
عزام : هذا هو صح النوم
هايل : صح بدنك وين رايحين
سياف : وش هالنوم ياخوي الناس تقوم وانت تنام
هايل : يوم انك نايم انا كنت قايم
سياف : امش امش نمشي غيث قبل يمشي
هايل : بتمشي اليوم
غيث : ايه
هايل : توكم جايينا ماشبعنا من خالتي تصدق للحين ماشفتها
غيث : لا تطمن امي واختي بيقعدون هنا لاني بطلع برا وامي ماتركب طياره
هايل : اوهه كذا الوضع اهم شى خالتي تبقى انت كيفك
غيث : اخس يالجحود
هايل : ماقلت لكم انقبلت
سياف : وين
هايل : بكمل جامعه انتسب او انتساب اتوقع كذا وبصير مدرس مثل بعض الناس
عزام : امم مبروك يالفضيحه
هايل : ههههههههه نتوظف بنفس المدرسه
عزام : ترا وظيفتي بمدرسه صارحت اهلي
سياف : مدرس وش
عزام : اسلامي
سياف : ههههههههه طلع ذا تخصصك ماقد سمعتك تتكلم عنه
عزام : اخوك فضح فيني
غيث : وش انقبلت ياهايل
هايل : عربي
عزام : ههههههههه وتطقطق علي يالهطف وانت ذا تخصصك
هايل : عالاقل قلت ما سكتت مثلك
سياف : امش امش ياغيث هذولي وش يفكك منهم

انتهى البارت
قراءه ممتعه يااصدقاء 💞💞