"جابك الله في زحام العمر صدفة "

16

يوم جديد
~~~ في بيت ابوفهد~~~
هايل : يلا خلصت امش للحلال معي
ام فهد : لا والله ماتاخذة خله عندي اليوم
هايل : البيت الي فالمزرعة يحتاج تنظيف يايمة وابوي موصيني انظفه عشان بيحط عشاء هناك
ام فهد : ميخالف يولدي خذ فهد وزامل واذا تبي خذ ندى يعد
ندى : وش المناسبة ابوي بيحط عشاء ؟
هايل : عمتي جهير بتجي واختتس فرح بعد
ندى : اي هذي تستحق اروح يلا بلبس عباتي واجيك
هايل : يلا
زينب : وين بتروحين
ندى : بروح مع هايل نرتب البيت الي فالمزرعة
زينب : بجي معكم
ندى : بدون ماتقولين لفهد
زينب : تكفين لاتجيبين طارية
ابو فهد : على وين
هايل : ننفذ اوامرك يبو فهد
ابو فهد : مره وحدة كلنا بنروح ندى ياابوتس تعالي
ندى : لبيه ياروح وقلب وعيون وحياتي ندى
ابوفهد : وراتس بلاء اعرفتس
ندى : امر تدلل وش بغيت
هايل : وانا محد يدلعني
زامل : شكبرك ليش ندلعك
ابوفهد : بمساعدة زوجه زامل وزوجه فهد شيلي كل شى نحتاجه كالعادة لبيتنا الي هناك لاتنسين شى وانتي ياام فهد اشرفي عليهم وانت ياهايل تقمز للبقالة تجيب فحم وتعزم عمك ابوعزام وابوفارس وقل لعمك ابوفارس يعزم ابومتعب
هايل : مانسيت احد يبه
ابوفهد : كاني نسيت احد انت تذكر اعزمهم الكل يجي حتى سعيد خله يجي
هايل : على خشمي
ابوفهد : وانت يازامل رح للسوق وجب المنقد الجديد حق الفحم وجب اغراض الشوي كله شفني محجز كل شى بس رح وقل اسمي ويعطونك
زامل : ابشر يبه يلا بروح
سياف : وانا يبه وش علي
ابوفهد : هالعزيمة لقومتك بالسلامة يولدي انت ارتاح من بقى احم ابروح انا اجيب باقي الاغراض
سياف : لا والله يالغالي ماتتحرك انا بروح اجيب الي تبي امر
ابوفهد : بما انك صامل اجل اسمع رح لسوق الخضرة وشفني موصي عالخضار والفواكة جبهم ومر حقين التمور وجب لي سطول تمر وانت خابر عزايمي ماتوقع نسيت
سياف : افا ماانسى انا اعتبر كل شى تبيه وصلك
ام فهد : لاتشيل ثقيل خذ احد يساعدك
ابوفهد : لاتدلعينه خليه
ام فهد : لاتلومني ياعبدالله عيني ماهي مصدقه شوفته
ابوفهد : الله يخليهم لنا اسمعي يافهدة ابيتس تعزمين كل الي تعرفينهم بشرط مابي احد يخرب هالعزيمة واشرفي على اوضاع البنات ابي كل شى كامل
ام فهد : طيب طيب
فهد : وانا يبه وش اسوي وش علي
ابوفهد : انت قم انقلع عن وجهي
فهد : يبه خل مشاكل البيت فالبيت انا عارف سبب عزيمتك ذي تبي تجمل حال ابوفارس بعيون ابومتعب فقل لي وش علي
ابوفهد : رح لسوق الغنم شفني حاجز الي ابيهم خذهم وودهم للقصاب يقطعهم وجب معك حطب والسجادات كل شى حاجزه انا بس جبه وتعال
فهد : ابشر صار يايبه
ابوفهد : تسامحت مع حرمتك
فهد : ماهو وقته يالغالي
~~~ في المطبخ ~~~
عفراء : ناقص احط نفسي
ام فهد : يلا يلا للحين ماخلصتو شى
ندى : حطيت اغراض الطبخ واغراض التقديم كلها وش باقي يمه
ام فهد : زينب ياامتس شوفي بالمخزن الي وراتتس فيه مناديل وصابون حطيه مع الاغراض وش بيغسلون يديهم فيه وانتي ياعفراء جيبي اغراض الشوي اشوف التقديمات الي حطيتوها وين الدلال وين اغراض القهوة والشاهي والنعناع والزنجيل حطيهم ياامي ندى
ندى : طيب طيب ابشر يايمه محد افتك الا فرح
ام فهد : زينب اذا خلصتي ابيتس تروحين تعزمين الدكتورات معنا
ندى : شكيت في عزيمتكم ليش عازيمين كل هذول
ام فهد : العزيمة مهمة ولازم نجيب ناس مثقفين ومتعلمين
زينب : افا ياخالة وانا مو مثقفه
ام فهد : الا اكيد انتي وعفراء بصدر المجلس وعقبال مازوج سياف وهايل
ندى : طبعًا دايما منسيه
ام فهد : تبين تتزوجين وتتركيني؟
ندى : لا خلاص بقعد عندتس انتي وابوي
ام فهد : يلا يلا ورانا شغل اكثر فالمزرعة
~~~ في البقالة ~~~
هايل : شصار من مسوي كذا سعيد قم قل من مسوي كذا
سعيد : راح حلالي راح
عبدالرحمن : ماراح شى ياعيال فزعتكم نطفي الحريق
سياف : بسم الله الرحمن الرحيم ابروح اجيب ماء
~~~ في المركز الصحي ~~~
فاتن : يمه حريق
ميهاف : وش قاعدين ينتظرون مايطفونه
فاتن : وخري
ميهاف : وش تسوين ذي طفايه مخصصه للمركز
فاتن : اجل ننتظر تحترق كل بقالته ابطلع اعطيهم
ميهاف : خذي ذي بعد
فاتن : عبدالرحمن امسك
عبدالرحمن : الله يبيض وجهك هايل امسك الثانية
زامل : ثنتين ماتكفي وين سياف
فهد : رح عب معه ماء وش تنتظر
ابوعزام : اركض ياعزام اركض
"طفت النار بس وش يطفي النار الي داخل سعيد ماعنده غير هالبقالة يترزق الله فيها وانحرقت"
سعيد : ماقصرتو
هايل : الله يعوضك ياسعيد
سياف : خل تنتهي عزيمة ابوي اليوم ووعد ياسعيد لنلقى الي سوا كذا
سعيد : حسبي الله
عبدالرحمن : تعال للبيت واهدا ومايصير الا خاطرك طيب
هايل : انا عارف من الي يسوون هالمصايب
سياف : من
هايل : جماعه خلف هو حاقد على سعيد
فهد : يلا كل واحد عالي وصاه ابوي كل شى بوقتة حلو
~~~ في بيت ابو فهد فالمزرعة ~~~
ندى : يوه اشتقت لمزرعتنا
هايل : نياقي
ابوفهد : يلا يلا نظفو المجلس اهم شى
هايل : عطوني الشطافات والصابون
ندى : اي اي اشتغل ماوراك شى
هايل : هاتيها لاشطفتس بدال البلاط فاضي محارشتتس
ندى : عساس انا الفاضيه امسك امسك
سياف : ابرفع ثوبي عشان اعرف اشتغل
زامل : ماشاء الله خبرة بهالاشياء
سياف : بغيابك تعلمنا كل شى
فهد : ههههههههههههههههههههههههههههههه اشتغلو اشتغلو
هايل : ودي امسح هالممسحه بوجهه خلف اهه قاهرني
سياف : اسكت لايسمعك ابوي
هايل : نتسابق يلا يلا ياعيال امشو مناك ونعد الى ثلاثة ونركض الى هناك
فهد : وش الفايدة من حركتك ذي
هايل : نخلص تمسيح بسرعة
زامل : يلا ابعدل ثوبي ونبدا
هايل : يلا واحد ثنين ثلاثه
ابوفهد : ارفقوا ياهالمطافيق جايب لي مجنن انا اعقلو
هايل : عشان نخلص بسرعة يايبه
سياف : هايل انتبه
ندى : هايل ياحيوان
هايل : الله يعمي العدو
ندى : ظهري يوجعني كله بسببك يالمطفوق
ابوفهد : ماقلت خل اللعب وقت التنظيف
هايل : هي وش جابها هنا شتبين
ندى : وش ابي انا اعلمك وش ابي
"مسكو شعر بعض هايل وندى وجلسو يتهاوشون"
هايل : فكي
ندى : فك انت
هايل : فكي وافك لانثر ضلوعتس
ندى : بنثر اعضاءك هنا فك شعري بسرعه يبه شفه
ابوفهد : ولد هايل فكها
هايل : تفكني وافكها
فهد : اذا على هالنظام مارح نخلص الا بكرا
سياف : فكو بعض "فكهم" كم مره قلت لك لاتمد يدك على ندى
هايل : اشهد يبو فهد على عيالك متعاضدين ضدي
ابو فهد : تستاهل انت ماتخلي احد بحاله شرك واصل الكل
هايل : هذا جزاتي يبو فهد اببيض وجهك عند المعازيم
زامل : انت تدرب شلون تمسك الدلة وبتبيض وجيهنا كلنا
هايل : امسكها انت
زامل : لا انت ناوي نفسك اليوم تعال لاتهرب
ندى : امسكه تكفى وخذ حقي
"يركض هايل منحاش من زامل وزامل يلحقه بالشطافه "
ام فهد : يمه يمه ارفقو وشفيكم تلحقون بعض لاتطيح الصينيه من يدي
زامل : تعال تعال لاتصير وراء امي
هايل : يمه شوفي عيالتس صايرين ضدي
ام فهد : وشفيكم على ولدي شايفهم يسوون له كذا يبوفهد وساكت
ابوفهد : عجزت عن عيالتس
ندى : يستاهل ضربني
ابوفهد : روحي كملي شغلتس ياندى
ام فهد : خلني امسح ذا الطاولات
ابوفهد : عطيني عنتس امسحها
هايل : حركات والله تساعد امي وبسمع عنتس ولاتتعبين خلونا نبارك لبعض بيجينا اخ
فهد : اعقب يولد عيب
ابوفهد : امسكي الفوطه تعال يالملعون انت يبيلك قص لسان
هايل : صرت تركض يبوفهد ولاماترضى عالحب
ابوفهد : امسك هالنعلة
"شاته بالنعله وطاحت بيد عزام"
عزام : تبيني ياعم اهبده بدال عنك
ابوفهد : لا خلاص انحاش الرخمه هات نعلتي
ابوعزام : السلام عليكم
ابوفهد : يامرحبا
ابوعزام : عزام رح ساعد عيال عمك
عزام : ابشر
عبدالرحمن : ارفق يولد وراك تركض
هايل : رح شف ابوي وينه وعلمني
عبدالرحمن : طيب بقولك شى بيفرحك
هايل : مايجي من وراك فرحه بس هات العلم ويش
عبدالرحمن : لا خلاص مانيب قايل اجل انا ماتجي الفرحه مني
هايل : كانك ولد ابوك قل
عبدالرحمن : بقول عشانك قلت كذا ولا ماهو عشان سواد عيونك
هايل : طيب اخلص قل وش الي بيفرحني
عبدالرحمن : اختي عزمت حبيبتك
هايل : قصدك ميهاف بتجي هنا بتجي تشوف نياقي وخيلها
عبدالرحمن : خيل وش
هايل : ماقلت لك يالذيبان امش اوريك اياه
عبدالرحمن : كل هالاشياء من ورانا
هايل : هذاني قلت لك وانت اول واحد
عبدالرحمن : وش بتوريني
هايل : يوم انها حبتني وصرنا خلاص نحب بعض سالتها اذا تحب النياق وجلست تضحك وقالت لا ماحبها ووقتها زعلت وقلت شكلتس ماتحبين شى قالت الا احب الخيول ورحت تسلفت من  فهد وشريت لها خيل
عبدالرحمن : والله طلعت منت هين
هايل : كلها لعيونها والله وانا بعد احب الخيول
عبدالرحمن : ونياقك سحبت عليهم
هايل : ماينسحب عليهم بوجودك
عبدالرحمن : انا بديت اشك اني اخوكم ماهو ولد عمكم
هايل : لا وش نبي فيك انت ولد عمي وياله متحملك تبي تصيراخوي
عبدالرحمن : اقول اسكت ترا علومك كلها عندي
هايل : رح شف ابوي وينه وارجع علمني
~~~ في القريه تحديدًا بيت ابومحمد~~~
شهد : يلا يامحمد طالبتك تعال غير جو
محمد : والله ياشهد مالي نفس لشي روحو انتو بدالي
شهد : لاتكسر بخاطر ابوي وامي وقم يامحمد عادي تجمل
محمد : خلاص أبشري ابقوم
شهد : هذا محمد الي نعرفه
محمد : لا لا ماتعرفوني بس عشانتتس قلتي تجمل
شهد : الله يعينك ياعين اختك
محمد : وين سالم
شهد : خذاه عبدالرحمن وسبقنا للمزرعه
محمد : ماقصر ابوسيف
فاتن : شهد تعالي ابيتس
شهد : للحين ماخلصتو يلا استعجلو
فاتن : من ابو سيف
شهد : اخوي عبدالرحمن ليش
فاتن : ليش تقولون له ابوسيف
شهد : ابوي اسمه سيف ومن باب الاصل نقول له ولان محمد مسمي سالم على ابو هدى الله يرحمها ف عبدالرحمن بيسمي ولده سيف
فاتن : اها الحين فهمت
شهد : تحسبينه متزوج
فاتن : ها لا لا بس احسب حطيتو سالم عند واحد اسمه ابوسيف كنت بقول خذوه معنا
ميهاف : انا صدقت صدقتيها يا شهد
شهد : أقتنعت بس ماصدقت
ميهاف : احنا جهزنا متى بتمشون
شهد : الحين
فاتن : الحين ليش مايعزمون ابوتس وهو نسيبهم وليش مايوصلون فيتس وانتي بنت اختهم الميتة وانتي ليش ماتروحين تقومين بواجبهم
ميهاف : هم مايبوني ليش اسوي كذا ؟
فاتن : الله يعينتس صراحة
ميهاف : مابغى ازعل اليوم ابدا
فاتن : ليش
ميهاف : لاني بروح وبشوف نياق هايل
فاتن : حبكم ذا قافرني مستانسه عشان نياقه
ميهاف : اي تراه يحبهم مره
فاتن : الله يخليكم لبعض ويحرمنا منكم
ميهاف : افا يافاتن ؟؟
فاتن : يحرمنا من حبكم هذا الحلو عشان محد يحسدكم فهمتي
ميهاف : انتي ناويه تزعليني صح اعترفي؟
فاتن : لا حشى فرحتتس من فرحتي
~~~ في المزرعه ~~~
ابوفارس : كل شى جاهز يبوفهد صح
ابوفهد : ماعليك كل شى جاهز يبوفارس
فارس : يارب يوافق
هايل : سمعنا انك تحبها صحيح هالكلام
فارس : اي والله صحيح
زامل : الله يكتبكم من نصيب بعض
سياف : عزيمة ابوي عشان خطبه فارس ولا عشاني
هايل : ولا شى عشانك
ابوفهد : هايل امش صب القهوة كان ابوي تاخر
ابوعزام : وابوخالد تاخر وابومحمد بعد
ابوفارس : الله يعدي هالليلة على خير
| وصل الجد محمد وابوخالد وابومحمد ورحبو في بعض بصدور رحبه |
هايل : ارحب يالعريس
خالد : البقى وعقبالك
هايل : اختي رتبتك
سياف : بروح اسالها ليكون مسوي لها شى يضايقها ابقلب هالليلة عليك
خالد : لا معليك ياسياف هي بعيوني بدون توصية
هايل : اي انتبه ترا عندها اربع اخوان
خالد : الله يخليكم لها ويفكني منكم
زامل : انتبه ترا رضا الاخوان اهم شى لاتخرب العلاقات
عبدالرحمن : الله يعينك ياخالد عليهم
خالد : مجبور اتعود
~~~ في مجلس الحريم ~~~
ام فهد : هلا هلا ببنتي
فرح : يوه يمه اشتقت لتتس
زينب : يمه واخيرا جيتو
جهير : وشفيه وجهتتس منقلب صاير شى
زينب : صايرة اشياء بس خل تخلص هالعزيمة واعلمك
جهير : طيب يبنتي هلا ياام فهد شلونتس
ام فهد : بخير الحمدلله انتي شلونتتس
جهير : بخير الحمدللة شلونكم جميعًا
ام عزام : بخير بخير جاء معكم خالي
جهير : اي جاء معنا ابوي بس عيا يركب معنا
ام محمد : ليش وشلون جاء
جهير : جايب صديقة يقال له ابو عبدالعزيز هو بالصدفه هالرجال كان بيروح مع ولده للقريه لان ولده بيفتح مكتب وقال مره وحده ابجي معه وهذي زوجه هالرجال ام عبدالعزيز
ام فهد : حياتتس الله تفضلي تفضلي
ام محمد : وش يشتغل ولدتتس
ام عبدالعزيز : بيفتح مكتب عندكم بالقريه محاماة لانه محامي
ام محمد : اي تراني مو من هالقرية بس زوجي منها
ام عبدالعزيز : هلا هلا ببنتي ميهاف
ميهاف : خالتي وش هالصدفة الحلوة
ام عبدالعزيز : وينتتس قطعتي عني ماعاد اشوفتس ولا اسمع اخبارتس وانا الي مربيتنس
عفراء : ماشاء الله الكل يعرف ميهاف
ميهاف : حقتتس علي ياخالتي انشغلت بالمركز والله
ام عبدالعزيز : مصدقتتس يبنتي وبسامحتس بشرط
ميهاف : سمي عيوني لتس
ام عبدالعزيز : لنا بيت بالقرية وبنقعد فيه لمده نتطمن على عبدالعزيز وابيتس تجين عندي
ميهاف : شروطتس اوامر بس ياخاله انا معي صديقتي مقدر اخليها في بيت لحالها
ام عبدالعزيز : اي تجي معتتس تعرفين ماعندي احد فالبيت غير عبدالعزيز وابوه
فاتن : ارفضي ارفضي
ميهاف : على خير ان شاء الله ياخالة وانتي شلون تبيني ارفض عيب
فاتن : اجل مارح اروح معتتس
ميهاف : فاتن لاتصعبينها كله مدة وبيرجعون للرياض
فاتن : اشوف بعدين
ام عبدالعزيز : هذي مو عفراء
ام فهد : الا هي
ام عبدالعزيز : شلون اخذتوها وامها كذا
ام فهد : ماخذين البنت ماهو الام ومامنها شر
ام عبدالعزيز : زين الله يوفقهم
ندى : شلونتتس شصار معتتس
فرح : ماصار شى سافرنا ورجعنا
زينب : مارح تلقين مثل اخوي
فرح : اي والله الله يخليه لي
شهد : اوه فرح تقول كذا شصار بالدنيا
فرح : انتو شلونكم وشصار بالقرية بغيابي
ندى : صارت بلاوي بس تخلص العزيمة اعلمتتس
فرح : طيب
~~~ في مجلس الرجال ~~~
ابو فهد : حي الله ابو عبدالعزيز
ابوعبدالعزيز : حقك علي يبو فهد ماكان لازم نجي بس والله مابغيت ارد ابوك وتعرف غلاته عندي
ابوفهد : المجلس الي مافيه صقر يامحلاه الله يحيك
ابوعبدالعزيز : ماودكم تتصالحون وترجعون تحنون لبنت اختكم وتنتهي هالحرب
ابوفهد : اطلب روحي ولا تطلب اتسامح مع اخوك البنت بالحفظ والصون عندنا بالقرية وموصي اهل القريه كلهم عليها وعلى صديقتها
ابوفاتن : ماتقصر يبو فهد
عبدالرحمن : هلا هلا بعمي خذ فنجالك
ابوفاتن : يحليلك يولدي هات هات
هايل : منت هين يادحيم تتمصلح مع ابوها
سياف : كل واحد منكم يتمصلح وانت دور ابوها
هايل : مايجي للاسف
ابوفارس : جاء ابومتعب جاء
الجدمحمد : من ذا ابومتعب
ابومحمد : سالفة طويلة بتعرف يايبه بعد شوي
ابوفارس : هلا هلا بابو متعب ارحب بصدر المجلس
ابومتعب : ياهلا ابوفارس ابقولك شى انا عندي وقتي كم ساعه بقعد وبروح
ابوفهد : والتكاليف الي حطيتها
ابوفارس : ابوفهد ابردها لك بس تكفى لاتخرب شى
ابوفهد : نصبر ماعليه
محمد : وراه رافع خشمه ومحد عاجبه
خالد : شوفو وش لابس بس
هايل : احم انت متعب صح
متعب : اي صحيح انا متعب يامرحبا فيكم
ابومتعب : وش سبب العزيمة
ابوفارس : جايك بالعلم يبومتعب اقدع
ابوفهد : ماهو منه من لبسه
ابومتعب : اعذروني ماتوقعت عاداتكم كذا لما قال لي ابوفارس مزرعه توقعت فيه خيول وبننبسط مادريت انها عزيمة وكلكم لابسين ثياب
ابوخالد : لا عادي خالد القهوة
~~~ في مجلس الحريم ~~~
عفراء : ياكثر ذهبها
زينب : كانها تبينا نشوفه
فاتن : مستانسه فيه
ام متعب : ماعرفكم من انتو
ام فهد : احنا جيرانكم بالقرية وسبب العزيمة ابو فارس
ام فارس : ولدي يبي يخطب بنتس
ام متعب : ومن ذا ابو فارس
ام فهد : خلي هالعلوم عند الرجال يجيتتس العلم بعدين
ام متعب : وش بعدين الموضوع فيه بنتي
جهير : احنا بكبرنا مانعرف ياام متعب
ام متعب : على خير
ندى : ودي اكب القهوة عليها
ميهاف : انتبهي تسوين مشاكل
فاتن : انا ادعمتتس كبي
شهد : هاتي الدله ياندى
ندى : احلى شى خذيها
ام متعب : من بنته هذي
ام محمد : بنتي
ام متعب : وكم عمرها ماشاء الله
ام محمد : عمرها ٢٤ سنه
ام متعب : قريبه من ولدي متعب
ام محمد : كم عمره ولدتتس
ام متعب : عمره ٢٧
ام محمد : ماتزوج للحين
ام متعب : الا متزوج بس حرمته ماتستاهله
جهير : يعني مطلق
ام متعب : اي توه مطلق ماله كم شهر
ام محمد : ووش السبب
ام متعب : حرمته ماتبينا تبيه يبعد عنا وولدي يحب القرية وهي معييه تروح معه
ام محمد : اي الله يعوضه بس بنتي شهد ماهي مطلقه توها بنت ومحجوزة لولد عمها
ام فهد : اوه بردتي قلبي
شهد : انا الحين ابي اكب عليها الدله
ندى : اي فعلا تنرفز
سالم : خاله ميهاف خذي هذي
ميهاف : وش
سالم : من هايل اقريها
فاتن : اوه حركات
ميهاف : فتحت الرسالة "تعالي برا خيلتتس جاهز" مو صاحي والله جاب خيل
فاتن : وين رايحه
ميهاف : هايل جاب لي خيل
فاتن : تستهبلين
ميهاف : لا شوفي الرسالة
فاتن : بجي معتتس
زينب : وين رايحين
فاتن : بنتفرج برا
زينب : بجي معكم
ميهاف : متاكدة
فاتن : اي تعالي عادي
جهير : زينب ياامي تعالي ابيتس
فاتن : خبله انتي تفضحين نفستتس
ميهاف : شسوي خفت تجي
فاتن : امشي امشي
~~~ عند اسطبل الخيل ~~~
هايل : تتوقع عطاها الرساله سالم
عبدالرحمن : يعني لك مده واثق فيه وتعطيه الرسايل والحين صرت تشك
هايل : الحرص واجب جت جت
عبدالرحمن : لاتقول بتقعدون تسولفون
هايل : لا بس بقول لها اني شريته عشانها وبجيك رح لمكان وراقب لنا
عبدالرحمن : محد بينكبنا غير حبكم
فاتن : ابروح هناك ٥ دقايق وتجين
ميهاف : طيب بس لاتبعدين عشان ماتضيعين
فاتن : لا بقعد هناك بناظر العنز واخليها تناظر لي
ميهاف : تمام احم هالخيل لي
هايل : لاتخسين
ميهاف : اجل ليش كاتب بالرساله اطلعي شوفي خيلتس
هايل : لا يعني انا شريتها عشانتتس تحبينه وحتى سميته ميهاف
ميهاف : اي يعني بس تنكر انه مو لي وين نياقك
هايل : مكانهم بعيد والدنيا اظلمت مقدر اخذتتس لهم
ميهاف : يلا الجايات اكثر
فاتن : اوف ياكثر شجرهم وشوكهم تعالي ياخروفه بشكي لتس همي ايوه شاطره تردين علي اسمعي عندي خويه خفيفة هي وحبيبها دبلو تسبدي وش اسوي ياخروفه
عبدالرحمن : وليش دابلين تسبدتتس
فاتن : يمه الله لايوفقك
عبدالرحمن : ياساتر وش مسوي عشان احصل هالدعوة
فاتن : اظن انك شايف اني لحالي وفالليل
عبدالرحمن : هذا الجزاء بدال ماتشكين لبهيمه جيت اسمع لتس
فاتن : عطني من الاخر وش تبي انت مني
عبدالرحمن : زين حسيتي ولاحظتي
فاتن : اي عطني من الاخر
عبدالرحمن : احم يابنت الناس انا باختصار
ميهاف : فاتن تعالي
فاتن : طيب جايه اتمنى ماعاد نتقابل
عبدالرحمن : ليش كل هالقساوة وكاني شخص سئ ماعمرتتس شفتي مني مضره ليش تكرهيني
فاتن : ماتهمني تراك ابعد وش تبين انتي
ميهاف : تعرفيني ماعرف اصور صوري الخيل
فاتن : بس كذا هاتي جوالتتس
ميهاف : صوريه مع الخيل
فاتن : اخر طلب
ميهاف : ابشري بس صوري
فاتن : حط شماغك على وجهك
هايل : ازهليني بظبطكم
فاتن : يلا امسكي وامشي
هايل : وشفيك وجهك ماهو زين
عبدالرحمن : مافيني شى امش نرجع ولاعاد تجيبني اذا بتشوف حبيبتك
هايل : شكلي عرفت
~~~ في مجلس الرجال ~~~
ابومتعب : والله عجبتني عطني رقمك
ابوخالد : خذه هذا هو
ابومتعب : انت ماهو من القريه صح
ابوخالد : صح
ابومتعب : كويس يلا ابستاذنكم
ابوفارس : قبل تروح ابقول لك شى يبومتعب
ابومتعب : قل ماعندي وقت
فارس : كانه يتطاول على ابوي ذا
فهد : اهدا لمصلحتك
ابوفارس : سبب هالعزيمة اني ابي اخطب بنتك لولدي فارس
ابومتعب : ومن فارس
ابوفارس : ولدي وهذا هو يشتغل فالرياض ولو تبي يسكن بنتك فالرياض يسكنها
ابومتعب : والله قربكم شرف لنا بس ماعندي بنات للزواج
ابوفارس : وشلون ماعندك وبنتك تحب ولدي
ابومتعب : لاتجيب كلام عشان تخليني اوافق بنتي كانها حبت ولدك فهي عمياء عدل عائلتك بعدين اخطب لولدك
متعب : يبه لاتقول كذا عيب
فارس : من زين قرابتك وبنتك خلها تقعد عندك ومن هنا اقولك يبو متعب مثل ماحرمتني من البنت الي احبها مارح اسامحك وبنتك محد جايها وبتقعد عندك ويلا المجلس يتعذرك
الجد محمد : اهدو وشفيكم وفيه من قصور ابوفارس يوم انك ترفض ولده
ابومتعب : زوجه انت يلا يامتعب مشينا
متعب : امسحوها بوجهي ياعماني
ابوفهد : الله يعينك على هالاب
هايل : ها شصار وافقو
سياف : لا بكل غرور رفضه وكسر بخاطره
ابوعزام : لاتضيق صدرك يبو فارس قرابتك انشهد انها شرف وانا هنا وقدام كل اخواني والرياجيل اعطيك بنتي لولدك فارس واقدم على عرسه واقهر ابومتعب
الجد محمد : عز الله اني ربيت ياعيالي
ابوعبدالزيز : الله يخليهم لك يبيضون الوجه
ابوفارس : ماتقصر يبو عزام وابشر بالي يجيك ويطلب بد بنتك رسمي
ابوعزام : صدري وعيني وقلبي مفتوحين لكم قبل مجلسي باي وقت حياكم الله
هايل : افرح يافارس بدال هالمغرور جتك عروسه افضل وين بتلقى احلى من نسابه عمي
فارس : بس انا احب بنته ياهايل احبها
سياف : ماهي نصيبك ياخوك وجعلها خيرة
هايل : صرت اخاف
عبدالرحمن : من وش
هايل : ميهاف ماتكون نصيبي
عبدالرحمن : تفائل يخوك
هايل : انا برا اذا بغى شى ابوي نادني
عبدالرحمن : طيب لاتبعد
طلع هايل من المجلس وراح عند اسبطل الخيل ويناظر الخيل وجاه شعور ان ميهاف قدامه طلع دفتره وقلمه وكتب قصيده طرت على باله مثل الهاجوس بميهاف هايل :
يا بعد ساس القصيّد ويا خَلف جدانها‬
‫وياوجهٍ ملاه الحسن سبحان باريّها‬
‫ تاهت وصوف الشعر في جل حسنها ‬
‫كل مسا أشوف وجهها فيه يالله حيّـها ‬
‫انشهد ان أحلى وجهات النظر وجهها‬
الجد محمد : اوه القصيدة لمن
هايل : ميهافي ياجدي
الجد محمد : هي ولا الخيل
هايل : يخسى الخيل هي المقصوده بكل شعري
الجد محمد : ومتى ناوي تعتمد على نفسك وتجمع مهرها
هايل : مشاكلنا ماتخلص ياجدي وابوي وابوها مايجتمعون بمكان
الجد محمد : انا اروح معك واخطبها لك
هايل : والله صادق ياجدي
الجد محمد : ماارجع عن كلامي انا انت بس اعتمد على نفسك ودور وظيفة واقدم وانا معك
هايل : الله يخليك لي ياجدي ويطول بعمرك
الجد محمد : ابشوف عيالكم يااحفادي
هايل : باذن الله

انتهى البارت
ابو محمد اسمه : سيف
ام محمد اسمها : ليلى
ابو خالد اسمه : صالح
ام خالد : طبعًا جهير
ابوعزام اسمه : فرج
ام عزام : شيخة
"هذي الاسماء الي كانت ببدايه البارتات مجهولة"

| هذا البارت مفروض ينزل الاحد بس بما انه اجازة ف نزلته لكم اليوم عشان تقرونه بكل حب وان شاء الله اكمل بارت ١٧ وانزله لكم كمان تستاهلون على دعمكم الحلو|
____________________________
اتمنى لكم قراءه ممتعة اذا بغيتو تسالون عن حاجه تخص الروايه هذا حسابي بالانستا "lo7.eii" فقط لو سمحتو بخصوص الرواية عندكم مقاطع تناسب روايتنا او تصاميم تليق بالروايه اي شى يخص الروايه تعالو الانستا لان هنا مقدر ارد عليكم البرنامج نفسه يرفض للاسف وشكرااااا لدعمكم الحلو وصلت مشاهدات الروايه ٦ الاف متخيييلين الله يجعلكم شاهدين لي لا علي 💙💙💙💙💙💙.