"جابك الله في زحام العمر صدفة "

75

~~~ صباح اسبوع جديد ويوم جديد~~~
ابوفهد : يله ياهايل ان مااستعجلت تراني ابكنسل
سياف : يبه انا نسيبهم لازم اروح
ابوفهد : ومن بيقعد عند اهلك
زامل : نروح كلنا
فرح : ايه يبه تكفى
سياف : اي صدق يبه تعرف حرمتي اخت دحيم ولازم تروح وصعبه تركب وهايل فيه خلهم حريم وراء مع بعض
ابوفهد : وانتي ياندى تقل مابخاطرتس الروحه
ندى : لا يعني بس ماشوف انه ضروري حضوري
فرح : ماهو ضروري ولا ماتبين تشوفين زوجته
ابوفهد : يله اجل كلكم عندكم ربع ساعه تجهزون
فرح : يس طيب يبه كم يوم بنقعد
ابوفهد : ماحنا مطولين ورانا عروسكم يعني بالكثير اربع ايام
زامل : يله امشو ياعبدالله وامل ارتب شنطتكم
ندى : والله عشنا وشفنا زامل يرتب شناط عياله
زامل : اجل من بيرتبهم الله يصبرني
شهد : الحين بتاخر متى يمديني البس واتزين انت تعرف اني اهم وحده
سياف : وشتبين اسوي ماعندنا غير سياره وحده نطير يعني نطير اصبري وخلصنا
شهد : اوف اوف كله اصبري
هايل : شرايك يابو فهد اصب لك قهوه على مايخلصون
ابوفهد : هذي قهوه الطريق ان فتحتها ماخلتنا امك نمسي
~~~ بغرفه فرح وندى ~~~
ندى : وش البس الحين
فرح : اكثر شى عندنا الفساتين من كثر عزايمنا خذي اي شى المهم الشعر والمكياج
ندى : ليه اقترحتو نروح
فرح : مفروض تفرحين بتسافرين
ندى : عساس بسافر لندن بيت عمي ابومحمد ملينا منه
فرح : والله عاد اقعدي هنا لحالتس انا بروح اوسع صدري قبل اسكن فالشرقيه ويصير صعب علي اجي واشوفهم
ندى : اوف اوف لو علي قعدت بس محد بيقعد فجاه كلكم رحتو
فرح : انا اعرف وش سبب زعلتس ورفضتس للروحه كله عشان هالمسكينه فاتن ترا والله مادرت عنتس لا انتي ولا دحيم هو نشب لها ووافقت
ندى : يعني ترضين على اختتس الزعل والغريبه عادي
فرح : محد غريب بهالموضوع غير تفكيرتس ندى انتي بعد بتتزوجين عزام شيلي هالولد من عقلتس
ندى : اذا قدرتي تشيلين خالد بشيل عبدالرحمن
فرح : والله اني حاسه وعارفه ومتاكده ان صالح بيعوضني ماهو بس عن خالد عن طوايفه بعد دام اني تكلمت ووافقت وبدون غصب انا غصبا علي اوفي لصالح ومافكر باحد غيره انا ياندى موضوعي غيرتس انا انرمت اغراضي باكياس زبايل ومن بكرا تزوج علي بعدين طلقني بس انتي لا خطبتس ولاتزوجتس ولاتزوج عليتس انتي لحالتس راسمه حياه مانتي الشخصيه الرئيسيه فيها وهذي عاشر مره اعيد واقول فاتن وعزام مالهم ذنب بكل حكايتكم ذي
ندى : انا خلصت بروح اركب
فرح : كلمه الحق تزعلكم بغيت انسى ولدي حسبي الله عالعدو
شهد : للحين ندى تتكلم بفاتن
فرح : والله امسحيها بوجهي بالنهايه زوجه اخوتس فاتن بس تعرفين حركات ندى ماتخليها
شهد : ليه امسحها بوجهتتس انا اروح واقولها قدام ندى انا قبل دحيم يعرف حتى فاتن واخوتس يعرف ميهاف انا قايله وملمحه لدحيم عن ندى وحتى قبل اكمل كلامي سكتني وقال انا اعتبرها اختي وخلاني اقفل عن هالموضوع نهائيا خلاص عاد هو مايبيها ياوجهه استح
فرح : ترا ماراحت الحين وخربت عليهم تفرغ عن مشاعرها وهي بكيفها قاعده تقولها لي ماجت وقالتها لتس او لخوتس تعال حبيبي عزيز
شهد : فرح وقفي والله اعذريني متضايقه شوي وطلعت عليتس
فرح : وليش متضايقه
شهد : على هالتاخير تعرفين امي واخواني مالهم غيري ارتب واساعد
فرح : صرنا ثقال بسيارتنا بعد
شهد : استحي على وجهتتس متى قلت كذا
فرح : مدري قهرتيني ههههههههه
شهد : امسكي هايل نسيت شنطته بجيبها
فرح : يله بروح اركب
هايل : يله كلكم كاملين
زامل : الحين يابوزامل سواقتي وشفيها يوم انك مخلي هالبزر يسوق
ابوفهد : جديده ذي ابوزامل وبعدين خليته يسوق لان ابيك تصب القهوه انت
زامل : الرجعه انا بسوق
ندى : هايل شغل المكيف متنا وراء
هايل : كم تعطيني
ندى : يبه شفه
ابوفهد : وبعدين انت
ام فهد : اسكتو معي مكالمه
زامل : حط اذنك سياف شف من
سياف : ياحبك للقافه
ام فهد : يامرحبا يام غيث شلونتس ياوخيتي وخر عن اذني خالتك ذي
ام غيث : ياهلا يام فهد بخير دامتس بخير منهو الي جنبتس اكيد زامل اعرف حركاته
ام فهد : ابد هو
ام غيث : والله دقيت اتطمن عليتس وعلى عيالتس وعندي لتس بشاره
ام فهد : الله يبشرتس بالخير وش هي
ام غيث : اليوم فجاه طريتي على بال ولدي غيث وقررنا نجيتس
ام فهد : ياهلا والله ويامرحبا العين اوسع لكم من المكان بس والله تونا محركين عالرياض
ام غيث : وش عندكم فالرياض اخبر ابوفهد مايحبها
ام فهد : ابد والله ملكه ولد اخوه ورايحين نحضر
ام غيث : ياماشاء الله ايهم اخبر عزام
ام فهد : لا ابومحمد
ام غيث : هاو اخبر عرس ولده محمد ليكون بياخذ الثانيه
ام فهد : يوهه ورانا سوالف واجده بعلمتس بها بس لا هذي ملكه ولده الصغير
ام غيث : ايه الله يوفقهم يارب
ندى : يمه اعزمي خالتي
ابوفهد : اي اي اعزميها بعطي علم لابومحمد
ام فهد : اقول شرايتس تجين تحضرين وتمشون معنا للقريه مره وحده
ام غيث : والله تم دام شناطنا جاهزه بنجي
ام فهد : خلاص بنجي عند بيتكم وتمشون ورانا الين بيت ام محمد
ام غيث : ان شاء الله ننتظركم
هايل : يوه من زمان عن خالتي شلونها يمه
ام فهد : بخير الحمدلله قالت بتجينا للقريه
ندى : اخيرا فرد جديد بيجي
فرح : ياحبيبتي ياخالتي والله مشتاقه لها
ندى : شفتي زوجه ولدها غيث ماشاء الله تبارك الله تقولين ملاك يمشي اناقه وذوق واسلوب يوم اخذت رقمي من رغد ارسلت لي ترحب وتهلي هي وماتعرفني حضرنا عرسهم وماشافتنا ولا شفناها
شهد : ها ترا بديت اغار انا كنتكم الوحيده
ندى : اي يمكن تجي كنه جديده ولا شرايك يابوفهد نزوج هايل
هايل : انا اقول ركزي على عرستس ابرك لتس
ندى : ههههههههه
ابوفهد : وليه ندور كنه جديده وحرمه زامل جايه هي الكنه
شهد : لا حرفيا انا غيور هههههههههه
فرح : محد جاي مثلتس تطمني
شهد : حسبالي خفتت
~~~ في بيت ابومحمد ~~~
عبدالرحمن : شسوي وش البس
سالم : قميص
عبدالرحمن : حتى انت تطقطق على عمك
محمد : بعد انت سوالك غبي
عبدالرحمن : شرايك البس صدريه
محمد : اي حلوه البسها
عبدالرحمن : شرايك يبه شلون احط غترتي يمين ولا يسار
ابومحمد : انت الحين لابس ثوب ابيض صدريه سوداء الغتره حمراء ليه ؟
عبدالرحمن : اجل وش البس
ام محمد : الله يصلحك ياولدي مايبيلها البس بيضاء يله البخور بيطفى وانت ماتبخرت
عبدالرحمن : عطيني عنتس ياحلوه اللبن
محمد : الكبكات حطيت
عبدالرحمن : انتظرك تركبها لي
محمد : بعد يله تعال
ام محمد : ها كندرتك البسها لاتروح حافي
عبدالرحمن : لا خلا ولا عدم منكم
محمد : يله يابن الحلال
ابومحمد : محمد رح رح افتح باب الشارع عمانك وصلو
محمد : اي يله
ندى : بالله هذي حاله اتميكج بالسياره
فرح : قلنا لتس تمكيجي فالبيت ماتسمعيين
شهد : تسريحتي خربت
فرح : نعدل كل شى خل اهلتس يفتحون
محمد : يامرحبا بعمي الحمدلله عالسلامه تفضلو تفضلو يامرحبا بالنسيب
سياف : وش هالكشخه
محمد : ههههههههه الله يسلمك ادخلو ادخلو
شهد : مابغيت تفتح امسك هايل
محمد : هلا بحفيدنا الحلوو
ابوفهد : مره متاخرين يابومحمد
ابومحمد : مابغيت نروح وانتم مابعد جيتو
ابوعزام : صادق يله يله نرتاح شوي ونمشي لبيتهم
ابومحمد : قبل كل شى بقولكم شى
ابوفهد : وشفيك تقل وجهك مخطوف
ابومحمد : يمكن يجي صقر واخوه وولده تعرفون محد لابوالبنت غيرهم
ابوفهد : هي ملكه صح
ابومحمد : اي فالله يرضى عليكم مابي مشاكل وعلمو عيالكم ماودي تخرب ملكه ولدي وانتم تعرفون انها اختي مثل ماهي اختكم
ابوفهد : خلاص خلاص بس نسيت لاقولك ترا بتجي خاله عيالي وولدها
ابومحمد : اي الله يحييهم
~~~ في غرفه شهد ~~~
ندى : كل شى مو اوكي كل شى
ام فهد : ام محمد بالله افتحي الباب اختي وصلت
ام محمد : لاتقولين انها ام غيث
ام فهد : اي هيي
ام محمد : الله انك تحييها
فرح : بجي معك ياخاله
ام محمد : يامرحبا يام غيث
ام غيث : ياهلا بخويتي مبرووك مبرووك
ام محمد : الله يبارك فيتس عقبال رغوده والله لو عندي ولد ثالث مااخليها عندتس دقيقه شقلتي
ام غيث : ابد بنتس هي
ام محمد : شلونك ياولدي غيث
غيث : بخير ياخاله الحمدلله وين مجلس الرجال
ام محمد : من هنا ياامي تفضلو تفضلو اعذرونا حوسه متاخرين
ام غيث : احنا بنجي وبنحوس اكثر ماجهز احسبها بكرا
ام محمد : لا والله فيهم عجله شباب هالزمن الله لايوريتس
فرح : رغددد شلونتس
رغد : فرح تغيرتيي مره
فرح : مابعد شفتي ولدي
رغد : لا لا مستحيييل
فرح : لاتقولين هذي قمر
رغد : بشحمها ولحمها
قمر : يااهلا وسهلا
فرح : حبيبتي الى ويين حابه توصلين بهالجمال
قمر : ياعمري انتي مافيه اجمل منك صدقيني
فرح : ياحبيبتي طلعتي صغنونه
قمر : لاصيدك عشاني قصيره ترا طولي متناسب مع غيث
فرح : هذا اهم شى
قمر : خليك مني تكفيين اقعني ذي ان هذي ملكه ماهي مخيم جايه ببنطلون وبلوزه عيت تاخذ فستان
فرح : لا عاد رغد يويلتس تستهبلين
رغد : لا ياخي شسوي ماحب الفساتين اخر مره لبيت وبالغصب بعرس غيث وقمر
فرح : عساها جايبه ياقمر احتياط
قمر : جبت بس عييت تقتنع
فرح : امشو ندخل ترا شباك مجلس الرجال شفاف يمدي يشوفون
~~~ في مجلس الحريم ~~~
ام محمد : هذي شبكه العروسه شرايكم فردا فردا
شهد : الحمدلله سمعتو لي
ام محمد : اسكتي ياشهد تعبنا اخوتس ذا
ام عزام : ماشاء الله اول مره اشوف شبكه كذا
ام غيث : ياجعله زواجه الدهر وجعل العروسه تتهنى فيه
رغد : اسمها حلوو لايق مع اسم عبدالرحمن
شهد : شرايتس ندى
ندى : حلو
ام محمد : هذا طقم الماس فالوسط كامل ويمين ويسار اطقم ذهب ووراء الاطقم صفينا الفلوس وتحت جوال واسماءهم والخواتم حقت الدبله
ام غيث : كم طالبين مهر
ام محمد : بيني وبينتس واجد
ام عزام : واضح لدرجه ماكفى تحطون المهر وراء
ام محمد : كانتس حاسه الي صافينها وراء ماهي المهر هذي ٢٠ الف لابوها بحكم ان ماعندها ام الله يرحمها المهر تحت حاطينها بعلبه دقيقه افتحها
ام عزام : ماشاء الله تبارك الله تتهنى فيه يارب
ام محمد : طالبين ٨٠ الف مهر للبنت واحنا حاطين للاب ٢٠ الف يعني كلها ١٠٠ الف كله عشان هالدحيم ياخذها
ام فهد : مفروض ٨٠ لها ولابوها ٧٠ لها و١٠ لابوها
ام محمد : يوهه كان ماخلانا نمسي
ام غيث : ليه هو يحبها
فرح : اي ياخالتي يحبها صارت سوالف كثيره تخلص الملكه ونتكي ونعلمكم وش فايتكم
ام غيث : الله يتمم لهم
ام فهد : يله جهزتو بيوصل المليك واحنا مامشينا
قمر : الله يسعدك لما اقنعتيها
فرح : ابد المصلح في عائلتها هالشهد اي شى تبينه هي عندتس
قمر : يابعد قلبي والله ياشهد ها شرايك بشكلك ماهو احلا من البنطلون والبلوزه
ام فهد : ماشاء الله تبارك الله وين مخبيه عنا هالجمال كله يام غيث
ام غيث : طالعه على خالتها
ام فهد : كم عمرها هي
ام غيث : ٢٣ كبرتت
ام فهد : كبر ولدي هايل صح ياندى
ندى : صح صح يمه تجهز حرمتك متواجده هنا امي تلمح لها
هايل : انا اقول امسي لاجيتس
ندى : ههههههههه كيفك عاد بس تراها فرصه ماتتفوت
هايل : ماعاد تستحي هالندى قامت تمشي وتخطب لي
~~~ بمجلس الرجال ~~~
عزام : كيف التطقيمه ياعمامي
محمد : ماشاء الله مطقمين وماعلمتني وانا اخوك
عبدالرحمن : بس بس انا وهايل وعزام
عزام : امشوا نصور اهم شى عمي ابوفهد يطلع
ابوفهد : فاهم حركاتك باخر العرس
ابوعزام : عمك اهم من ابوك ياقليل الادب قم قم شغل السياره
ابومحمد : ترا ارسلت موقع بيتهم لابوسطام يقول بيتاخر هو والباقين فعلطول يجوون هناك
ابوفهد : خير ماسويت
هايل : غيث قم صور معنا
غيث : اصبر اضبط غترتي مبروك ياعريس
عبدالرحمن : الله يبارك فيك ياعيال ابيكم شوي
عزام : شفيك
عبدالرحمن : انتم الشاهدين صح ولالا
هايل : صح
عبدالرحمن : مابي مشاكل هنا احتمال صقر وابوعبدالعزيز وولده يجون
عزام : انا بمسك نفسي لاجلك بس لاصار ماصار فانا وولد عمي ضذ الغريب
هايل : مامن غريب اذا قصدك عبدالعزيز فتراه ساعدني باخر قضيتي وابد بشكره قدام الكل لاتشيل هم الماضي يبقى ماضي وانا اخوك
عبدالرحمن : يله عقبالكم يارب
عزام : انا خاطب قبلك وللحين ماملكت هزلت
عبدالرحمن : يابوي انا ابيها من قبل ماتفكر تخطب انت حتى
هايل : بشغل السياره
عبدالرحمن : اركبو معي بسيارتي
عزام : ييي يعلمنا ان صار عنده سياره
عبدالرحمن : يافاهمني ههههههههه
هايل : مبرووك
عبدالرحمن : انتم بتسوقون فيني
عزام : وانا من بيسوف بابوي
عبدالرحمن : نسيبك انتم جايين بنفس السياره
عزام : صح تم بس بشرط انا اسوق
عبدالرحمن : يله تمم امسك المفتاح
~~~ في بيت ابوفاتن ~~~
فاتن : متوتره
ميهاف : هدي يابنت خلاص
عفراء : واخيرا بنقول انتصر الحب
فاتن : هههه تكفين اسكتي احس بصيح
ميهاف : اي خربيه عشان اولد عليتس
عفراء : اسكتي تراها بتبرك عليتس الحين
ميهاف : وببرك عليتس انتي بعد الا تعالي عيالتس بيجون وش بتسوين
عفراء : واذا بسلم عليهم ولا كان شى صار
فاتن : جو جوووو يمه قلبيي
ميهاف : لاتتورين ترا بيدخل عليك وامه واخته معتس
فاتن : وانا من يدخل معي
ميهاف : كلنا وراء الباب معتتس تمام
فاتن : تمام تمام شكلي حلوو
عفراء : شكلتس يجنن
فاتن : كله بسبب بس مستعجل وش هالكشخه
ميهاف : علطول مدح توتس تقولين بسببه
فاتن : مصور هههههههههه
عفراء : اشوف معهم زامل
ميهاف : اعقلي صرتي متزوجه
فاتن : لا مصور مع عيال عمه مطقمين
ميهاف : منهم اها هايل وعزام
عفراء : غريبه مافيه تنهت او شى
ميهاف : موب شايفه بطني واصل لخشمي التنهد لو حل كان تنهدت طول عمري
فاتن : حسبي الله على بليسه بس حلوو شسوي
ميهاف : اوهه لايسمعتس
عفراء : ليتها تقول كلام حلو له مثل ماتقول بس من وراه
فاتن : حبيبتي ترا توني اليوم بصير حلال لي اكلمه ويشوفني بس اليوم
عفراء : اي نشوف الله يستر من لسانتس
ام عفراء : يابنات يله انزلوو
ام محمد : السلام عليكم شلونتس
ام عفراء : بخيير ومبروك الله ييسر لهم ويخليهم لبعض يامرحبا تفضلو تفضلو
شهد : وين الغرفه الي بيلبسها فيها بنحط الشبكه
ام عفراء : هنا انزلو يابنات يله
ام غيث : هذي امها
ام فهد : لا لا ذي زوجه صديق ابوها تعتبر فاتن بنتها وبنتها كانت زوجه ولدي
ام غيث : اي عفراء اذكرها هذي جت
عفراء : السلام عليكم كيفتس خالتي
ام فهد : بخير الحمدلله من عياله هذولي
عفراء : عيال زوجي وين عيالي
ام فهد : هذي بنتتس بس ولدتي عيا يجي معنا راح مع ابوه
ندى : تاركه عيالتس وتربين عيال ولدتس ههههههههه
ام فهد : ندى خلاص شقلنا
شهد : ندى لاتخربين ملكه اخوي
ام محمد : يله وين كنتي عاد ترا المليك فالمجلس بيملكون
فاتن : السلام عليكم
ام محمد : بسم الله ماشاء الله وش هالجمال والله مالوم ولدي
فاتن : يابعد قلبي ياخالتي انتي الجمال كله
شهد : واو تهبلين يختي تهبلين
فاتن : ياحبيبتي ياشهد والله قلبي بيطيح من الخوف
شهد : شدعوه شدعوه بس تشوفين دحيم يروح هالخوف
فاتن : اصلا بسببه
شهد : مايحتاج اوريتس كشخته اكيد شفتيها
فاتن : منزلها حاله خاصه اعرف حركاته
شهد : يابخته يابخته بهالجمال كله
ميهاف : السلام عليكم
ام فهد : وعليكم السلام يابنتي شلونتس
ميهاف : بخير الحمدلله
ام غيث : الله يسهل عليتس باي شهر
ميهاف : بالسادس ياخاله
فرح : ليت الي ببطنها ولد هايل
ندى : قطع قطع يله نتحمل خويتها تجي هي بعد
قمر : ليه وش فيها
فرح : سالفه طويله ابشري باللي يسهرتس عليها
رغد : هالكعب يضايق
ام محمد : بيملك المليك ويبي يسمع موافقه العروس اسكتو
ميهاف : خذي طرحتي
فاتن : تعالي جنبي
~~~ بقسم الرجال ~~~
المليك : ياولدي موافق تتزوج فاتن بنت ناصر على سنه الله ورسوله بالمهر المتفق عليه ٨٠ الف وبالشروط المكتوبه
عبدالرحمن : موافق
المليك : يابنتي موافقه تتزوجين عبدالرحمن بن سالم على سنه الله ورسوله بدون ضغط او اجبار بالمهر المتفق عليه والشروط المكتوبه
فاتن : اي موافقه
المليك : شاهد العريس وشاهد العروس اثنين للعريس
عبدالرحمن : اي
المليك : وقعو عطو الدفتر للعروس توقع
المليك : اعلنتكما زوجان على سنه الله ورسوله ومبروك والله يجعله زواجه الدهر
صالح : مبرووك ياحبيبي مابغيت
سطام : مبرووك
محمد : مبروك ياخوي
عبدالرحمن : الله يبارك فيكم كلكم
ابوفاتن : تقدر تدخل تلبسها ياولدي
عبدالرحمن : وين هايل
ابومحمد : بتدخل معك امك واختك اهجد ورح
~~~ عن باب البيت ~~~
عبدالعزيز : شتسوي هنا عسى ماشر
هايل : مامن شر ان شاء الله
عبدالعزيز : تصيح عشان خويك بيعرس
هايل : ولد عمي واخوي قبل يصير خويي انا شاهد على عرسه
عبدالعزيز : عقبال مايشهد على عرسك
هايل : ماقصرت الله يعافيك ومشكور على مساعدتك لي عرفت
عبدالعزيز : لا شكر على واجب وانا اخوك موفق
عزام : عيوني حمراء ياولد
هايل : تصيح ياعزام
عزام : على اساس انت ماصحت
هايل : ابكملها الحين
سياف : بزر انت واياه وين بيطير يعني بيقابلكم
عزام : الي بيننا اكبر من مقابله يالنسيب
سياف : خلو السخافه وامشو
هايل : محد فاهمنا ياعزام محد
عزام : خل ندخل لايفوتنا العشاء
هايل : مالك امان يالخسيس
~~~ بغرفه عند عبدالرحمن وفاتن ~~~
عبدالرحمن : اخيرا يا هالعنيده صرتي حرمتي
فاتن : اي الله يصبرني عليك يالغثيث
عبدالرحمن : خلاص يمه لبستها وش بقى
شهد : اهم شى الخاتم بسرعه بصور قطعو الكيكه
عبدالرحمن : الي محلي هالكيكه اسمتس
فاتن : ذكرني اعطيك دروس بالغزل
عبدالرحمن : ههههههههه
ام محمد : يله يله برا خلاص بتاكل البنت عرسك بعد اربع سنين اوريك
عبدالرحمن : خذلك حتى حلاله مايبونه يشوفها ياعيال عطوني شى حالي بيغمى علي
هايل : ارفع علومك يالخفيف
عبدالرحمن : والله اني كنت متوتر وخايف وبيغمى علي من التوتر وشفيكم عيونكم حمراء
سياف : باتسين عليك ابودميعه هو واياه
عمر : حركات حركات واخيرا اعرست
عبدالرحمن : عقبالكم
عمر : اي عاد حرمتي اختيار ام فهد
هايل : محظوظ
عزام : بقى انت
هايل : انا بحضر عروسكم وبتعشى وبشهد وبمشي
سعود : عروض والله
هايل : ماتتفوت حتى لاصرت ادرس بسحب عليكم
سطام : عساني سمعت خطا انت والدراسه
هايل : قلت لابوي بكمل جامعه ليه مااكملها
سياف : خلوه يلهى بشي لايزعجنا
زامل : لا وازيدكم يبي امي وابوي يدرسون بعد هالعمر
غيث : والله فكره حلوه اي شى تبيه بالخدمه
هايل : هذا الكلام الزين اجل تحطيمكم
عمر : لا لا شدعوه ماهي من طبايعنا
ابوفاتن : تفضلو عالعشاء
~~~ بقسم الحريم ~~~
فرح : شفيتس يالخبله
ندى : بموت كتمه بموت
فرح : ندى تكفين خلاصص خلاصص
ندى : قاعد يحترق قلبييي يافرح يحترق
رغد : بسم الله عليتس امسكي ماء ترا اعرف وش صاير
ندى : من علمتس ممدا يافرح
رغد : لا لا ماهي اختتس انا حسيت
فرح : اسمعيني ياندى والله لو تزودينها لاعلم امي
ندى : مقدر يافرح مقدر تكفين افهميني
فرح : فاهمتتس يابعد قلبي انتي بس ما باليد حيله خلاص صارت زوجته يله قومي عدلي مكياجتس وخلتس قويه مثل مانا اعرفتس
رغد : بسم الله عليها
قمر : ماهي لهدرجه
رغد : انقهرت ماعاد تتحمل
قمر : الله يرزقها بالافضل
~~~ عند سياره ابوفهد ~~~
سطام : وش هالورقه الي رميتها
ومشيت من غير ما اوجعك
او ارد لك نفس الشعور
وبقيت احبك واكرهك
نصفي رضا ونصفي قهر
وش معنى هالكلام هايل للحين تقصد فيها
هايل : يمكن ذي تكون اخر قصيده عنها سطام جلست مع زوجها وشكرته وطبطب علي
سطام : تهقى هالورقه اخر ذره شعور بقلبك لها
هايل : لو اقول اي بطلع كذاب ياسطام
سطام : تصدق اول ماجيت للقريه وعرفتك وعرفت سالفتك قلت يتسذب ويمكن يلعب عالبنت ماكنت اعرف وش الحب او هل ممكن الحب يوصل صاحبه كذا
هايل : ووش استنتجت
سطام : انه يمكن يكون اقوى من كذا دارت السنه وانا حبيت
هايل : الكل يحب بس الفرق بيني وبينك هي وفت لك وانا من اول موقف ودعتني ومارجعت تمنيت ياسطام ترسل وتقولل حاول تمنيت تقول بس هالكلمه بس ماقالت يوم جتني غيبوبه اهخ يوم قمت قلت كل الي صار لي حلم وهي لي للحين تفاجئت الا هي فوق راسي تحط لي مغذي اهخ تمنيت لو الدنيا توقف شوي واعلمها قد ايش انا احبها بس قالت لي انها حامل وان مابقى بقلبها ذره حب لي وانها صارت تعتبرني غريب وان الي كان بقلبها ماهو حب كان فتره مراهقه قالتها بوجهي كذا ومشتت
سطام : ذا درس لك عشان تنساها ياخوي
هايل : خلتني اشك اني مقصر بحقها بس يشهد الله اني ماحبيت الا هي وللحين رافض اتزوج على امل ترجع لي ياسطام للحين فيني امل من سنتين ليومك ذا واقف عند امل رجوعها لي راضي بولدها راضي بكل شى سوته بنسى كل شى بس ترجع
سطام : تهقى انك كذا وفيييت انت قاعد تغلط بحق نفسك لو هي تحببك كان شفت مشاكل بينها وبين زوجها كان منعها تجي بس ماعنده واثق فيها وهي واثقه فيه قاعد تظلم نفسك بانتظارها وانا اخوك تنتظر سراااب
هايل : وعدت عبدالرحمن نتزوج الي نحبهم بنفس اليوم وهي وعدت خويتها تزوجت خويتها ودحيم وانا وهي ماحالفنا النصيب تتوقع لو بحب مره ثانيه مارح تكون نصيبي
سطام : لاتحببب وصدقني مابتاخذ غير نصيبك
هايل : مانيب حاب ولاني متزوج
سطام : مسح دموعك عبدالرحمن جاي
هايل : اهخ هلا دحيم ليه طلعت تعشيت
عبدالرحمن : انا تعشيت وقاعد ادوركم وينكم
سطام : والله تعشينا الحمدلله بس طلعت اكلم ولقيت هالبزر يبتسي عليك شف عيونه حمر
عبدالرحمن : والله لو اني بهاجر ناشب لك على وعدي لك
هايل : ياجعل محد ينشب غيرك يارجال وش قلت
عبدالرحمن : والله ماقول لا ههههههههه
ابوفهد : يله شغلو السيارات فمان الله ومبروك
ابوفاتن : الله يبارك بك وعقبالك وليدك هالصغير
ابوفهد : ادعو له يقتنع مانقول لا نبي يعرس بس معيي
ابوعبدالعزيز : الله يوقفه يارب
ابومحمد : لنا اتصال عشان نحدد يوم العرس
ابوفاتن : باذن الله بس لاتستعجلون
ابومحمد : ان شاء الله يله مشينا

انتهى البارت

قراءه ممتعه يااصدقاء 💞💞 إعذروني عالتاخير واعذروني لو فيه اخطاء 🫶🏻🫶🏻
- اباخذ رايكم شرايكم تبغون الروايه ١٠٠ بارت ولا اقل ؟ اكتبولي تراني اقرا كلامكم  ، مع العلم ان بيكون البارت الي بتختارون رقمه اخر بارت يوسفني قول ذلك ولكن نهايه الروايه قربتت 😞