"جابك الله في زحام العمر صدفة "

67

~~~في المستشفى ~~~
صالح : يله ياشباب روحو واحنا بنقعد بدالكم
عبدالرحمن : اعذرني يبو تميم انا مانيب متحرك من هنا
صالح : الي تسويه غلط وانا اخوك جلوسك هنا ماهوب مقومه
عزام : ياعيال الشرطه هنا
عبدالرحمن : بشرو لقيتوهم
الشرطي : اي الحمدلله نبشركم لقيناهم واعترفو
عبدالرحمن : ليش سوو به كذا ؟
عزام : احد مرسلهم صح
الشرطي : لا والله قالو انهم كانو ناويين يسرقون البقاله وهو شافهم وخافو يكبر الموضوع وهو عارضهم وتهاوش معهم وصار الي صار والله يقومه بالسلامه
عبدالرحمن : ابشوفهم
الشرطي : ماتقدر وانا اخوك وحق خويك بينوخذ
صالح : ماقصرتم الله يحفظكم
سعود : واذا عرفت من هم وش بتسوي بتروح تتهاوش معهم وتخرب حياتك
عبدالرحمن بصراخ : اجل اقعد اناضر ولد عمي وهو حياته خربانه بسببهم
عمر : قصر صوتك انت فالمستشفى
سياف : خلوه خلوه
فاتن : وقت الزياره مفتوح لنص ساعه الي حاب يدخل من
عبدالرحمن : انا
عزام : ارجع وراك خل اخوه يدخل هو اولى
سياف : ماقصرت يابوالعزم
عبدالرحمن : وليش ماهو انا الي ادخل
صالح : ذا اخوه اخوه من لحمه ودم ونفس الاب والام تقارن نفسك به
سعود : فيه زيارات واجد
~~~ بعد مرور ٤ شهور على غيبوبه هايل وفقد الامل في انه يصحى رجع ابوفهد وعايلته للقريه وابوسطام للشرقيه ~~~~
~~~ فالمستشفى ~~~
ابومحمد : ماتبيني اكلم ابوالبنت
عبدالرحمن : مانيب متزوج وهايل ماقام
ابومحمد : وانت للحين عندك امل انه يقوم اذا اهله فقدو الامل ورجعو للقريه
عبدالرحمن : انا اعرف ولد عمي قوي وبيقوم
ابومحمد : واذا البنت راحت عليك
عبدالرحمن : الله يستر عليها
محمد : وقبل مطير عقولنا
عبدالرحمن : يبه محمد لاتظغطون علي قلت لكم زواج مانيب متزوج
محمد : لا والله ماحنا ضاغطين عليك بس لاطارت الطيور بارزقاها لاتصفق يدينك وانت ندمان
عبدالرحمن : البنت بدالها بنت بس ولد عمي ماله بديل
ابومحمد : اجل نستانذك بس تذكر ان عندك عائله وام تبي تشوفك
عبدالرحمن : ان شاء الله
فاتن : احم وقت الزياره مفتوح اذا تبي تدخل
عبدالرحمن : زين
~~~ في غرفه هايل ~~~
عبدالرحمن : ماودك تقوم ؟ ماشتقت لنا ماشتقت تقول القصيد خل الدلع عنك وقم والله ان الدار بعدك موحشه هههههههه بقعد بكل زياره ابتسي عندك صارو يسموني نقال العلوم اجي واعلمك كل شى تدري ان اخوي الي رافض يتزوج بعد حرمته الله يرحمها بيخطب بنت ابوسامي وعمي ابوسامي مستقعد له واختي ولدت وسموه على اسمك وصار اخوك اب وصرت انا خال وانت عم واختك بعد ولدت واخوك فهد حرمته الاولى بنت عمتي جهير ولدت واختك بتتزوج عزام بنفتك منه ابشرك وجاركم بينقل واخت حرمته خطبتها امك لعمر مسكتنا زوجه عمي امك يوم وحشرتنا ليه ماتعرسون شوفو ولدي فالعنايه ماشفت عياله وكل واحد فيهم قال ياخاله اختاري لنا الا انا قلت ياخاله مانيب معرس الا لما ولدتس الجني يقوم وسعود وسطام اجلو عروسهم الين تصحى صدقني كلنا عندنا امل انك بنقوم وصح ابوتميم خطب اختك الصغيره وربي عوضها عن خالد وصارت مشاكل بين فهد وحرمته معييه تخليه يشوف ولدها ويقول انها بتتزوج ولد ابوسلطان اذا تذكره وهو معيي ولده يربيه رجال ثاني وعزام صار عم بعد اخته ولدت صار كل هذا ياولد العم وانت ماقمت مامليت من هالسرير ومن هالغرفه وهالمستشفى انا مامليت تدري ليه ؟ لان عالاقل اقدر ادخل واشوفك واقول لك كل شى حابسه بداخلي شفتهم مبسوطين وماقدرت ابتسم تمنيتك معنا ياولد العم ومااتسذب ان قلت اني ماكبرن الموضوع كبرته وقلت محد يعرس ولا احد يحط تمايم لعيالها الين يقوم ولد عمنا بالسلامه هايل قم ام فهد مشتاقه لك وعمي ابوفهد مشتاق لك وعمي ابوسامي قال والله مااجلده اذا قام هايل قم واشهد على ملكتي وصر الشاهد لي واحضر عرسي وارقص فيه عشانك بتفتك مني ماودي اقولك هالسطر بس ماقدر اعرف الموضوع واسكت هايل حبيبتك القديمه حامل وبتولد قريب اذا قمت ياولد العم تكفى انساها طولت عليك او الوقت مشى بسرعه خلص وقت الزياره واستعجل قم ولا ترا بلومك اذا مااخذت البنت الي احبها هههههه استهبل معاك المره الجايه بجيك وانا ابتسي فرح على قومتك الله يقومك بالسلامه
فاتن وهي تمسح دموعها : تفضل يخوي اطلع بنسوي له فحوصات
عبدالرحمن : فيه امل يعيش
فاتن : ٥٠ بالميه اي و٥٠ بالميه لا
عبدالرحمن : اعذريني يافاتن ماوفيت بوعدي لتس بس الظروف اقوى منا
فاتن : ولد عمك اهم مني وحتى لو بينا نصيب انا برفض يصير شى وولد عمك فالغيبوبه وصدقني يادحيم مثل ماقلت انت قبل محد ماسك يدي غيرك ولو جاني غيرك واجد انا غيرك مابي وبنتظرك ورح توفي بوعدك لي الي قبل سنتين ولا رح ادعي عليك
عبدالرحمن : هههههههههههه طلعتي تبيني يالخفيفه
فاتن : احم وقت الزياره خلص
عبدالرحمن : هلا عمي
ابوفهد : دقيت وانا داري انه ماقام
عبدالرحمن : عمي ابشرك ارتفعت نسبه ان يقوم قبل قالو ٤٠ فالميه الحين زادت صارت ٥٠ ادعوله له انتم بس وهو بالحفظ والصون انا مااتحرك من غرفته
ابوفهد : بارك الله فيك ياولدي والله لولا المشوار والانشغال كان ماتركنا ولدنا
عبدالرحمن : والله عارف ياعمي بس لاتشيلون هم انا عنده واي شى جديد بعلمك به
ابوفهد : لاتهمل نفسك ياولدي نام واكل واشرب
عبدالرحمن : وولد عمي راقد كذا
ابوفهد : تبي تنسدح جنبه؟ مايصير ياولدي وهايل بيقوم ان شاء الله بس انت بعد انتبه لصحتك
عبدالرحمن : على هالخشم ياعم
ابوفهد : سلمني على ابوك واخوك سلامن كثير
عبدالرحمن : يوصل
فاتن : امسك اكل
عبدالرحمن : من قال اني ابي
فاتن : تراه ماطلبت عشانك هم زادو بطلبي وحرام اكبه
عبدالرحمن : وين اكلتس
فاتن : ها هناك بالغرفه
عبدالرحمن : زين يعطيتس العافيه
~~~ في مكتب ميهاف فالمستشفى ~~~
ميهاف : احس صار لازم اخذ اجازه صاير الدوام يتعبني وش رايتس انتي هيه فاتن بنت شف الكلبه ولاهي يمي بنت هيه اكلمتس انا
فاتن : هلا هلا اي معتس
ميهاف : ياسلام وين معاي يله وش كنت اقول
فاتن : ها وش كنتي تقولين
ميهاف : عقلتس وين كان وش تفكرين فيه
فاتن : ميهاف احس بشي بس مدري وشو
ميهاف : شى مثل وش
فاتن : مدري بس فيه داخلي مبسوط وبنفس الوقت زعلان
ميهاف : هالاشياء على حسب المواقف وش صاير لتس وحسيتي كذا
فاتن : قلت لعبدالرحمن
ميهاف : وش قلتي الله يستر
فاتن : اني مابتزوج غيره وبنتظره
ميهاف : اها الحين فهمت وش معنى شعورتس الي تحسينه هذا لا حزن ولا فرح هذا شعور رضا لانتس واخيرا قلتي الشي الي تحسين فيه حقيقه
فاتن : لا تبين الصراحه طول فتره معرفتي بعبدالرحمن ماعمري حسيت هالشعور الا اليوم
ميهاف : ووش سوا سعيد الحظ عشان يخليتس تبينه هالكثر
فاتن : انتي تعرفين اني ماني يم سوالف الحب والزواج واهم ماعندي ابوي وانخبطت من قرايبنا بس رفضت لان كنت احسب ان حتى شعور الحب ماانخلق لقلبي
ميهاف : ايوه
فاتن : بس عبدالرحمن غير
ميهاف : اوه وبوش غير حضره جنابه عن كل العيال جاني فضول اعرف
فاتن : انه وفي واقدر امن نفسي وحياتي عليه
ميهاف : حبيتيه عشانه وفي
فاتن : انا كنت احسبه ان لعوب وماهو حق مسووليه ومايهمه غير نفسه بس من دخل ولد عمه الغيبوبه اكتشفت اشياء عنه ليتني اكتشفتها من قبل
ميهاف : اي ترا هو علاقته بهايل قويه ف بسيطه يسحب عليتس انتي بعد عشانه
فاتن : هذا الي عجبني فيه صحيح قال البنت بعدها بنت بس ولد عمي مابعده احد بس تخيلي ماجرحتني الكلمه بالعكس الحين حسيته حس بشعوري لما قلت له انت بدالك اي رجال بذي الدنيا بس ابوي مابداله احد وقتها قال لي انا فاهمتس وحاس فيتس ماصدقته بس طلع صادق
ميهاف : والله ماعرفتتس يابنت الحلال تاثيره عليتس قوي
فاتن : انا حتى ماعرفت نفسي بس مدري ماتوقع ذا حب اتوقع انه شعور ندم اني مافهمتها صح بوقتها وكنت ناويه ارفضه لان ابوه عيا يسكن معي انا وابوي
ميهاف : والله يافاتن تبين الصراحه لو تدورين الدنيا كلها مارح تلقين مثله تخيلي انه رفض بنت عمه عشانتس تذكرين كانى بيزوجونه اخت هايل لاجل ان اخته بتاخذ اخو هايل ورفض لانه كان يبيتس وحاول بكل الطرق يخطبتس بس بكل مره ابوه ياجل الموضوع ووافق يسكن عندتس انتي وابوتس
فاتن : خايفه ياميهاف يكون عكس كل توقعاتي خايفه يضر ابوي بغيابي
ميهاف : مو لهدرجه عبدالرحمن يوصل
فاتن : مادري مادري وش كان موضوعتس انتي
ميهاف : كنت اقول ودي اخذ اجازه
فاتن : صرتي باي شهر
ميهاف : بدخل الخامس
فاتن : فعلا مفروض ترتاحين انا امسك عندتس الشغل ارتاحي
ميهاف : طيب بكمل هاليوم وباخذ اجازه شهر
~~~ يوم جديد فالقريه ~~~
ام فهد : بيفضى البيت
زامل : افا يالغاليه اجيب عيالي عندتس يملون البيت صوت
ام فهد : تهقى اخوك بيقوم
زامل : ان شاء الله يارب
ابوفهد : وين فهد
زامل : استقر يايبه رسمي فالرياض شغله عيو ياخذ اجازات زياده ويقول هناك اقرب عشان يشوف ولده
ابوفهد : وانت
زامل : انا معك انت وامي
ابوفهد : وسياف
زامل : على كلام عمي ابوسطام انه يقول بيبدا يباشر بشغله بعد اسبوعين
ابوفهد : فالرياض بعد
زامل : ايه
ابوفهد : مانت ناوي ترجع ام عبدالله
زامل : لا والله
ابوفهد : خواتك بيتزوجون من بيقوم فيك
زامل : عن هالموضوع انا اقوم فيك انت وامي هو اصلا ماعندي شغل ولا مشغله
ابوفهد : ماهو حل يازامل لازم تتزوج وتشوف حياتك
زامل : ام عبدالله بتتزوج
ابوفهد : خليتها تروح عنك وهذا اخوك عايش حياته مع حرمته الجديده الله يصلحك بس
زامل : انت يايبه تعرف صقر مارح يخليها دامها زوجه ولد ابوفهد يبي يدقنا
ام فهد : ماخلصو البنات نلقى لك
ابوفهد : وعيالك ان شاء الله بتخليهم عندها
زامل : لا طبعا صقر دق علي وقال تعال خذهم
ابوفهد : يعني امهم ماتبيهم ماتبي تشوفهم ابد
زامل : هذا الي فهمته من كلامه
ام فهد : جبهم عندي احطهم بعيوني
زامل : جعل عمرتس طويل
ابوفهد : وهايل احم صب قهوه
زامل : اهخ ابشر
ابوفهد : افتح التلفزيون
زامل : يبه
ابوفهد : ها
زامل : ليش ماننقل من القريه
ابوفهد : ماطلع من قريتي الا عالمقبره
زامل : بعد عمر طويل الله يهديك
ام فهد : اطلع يولدي غير جو
زامل : يبيلي والله
~~~ في غرفه ندى وفرح ~~~
شهد : حركات والله يالعروسات
ندى : اسكتي تكفين طول عمري مابي عزام واخر شى باخذه
شهد : اي هذا النصيب
فرح : وانا نصيبي دايما بعيد عنكم
ندى : بادليني حبيبتي من قال اني ابي القريه
فرح : ههههههههههههههههههههههههههههههه
شهد : اي خل نتقهوى قبل يقوم هايل ومايخليني ارتاح ولا اشرب قهوتي سولفو علي متى العرس
ندى : على كلام ابوي يقول استعجلوا
فرح : وانا رافضه احط عرسي واخوي فالغيبوبه
شهد : اي بس مو منطق هايل له ٤ شهور فالغيبوبه
فرح : والله ماقدر افرح واخوي بغيبوبه ماقدر
ندى : حتى انا
شهد : صوت بزر يصيح يارب مو هايل
فرح : ههههههه لا لا تطمني هذا ولدي
شهد : تصدقين نسيت وش اسم ولد فرح
ندى : مو لهالدرجه حفيدنا مطير عقلتس
شهد : واكثر بديت انسى نفسي بعد
ندى : ههههههه اسمه عزيز
شهد : وولد زوجها وش اسمه
ندى : تميم
شهد : الا وش صار على زينب وخالد
ندى : زينب بتتزوج سلطان وخالد تزوج بنت عمه واظن بعد حامل
شهد : وكل ذا وعمتي جهير ماعزمت
ندى : زعلانين من فعله فهد
شهد : حقهم بس ماتوقعت فهد عايف لهالدرجه
ندى : مرات احس ان هذا ماهو اخوي فهد تغير مره ياشهد قبل هو مفتاح الصلح فالعايله ودايما يجي ياخذ بخاطرنا ومايبي احد يزعل منه الحين كل همه زوجته ماودي ادخل بذمتي بس احس مسويه شى
شهد : وعاد ليتها حليله بس صدقني لو مسويه خطا الا ماربي يكشفها عند فهد وبيندم انه طلق زينب
ندى : ليتها ترجع ونشوف حفيدنا وعفراء بعد بتتزوج
شهد : امااا
ندى : اي والله انصدمت يوم قال لي زامل بس اول مره اشوفه كارهها
شهد : اي بعد الله يهديها الي سوته غلط
ندى : بس تصدقين اشتقت لها محد مسوي جو فالبيت غيرها
شهد : الله يذكرها بالخير حبيبه ام عبدالله
فرح : يمه يبه ندى
ندى : بسم الله وشفيتس
ابوفهد : من تصارخ شلعت قلبي
ام فهد : وش فيتس
فرح : يمه ولدي تعبان وحرارته مرتفعه يمه تكفين نوديه المستشفى
ابوفهد : زامل شغل السياره البسي واركبوا
زامل : ماشر ان شاء الله ماشر يله بروح اشغلها
ندى : اروح يمه
ام فهد : مايحتاج اقعدي عند شهد الين يرجع سياف من الشغل وطفي عالغداء الين نجي
ندى : ابشري
ام فهد : اذا جعتو حطو لكم
ندى : يمه طمنينا عن هايل اذا شفتيه وصوريه لنا
ام فهد : طيب طيب
ابوفهد : يله يله حط رجلك يازامل
~~~ فالمستشفى ~~~
ميهاف : احس اني اعرفها واعرف الي معها
زينب : تكفين يادكتوره ولدي شلونه
فاتن : احم بخير وهذا شى طييعي التطريش والحراره بنحطه تنويم عندنا وبعدها نقرر
ميهاف : انتي زينب صح زوجه فهد واخيرا عرفتها
زينب : طليقته بس من انتي
ميهاف : انا ميهاف نسيتيني؟
زينب : ياهلا ميهاف شلونتس شخبارتس اعذريني ماعرفتتس
ميهاف : بخير الحمدلله
زينب : ماشاء الله حامل اجل تقولين ماتبين ولد عمتس
ميهاف : شنسوي ذا حال الدنيا وانتي شصار بحياتس
زينب : تطلقت من فهد وبتزوج على اني مابي بس ابوي الله يهديه
فاتن : والى متى بيتدخل بكل زواجاتس
زينب : الله كريم وانا اختتس
عبدالرحمن : يادكتوره وقت الزياره مفتوح صح
خالد : دحيم ياقدمك
عبدالرحمن : ماجاوبتيني
فاتن : ها اي مفتوح تفضل
خالد : افا ياولد الخال بتتجاهلني
عبدالرحمن : انت تدري ليه انا فالمستشفى اصلا
خالد : عسى ماشر ليه
عبدالرحمن : هايل ولد خالك له ٤ شهور بغيبوبه ياولد الخاله
خالد : ليش شصار عليه
عبدالرحمن : دامك انفصلت عن اخته ماظن يخصك الموضوع
خالد : خل الورعنه تراه ولد خالي قبل اتزوج اخته
فاتن : وقت الزياره مفتوح رح لايخلص
عبدالرحمن : رايح اشوفه احسن من اقابل ناس ماتسوى
زينب : وش صاير فيه هايل
فاتن : قبل اربع شعور تعرض لطعن ومرو بفتره مايعلم بها الا الله
زينب : وكالعاده فهد فالرياض مع حرمته وغريبه وين مرت خالي ماهي موجوده
فاتن : كانت نسبه ان يصحى ٤٠ بالميه وفقدو الامل وراحو الا شوفه عينك دحيم بقى عيا يروح
زينب : شكل فاتني واجد والله قلبي يحترق على الي صار تعرفوني احب القريه وتحب خالتي ام فهد وام محمد وام عزام بس السبب فهد شتت كل العايله عشان بنت
فاتن : تخطيتي
زينب : يوه يافاتن اتسذب عليتس لو قلت ماتخطيت عرفتي شعور الي اذا انقال اسمه قدامتس تحسين انه شخص غريب ايوه هذا الي صار معي كنت ومازلت اعتبره ولد خالي بس
فاتن : وهالبيبي الي داخل
زينب : هذا ولدي لحالي انا الي حملت فيه ورضعته وتعبت فيه وصرفت عليه فهد ماانفق ولا ريال حتى بس يله حوبتي مارح تتعداه
فاتن : اجل خذي الاخبار الزينه فرح وندى انخطبو وبيعرسون
خالد : ايش فوح بتتزوج
فاتن : اي بتتزوج خوي ولد ابوسطام عنده ولد وحرمته مطلقها من مبطي وخطب فرح وتمت الموافقه بس رافضين يعرسون وهايل ماقام وندى بتاخذ عزام
زينب : اوه واخيرا وافقت عليه اذكر انها تبي عبدالرحمن ازعجت روسنا فيه ماتبي غيره
ميهاف : احم ماودتس تدخلين تشوفين ولدتس
فاتن : ليش خليتيها تروح اخيرا عرفت ليش ماتبيني ذي ندى
ميهاف : بس يمكن تحبه قبل هو يعرفتس
فاتن : بالنهايه هو يحبني انا ويبيني
ميهاف : بروح اسولف مع زينب بعمري مااطفش من سوالفها
فاتن : روحي روحي
~~~ بغرفه هايل ~~~
عبدالرحمن : السلام عليكم جاي وجايب اخبار زينه معي ياولد العم البنت طلعت تبيني وتحبني تخيل كم سنه مرت واخيرا قالتها قالت انا مابي غيرك وبنتظرك ولو ماوفيت بوعدي لها بتدعي علي اهخ ياهايل والله يان تقل ماء بارد نزل على صدري شفت خالد قبل شوي جايب اخته مرت اخوك وولده تعبان ماسلمت عليه لاجل الي سواه فيكم تدري اخوك سياف بيتوظف فالرياض وبيباشر بالشغل بعد اسبوعين قم عشان تشوف سميك وتلعبه قبل يروح للرياض ويصير الطريق صعب عليك مزرعه ابوك اخذها ابوخالد حلالكم كله باعه ابوك على عمي ابوسطام عشان عنده مزرعه فالشرقية ماعاد فيه مكان تروح تهوجس فيه وابوي وابوك وابوعزام بيبيعون حلال الي كنا نشتغل فيه فالرياض قم عشان نرجع له وابشرك مسكو الي سوو فيك كذا كل شى صار مثل مافكرنا فيه قبل وبغينا ناقص تقوم تكفى قم ياهايل قم خلاص والله اني تعبان محتاجك توقف جنبي والله ان صدري ضايق وطفشان يله خذلك خليتني ابتسي ابوالهيل قم تكفى

انتهى البارت
قراءه ممتعه يا اصدقاء 💞