"جابك الله في زحام العمر صدفة "

14

ام محمد : دقي على اخوك دقي
ام فهد : دقو على زوجها
ام محمد : بالرياض هو مابي اخوفه
شهد : هذا هو بيجي عبدالرحمن
عفراء : الله يستر
ندى : وش تتوقعين يصير لها
عفراء : مافيه نبض يعني مافيه حياه
شهد : فالك ماقبلناه جاء عبدالرحمن ادخلو
عبدالرحمن : عسى ماشر وش صاير
ام محمد : خذها للمستشفى
عبدالرحمن : على يدي
ام محمد : اجل على رجلك لبسيها عبايه وخذها
شهد : ابشري يمه
~~~ في المركز ~~~
فاتن : خلصت الزياره
فهد : ممدا دخلنا
فاتن : عاد خلصت يا حضره جنابك تفضلو اطلعوا
فهد : اعصابك
هايل : خلها خلها حاقده علي
فهد : ليه وش بينكم
هايل : سالفه طويلة اقولك اياه بعدين تعال نروح لمزرعتنا وتعلمني عن اخبارك
فهد : اي يلا
فاتن : قطع يقطعهم هو السبب بزعل ميهاف
فهد : عبدالرحمن من ماسك وش صاير
عبدالرحمن : وخرو عن وجهي يادكتورة
فاتن : نعم اوه حطها بالغرفه ذي
هايل : من ذي ياعبدالرحمن
عبدالرحمن : خلوني اخذ نفس اوه هذي زوجه محمد طاحت عليهم وجبتها
فاتن : مافيه نبض ميهاف ياميهاف
ميهاف : انا اليوم مروقه لو تبين عطوني بعطيك اياها وش فيه
فاتن : مابي عيونك جيبي الجهاز مافيها نبض
عبدالرحمن : ابروح انادي ابوي وعماني
فهد : بدق على محمد يجي
هايل : انتبه تقول له عن حرمته انها بالمستشفى قل تعال ابيك
فهد : طيب طيب
ميهاف : امسكي
فاتن : ١ ، ٢ ، ٣
ميهاف : بسوي تنفس اصطناعي وخري
فاتن : مارجع التنفس ولا النبض
ميهاف : هدى ياهدى
فاتن : مااستمرت على علاجاتها متاكدة
ميهاف : كيف بنقول لاهلها
فاتن : اول حاله تصير لنا كذا
~~~ في المركز من جهه ثانيه ~~~
فهد : الو محمد
محمد : هلا بالعريس شلونك
فهد : انا بخير اسمع تعال للقريه
محمد : ليه هدى فيها شى
فهد : تعال بس
محمد : فيها شى صح قل لي يافهد
فهد : ماتسوي شى بنفسك وتسرع ويرجع يجيك حادث؟
محمد : قل يافهد قل
فهد : زوجتك بالمستشفى
محمد : مافيها شى صح
فهد : للحين ماندري تعال
ام محمد : ماتت كنتي صح ماتت اطلعو يادكتورات علمونا
محمد : وش تقول امي
فهد : تكفى يامحمد اهدى وتعال
محمد : جاي جاي
ام فهد : استهدي بالله ياام محمد للحين ماندري لاتتفاولين
شهد وهي تبكي : لو ماتت وش بسوي بدونها
ابو محمد : وش صاير لبنتي وش صاير
هايل : للحين ماندري دخلو الدكتورات وماطلعو
ابوفهد : الله يستر اهدا يااخوي اهدا
ميهاف : قولي لي لهم انتي انا مقدر
فاتن : اهدي ياميهاف ولا تبكين قضاء وقدر انا بقول لهم
ميهاف : طيب
فاتن : ياممرضه تعالي سجلي تاريخ الوفاة الساعه ٩ الصبح يوم الخميس
ام محمد : لاااا بنتي ماتموت ماتموت
فاتن : احسن الله عزاكم الله يرحمها
شهد : كيف ماانقذتوها كيف ماتت
فاتن : هدى ماكانت تنتظم عالعلاجات والي فيها من الدرجه الاخيره والخطرة ويومها
ابو فهد : الله يرحمك ياام سالم
ابو عزام : اذكر ربك يااخوي
ابو محمد : احزن على ولدي ولا حفيدي ولا كنتي الي حتى اهل ماعندها ربيتها بين يديني وزوجتها ولدي على وصيه ابوها وماتت بين يدي
فهد : الله يرحمها ويعين محمد وسالم
هايل : الي مضايقني اكثر سالم توه صغير
ابو فهد : متى الصلاة عليها
فاتن : بكرا مع صلاة الجمعة والله يرحمها
ام فهد : ان لله وان اليه لراجعون تعالو نرجع للبيت
~~~ في بيت ابو فهد ~~~
سلمى : وش تتوقعون صار
عفراء : يارب خير يارب قدرو ينقذونها
ندى : احساسي يقول العكس بس يارب مايصيب
عفراء : امين
زينب : الله يستر الله يستر ويحميها
~~~ في المركز الصحي ~~~
وصل محمد وكله قلق وخوف على هدى كان كل همه يسمع كلمه هي بخير ماقدر يمسك دموعه : وين هدى هدى وينها تكلمو
فهد : احسن الله عزاك اعطتك عمرها
محمد : يكذبون هم مستشفى فاشل وينها ابي اشوفها هدى ماتت هدى وعدتني تتعافى عشاني وعشان سالم هدى ، كان يبكي بحرقه وكان نار اشتعلت بصدرة ودموعه كانها دم يصارخ باسم هدى ويروح يمين يسار يدورها يدور البنت الي اهدته حياتها وحبته وصانته وجابت له سالم وكان في كل مجلس المدح لها ويتفاخر فيها ماقدر يتحمل الحقيقة وكان يردد وهو يمشي : هدى مامتت هدى مامتت
فاتن : بعطيه ابره مهدي ساعدونا نسدحه
سياف : وش صاير وش هالصراخ كله الله يستر يادكتورة يادكتورك
محمد بتعب : لاتدقيني بشوفها تكفون بشوفها
فاتن : تمام تعال معي ميهاف روحي لسياف شوفيه ينادي
ميهاف : الله يرحمها
هايل : جزاتتس الله خير
ابو فهد : اهدا يابو محمد ترا هم السابقون واحنا اللاحقون
ابو محمد : يحترق قلبي على ولدي يااخوي احترق
ام فهد : ابو فهد خلنا نروح للبيت عشان نقدر نهديهم هنا فيه مرضى
ابو فهد : اي يلا ساندني يااخوي
ابو عزام : تعالي يبنتي تعالي
شهد : ماتت يعمي ماتت
ابو عزام : يبنتي يومها وكلنا الى الله راجعين لكم
ميهاف : تفضل وش بغيت
سياف : وش صاير اسمع صراخ اسمع صوت اهلي
ميهاف : زوجه ولد عمك ماتت
سياف : زوجه محمد تكفين يادكتورة قولي غيرها
ميهاف : للاسف ماتت والله يرحمها مافيه بيدنا شى
سياف : الله يرحمك يالغالية
ميهاف : تبي شى ولا اروح
سياف : سلامتك ماقصرتي بس اذا موجودة ابي اشوفها
ميهاف : تمام بقول لها قدامك العافية
فهد : يلا محمد خلنا نروح للبيت يلا ياابوي طالبك الصراخ والصياح مارح يفيد بشي
محمد : لاتجبرني يافهد ترا كلامك ذا كانك تقول انت السبب بموت هدى
ام محمد : لاتلوم نفسك ياولدي لاتلوم نفسك هي اهلمت
محمد : والله اني يوميًا اقول لها كلي علاجك واحرصك تاكله قدامي ليش ياهدى ليش سحبتي يدك ليش
شهد : محمد اخوي تكفى خلنا نرجع للبيت
محمد : مابغى ارجع خلوني عندها
ابو فهد : عبدالرحمن خذ امك وابوك واختك وودهم البيت هايل وفهد خلكم عند محمد
عبدالرحمن : يلا يايمه خلينا نروح للبيت
شهد : يلا يايمه اكيد سالم خايف للحين
ام محمد : يلا فهد هايل انتبهو لولدي
فهد : بعيونا ياخالة
هايل : عبدالرحمن حطهم وارجع لنا
عبدالرحمن : اكيد
ميهاف : خاله ام فهد سياف يبغى يشوفك
ابو فهد : تعالي ياام فهد نروح له مع بعض
ام فهد : يلا
فاتن : يعني بيقعد كذا بغرفتها لازم تنحط بثلاجه الموتى
ميهاف : من يلومه يافاتن
فاتن : الله يرحمها اجل مالنا الا نعطيه مهدي
ميهاف : هايل انت واخوك حاولو تجيبونه للغرفه نعطي مهدي
هايل : والله معيي ياميهاف معيي يتحرك
فاتن : اجل بدقه بعدها تاخذونه للسرير انتو
فهد : تمام
ام فهد : يمه ولدي سياف فتحت عيونك ياولدي ليه رحت بدون ماتقول لي
سياف : ابوي اجبرنا نجيب فهد يايمه وفهد عند على ماجاء وزوجه عمي ابو محمد اتصلت على محمد وهو يسوق وصار الي صار
ابو فهد : لك فقدة يولدي تعرف هايل محد يعتمد عليه يلا متى تفز مثل الحصان وارجع اعتمد عليك
سياف : ان شاء الله كم يوم واكون افضل
ام فهد : ارسل لك اكل يعطونك اياه يولدي
سياف : اي يعطوني اياه مو مقصرين معي شى الله يعطيهم العافيه طمنوني على محمد وحرمته
ابو فهد : والله حرمته صارت في ذمه الله ومحمد مقوم الدنيا وماهو مقعدها الله يصلحه
سياف : محد يلومه يايبه الله يرحمها
~~~ في بيت ابوعبدالعزيز~~~
ابوعبدالعزيز : للحين صامل تروح للقرية
عبدالعزيز : والله مايهون علي اتركك انت وامي بس يايبه هنا بالمنطقه ياكثر مكاتب المحاميين عكس القرى نادر تلقى فانا بفتح مكتب بالقرية اذا دخلت مبالغ ابسكره وابفتح هنا تعرف بدا العمر يسحبنا وانا ابي اتزوج
ام عبدالعزيز : ان شاء الله اشوفك عريس ياولدي من البنت الي انا ابيها
ابوعبدالعزيز: عبدالعزيز ماله غير بنت عمه
ام عبدالعزيز : لا ماله غير بنت خاله
عبدالعزيز : ابتزوج الثنتين شرايكم من باب العدل بينكم
ام عبدالعزيز : لا بس بنت اختي
ابوعبدالعزيز : انت ابدا من الصفر واعتمد على نفسك وحرمتك محجوزه من يوم كنتو صغار الله يوفقك ياولدي
ام عبدالعزيز : ليش مانروح معه مره وحده ؟
ابوعبدالعزيز : اي والله ماهي شينه الين نلقى لك بيت ونامن لك وضعك ونرجع انا وامك
عبدالعزيز : اجل يلا جهزو الشناط ونمشي
ام عبدالعزيز : يلا من زمان عن القريه عاد
~~~ في المركز الصحي ~~~
هايل : تبكين
ميهاف : ماقدرت اتحمل الي صار
هايل : يابعد هالدنيا وش اقدر اسوي عشان امسح دمعتك ان قربت تكلمو فيني وان بعدت تقطع قلبي عليتس
ميهاف : اسفه اني ظلمتك وانك ماوصلت الرسالة بس طلعت مع فاتن
هايل : كنت عارف ان خويتتس ماتبيني وهذا من حقها تخاف عليتس بس اوعدتس ياميهاف انتتس لي وان كان النصيب ماصاب والله لايقوله اوعدتس مااكون لغيرتس لافني عمري بانتظارتس وانا راضي لو اشوفتس من بعيد اهم شى اعرف انتس تحبيني وان كل صدفه بقريتنا صارت تاخذني عندتس وانا عارف الحين انتي ساكته لانتس مستحيه وماتدرين وش تقولين بس خلي هالكلام ببالتتس دائمًا هايل اما لتس اما لنفسه وانا والله احبتس بكل مشاعر هالدنيا والحين ابروح الحين اوصل اهلي للبيت توصين على شى ياحبيبة الروح
ميهاف : لا سلامتك
هايل : الله يسلمتس ياضئ عيني
ميهاف استحت وكان ودها تصارحه وتقول له بوجهه اي تراني احبك ياهايل بس مااسعفتها الكلمات حست ان كل معاناة عاشتها هايل جاي يعوضها قررت توقف قدامه وتصارحه بكل كلمه بقلبها ميهاف : هايل وقف بقولك شى
هايل : لبيه سمي فيتس شى
ميهاف : الحب مو حلو من طرف واحد او يمكن يكون من طرفين بس فيه طرف واحد يبادر ويحاول والثاني يستمع بس انا بقول لك كل شى خبيته عليك هايل انا احبك ومستعدة انتظرك كل حياتي سنين وشهور وايام وليالي ابنتظرك فيها الين نكون نصيب لبعض بس اوعدني انك مو ماخذني تسليه لك
هايل : ابد ما كنتي بعيني هوى نفس وملذة طيش انا اللي شفتك بعين الستر وأميمة عيالي ان شاء الله مايحتاج توصيني عليك حبك بصونه حتى ولو كلفني حياتي
ميهاف : خلاص تقدر تروح
هايل : فداتس القلب وراعي القلب وربوعه الاجناب
ياوجه من عرفته صارت ايامي مرغوبه .

"انتهى البارت"
|حبيت انهي البارت بلحظات بين ابطالنا لان كثير جو عندي يقولون مافيه لقطات بين الابطال تبين حبهم لبعض انا حتى وانا اكتب البارتات حسيت بهالشي بس لان روايتنا من الزمن القديم ف صعب تكون بينهم لحظات ولقطات الا نادر اذا اخذتهم الصدف تجاه بعض وانتظرو روايتنا للحين ماخلصت والقادم افضل باذن الله |

____________________________
قراءه ممتعه تعالو انستا فقط بخصوص الروايه لو سمحتي الي يبي يسال متى انزل او عنده تصميم يحسه لايق على روايتنا يرسله انستا . شكرا لدعمكم الحلو💙💙💙💙. وش رايكم اسوي حساب جديد بالانستا يخص الروايه بس ؟ اذا ودكم اسوي اكتبو لي هنا