"جابك الله في زحام العمر صدفة "

85

~~~~ في مكتب ميهاف ~~~~
ميهاف : باقي مرضى
رغد : لا تبغين شى بدا بريكي
ميهاف : اقعدي ابتكلم معاتس
رغد : بس
ميهاف : لاتخافين انا متساهله وبريكتس لو تبين بغرفتي خذيه بعد
رغد : اجل دام كذا تم ههههههههه
ميهاف : انتي بنت خاله هايل صح
رغد : اي مو بس هو كل اخوانه وخواته
ميهاف : وانا بنت عمتهم ترا
رغد : صدق ماقد قالو لي بس الي اعرفه ان بينكم مشاكل بس دامتس بنت عمتهم ليه بينكم مشاكل
ميهاف : دام خويتي انشغلت مالي غيرتس افش قلبي عليها
رغد : اوه شكل السالفه طويله قولي وشفيتس
ميهاف : هذا ياطويله العمر انا ماعرفت ان امي تصير اخت ابوفهد الا لما حبيت ولدهم هايل صارحوني وقتها وانا طول عمري كنت احسبها تزوجت وتركتني وماتبيني بس طلعت متوفيه من جابتني الله يرحمها
رغد : ماقد شفتيها
ميهاف : لا لدرجه يوم كبرت احسب زوجه ابوي هي امي بس لا
رغد : ومن ايش ماتت
ميهاف : مادري بس الي اعرفه ان ابوي وابوفهد كانو اصدقاء وابوي تزوج امي غصب يعني ابوفهد غصبها على ابوي وابوي كان شر شوي يعني يضربها وهي من الحزن يمكن ماتت الله يرحمها وبعد موتتها قلبو على بعض ابوي وابوفهد
رغد : ماركزتي انتس ماتقولين له عمي تقولين ابوفهد حاف
ميهاف : الصراحه ماشوفه يستاهل يكون عم تخيلي ٢٢ سنه ماسالو عني وهم كانو يعرفون بحمل امي بس ههههههههه مايبوني لاني بنت صقر ومتى عرفنا بهالشي يوم حبينا بعض انا وهايل قلك ذا عذر كرههم لبعض
رغد : طيب ليه قاعده تقولين لي كذا
ميهاف : سمعت انتس بتاخذين هايل
رغد : من هايل اهااا قصدتس ولد خالتي عاد تدرين لو علي مابيه ادري انه يحبتس بس برضو ليه قلتي لي كذا
ميهاف : بس بعلمتس ان حتى لو خطب ولو تزوج مايبي غيري
رغد : ههههههههه وانتي تبينه بعد ؟
ميهاف : كنت بس الحين شوفه عينتس متزوجه وبصير ام
رغد : اجل ممتاز ركزي بحياتس افضل من حياته وترا للعلم ماقول كذا دفاع عنه لا وحتى لو تزوجته بيكون عشان خالتي بس مو حبا فيه بريكي بيخلص استاذن
ميهاف : وقفي رغد وافهميني انا موب نيتي اخرب عليه بالعكس بكون اول الحضور بس حبيت اعلمتس انه كان يحب
رغد : والي يقولتس انا بنفسي قلت لاهله طيب ليه مايتزوجها الحين بس ههههههههه طلعتي متزوجه
ميهاف : ادري حتى امه تبيني بس حسبي الله على الي فرقنا
رغد : اعتقد سمعت انتس تحبين زوجك الي الحين ومشاعرتس لهايل ماكانت حب صح
ميهاف : صح
رغد : مادري وش اقول بس بالتوفيق لكم اثنينكم ماقدر اقول شى زياده
ميهاف : بس سوال اخير انتي تحبينه
رغد : ماشوف ان لتس دخل بالموضوع بس تطمني لا ماحبه ولاافكر فيه ولا كنت ادري عنه اصلا
ميهاف : تمام اجل الله يوفقكم
رغد : غريبه عليها حركات بسم الله وش تسوي هنا كنت تتسمع
هايل : ها لا مانيب جاي لسواد عينتس امتس عطتني اكل لتس امسكي
رغد : امي ينقال لها خالتي
هايل : من كنتي تكلمين داخل
رغد : ادخل شف يمكن تعرفها
هايل : يله بلا سخافه رغد علميني منهي وليش كنتو تتكلمون عني كانت ميهاف صح
رغد : اولا لاتقول اسمي على لسانك ثانيا ايه اظن اسمها واضح عالجدار
هايل : مريضه انتي وليه ماقول اسمتس
رغد : اسمعني انت وحبيبتك بريكي باقي فيه ٦ دقايق بس وانا جيعانه ففكوني ورح لها حلو مشاكلكم بعيد عني
هايل : شفيها ذي بسم الله روحي روحي ذي الزوجه المستقبليه الحين والله مخروشه طيب وقفي بكلمتس بموضوع
رغد : صبر اكل عشان اقدر استوعب كلامك بعدين تكلم اصلا من سمح لك تتكلم معي
هايل : انتي شفيتس انا بتكلم معتس بس ابي اعرف انتي تعرفين بموضوع الزواج ولالا
رغد وهي شرقانه : طق ظهري
هايل : كلام معتس واكلتينا كيف لو اطق
رغد : طق وانت ساكت بس
هايل : طيب صحه صحه اشربي ماء
رغد : زواج ايش
هايل : ماتعرفين امي وامتس يبون يزوجونا
رغد : لا بس لاحظت امك تلمح
هايل : امي ينقال لها خالتي ولا
رغد : ياكرهي لك اخلص وش المطلوب
هايل : انا ماودي يابنت الخاله اخذتس غصب ف لو ماتبيني تكفين قولي وخلي الرفض منتس
رغد : انا فعلا مابيك ومااطيقك في عيشه الله بس سمعت ان امك معليش خالتي مارح تتعالج الين انت تملك ف وش الحل
هايل : هذا البلاء وبنفس الوقت انا ماودي بالزواج
رغد : خلاص نرفض اثنينا
هايل : انا بتغصبني امي لانها هي اساس الموضوع بس انتي يمكن يتغير رايهم
رغد : وليش انت واثق ان لو رفضت خلاص بيكنسلون فكره زواج ترا في مليون بنت
هايل : صح صادقه مافكرت فيها وش الحل طيب
رغد : اسمع نملك الين امك تتعالج بعدين ننفصل شقلت
هايل : انا ماعندي مشكله بس يمكن انتي تصير لتس مشاكل بزواجات ثانيه
رغد : من هالناحيه عادي انا مارح اتزوج اصلا
هايل : صادقه انتي بيمشي الموضوع واذا قال ابوي لازم ينحط الزواج ترا ابوي شديد
رغد : اهاااا ابتلشنا هنا
ميهاف وهي تناظرهم : خلص البريك لو تركزين
رغد : بسم الله انتي السبب وقلتي لي عادي بتزيديني
ميهاف : ممنوع هالنظام معليش ارجعي لشغلتس
رغد : كله بسبب سوالفتس الخايسه انتي وحبيبتس الخايس
هايل : وانا شدخلني بالله اسولف معتس وانتي تاكلين
رغد : شلون بركز مع الناس وانا جيعانه الله ينتقم منكم
هايل : ماش مالقيت حل مالي الا عزام كل الحلول عنده اهخ يادحيم لو انك فيه كان حليت هالمشكله الي طحت فيها
~~~~ في بيت ابومحمد ~~~~
محمد : جاء دحيم يبه جاء
سالم : جاااء عمي ياجدتي
ام فهد : الله يحفظهم يارب وجهه كانه مبسوط
ام محمد : والله مدري يام فهد بس لو علي مااخذ هالبنت
ام عزام : اهم شى هو يبيها وش لتس بوجع الراس
ام محمد : اييه الله يصلحه بس
عبدالرحمن : سااالم
سالم : عميي اشتقت لك وكلهم مشتاقين لك
عزام : مسوي يعنني سالم ومشتاق له وهو امس شايفه
فهد : خله يتميلح
عزام : مايلوق عليه
ام رغد : نادي البنت يام محمد
ام محمد : مابيها مابيها شهد ناديها
شهد : الله يصلحتس يمه فاتن يامرحبا ومسهلا تو مانور البيت
فاتن : ياحبيبتي انتي منور باهله
شهد : ادخلي كلنا ننتظرتس داخل وين دحيم يجي يسلم علينا
عبدالرحمن : شويهد عندنا ماشفت سياف
شهد : راح يجيب كرك مشتهيته
عبدالرحمن : الظهر وكرك وش هالشهوه الي عليتس
شهد : يمه دحيم جاء
ام محمد : وليدي شلونك ياامك عساك مبسوط
ام فهد : يوه يوه فضحتنا ماسلمت عليها
ام رغد : شطفتها مره وحده ههههههههه
ام عزام : قلطيها يام رغد بنروح نسلم على دحيم
ام رغد : ادخلي حبيبتي البيت بيصير بيتس ترا لاتستحين
فرح : ياهلا بالعروسه كيف الحال
فاتن : بخير الحمدلله شلونكم انتم
فرح : كلنا بخييير دامتس تعرفين ان هالسوال مارح يطلع من خالتتس ام محمد فخليني انا اسالتس شلونتس عساتس مبسوطه
فاتن : اتسذب عليتس لو قلت اي قلت له امس رجعني بيت اهلي ههههههههه بس يوم جاء الصبح هجدت
فرح : ههههههههه اييه ذا الشعور يجي لكل عروس تراه مطفوق دحيم وخواف
فاتن : اي امس جلست اصيح وصاح معي ابيه عون وطلع فرعون
فرح : وليه صحتي امسكي فنجالتس
فاتن : سمعت ابوي يوصيه علي ههههههههه
فرح : عليتس حركات والله
فاتن : ههههههههه تسلم يدينك
فرح : خليني بنادي ندى ماتدري ندى ياندى تعالي عبدالرحمن وفاتن جو
ندى بينها وبين نفسها : ووش اسوي لهم اييه جايه جايه
~~~~ في سيب الصاله ~~~~
ام فهد : هذا كلام ينقال لعريس يام محمد شجاتس ماكنتي كذا مع هدى
ام محمد : انا مابيها وانتي تعرفيين يام فهد مابيها ماهي غصب
ام عزام : ووشذنب البنت ولدتس الي يبيها طيب خلاص عشان خاطر ولدتس عالاقل
ام فهد : والله يام محمد امنيه حياتي يجي هايل ويقول لي يبي وحده لاروح واخطبها له وازوجهم والله مايتكدر خاطر بنت اختاروها عيالي ولا نسيب يبونه بناتي ماهي حق البنت مافيه مثلها والاهم سعاده ولدتس
ام محمد : حتى ولو انا مابيها كانها تمشي بشوك على صدري
ام عزام : غضي من كلامتس شوي بتسكن عندتس ترا
ام محمد : وهذا الي مكدر خاطري وين حطوها بعد
ندى : ماقصرتي ياخاله سمعنا كل شى
ام محمد : يووه
فرح : ياحبيبتي زعلت
شهد : شسوي فامي والله عجزت
ام رغد : لاتزعلين يابنتي
فاتن : ماهي مشكله ياخاله سامعه واجد
ام محمد : اي ياهلا بعروستنا ماسلمتي علي اشوف
فاتن : اي رحتي تسلمين على عبدالرحمن وانا دخلت شلونك ياخاله
ام محمد : شلونتس انتي
فاتن : بخير
ام فهد : شلونتس يابنتي عساتس مبسوطه
فاتن : اي الحمدلله
ام عزام : اي عاد ذا دحيم مافيه مثله
فاتن : اي الله يخليه
فرح : ترا مانيب متعوده عليتس وانتي هاديه
فاتن : اسكتي ذي مواجيب الكبار
فرح : ههههههههه
شهد : يمه بنروح لغرفتي مع فاتن
ام محمد : ليييه تراهم شوي وبيمشون
شهد : بنسولف وكذا هي هنا عندكم مستحيه
ام فهد : ياحلوو البنات عقبال ماشوف زوجه هايل معكم
ندى : والحين باقي فهد يمه بعد
ام فهد : اسكتي يانكديه
ندى : ههههههههههههههه
ام محمد : اقول خليها تقعد بس وين بتروحون شهر العسل
فاتن : والله ياخاله مدري ولدتس يقول مفاجاه معيي يعلمني
ام محمد : هاوو ليكون بيخطفتس
ام فهد : ايه حلاله توصلون بالسلامه عاد راقبي الوقت ترا احنا سوالفنا ماتخلص
فاتن : ابشري هههههههههههههههه
ندى : شهد ترا هي ماعندها لا خوات ولا ام تسولف عليهم ف اساليها وتطمني عليها
شهد : قلت لامي وعييت
ندى : لاهين الحين مع خالتي ام رغد ناديها
شهد : فاتن تعالي
فاتن : وش السالفه
فرح : بسرعه اخيراااا
~~~~ بغرفه شهد ~~~~
شهد : اخيراً اجتمعنا
فاتن : ليه وش صاير
شهد : مو صاير شى بس احنا حسينا تقل ضايق صدرتس
فرح : وشفيتس
فاتن : اسفه شهد بس ماسمعتو كلام خالتي والله شى يزعل اف
ندى : تصيحين اح ماتوقعت تصيحين وش هالصباحيه
فرح : يوووه تكفين لاتصيحين فاتن انتي تعرفين خاله ام محمد دايم كلامها حاد
شهد : صح امي دايم كذاا
فاتن : حتى ولو دام ماتبيني ليش تخطبني اصلا انا مابي ولدها
ندى : شكل السالفه مو بس كلام زوجه عمي السالفه بزوجتس
فاتن : لا مو صاير شى
فرح : هذي رغد تدق الو لتس وحششه
رغد : حبيبتي انتي اسمعي انا جيت بيت عمكم ابومحمد بس فيه سيارات واجد جديده علي والبيبان مفتوحه شالسالفه طلعتوا من البيت وماعلمتوني
فرح : لا لا نفسه ادخلي جايين دحيم وفاتن
رغد : من هذولي اهااا العروس ذيك اشوف ميهاف جايه يله بندخل جهزو قهوه جايبه بقلاوه تاكلون اصابعكم وراها
فرح : من عيوني ترا ميهاف جايه بعد
فاتن : انا قلت لها تجي لان
شهد : لان ايش
فاتن : قلت لعبدالرحمن نروح لها لبيتها وعيا مايدخل بيت واحد اخذ حبيبه ولد عمه وتهاوشنا فالسيارة وصرخ علي الحيوان
شهد : ايييي قولي كذااا
فاتن : وزادتها خالتي بعد اوفف
ندى : هدي يابنت الحلال غلط يروح يقابل عبدالعزيز وهو متهاوش معه ولا نسيتي ليله عرس خويتتس مايصلح بعد مفروض رحتو بيت ابوتس وجت هناك
فاتن : ابوي رايح للاحساء مع اخوياه
شهد : حصل خير وهذا هي جت هنا
فاتن : بس انا مابي اشوف وجهه شالحل شلون اكنسل هالسفر
شهد : وليه ماتبينه ممدا تو امس عرسكم
فاتن : اقولتس صرخ علي فالسياره قليل الادب
ندى : ياحياتي ماعرفتتس يالحساسه كان هبدتيه
فاتن : فصخت كعبي بهبده فيه بس وصلنا عندكم
فرح : اذا ركبتي خليتس ساكته وهو اكيد بيعرف غلطه وبيستسمح منتس
شهد : والله دحيم وسيع صدر وونيس بس اكيد جيتي على عرق حساس وهو هايل
فاتن : يعني اسكت على ماقالت فرح ولا انا الي استسمح منه
شهد : ماقول كذا عشانه اخوي تعرفيني مع الحق بس الغلط منتس انتي كنتي حاضره وعارفه بكل الي صار والاكيد قلتي كم كلمه زعلته
فاتن : صح
شهد : خلاص بسوي لكم قهوه وشاهي خذيها فالطريق معكم وابدي سولفي
فاتن : واذا سوا لي صمت عقابي
فرح : ههههههههه ميخالف ازعجيه
ندى : بيشغل اغاني يلمح تسكتين
فاتن : بخليه ينزلني في بيت ابوي لو سوى كذا
شهد : لا عادي اعتذري منه
ندى : وقولي له الاعتذار من شيم الكبار يابزر
فاتن : بحاول مع اني مو طايقته
~~~~~ فالصاله ~~~~~
ام محمد : من هذي
رغد : انا
ام محمد : اعرفتس انتي الي وراتس من
رغد : اي هذي صديقه فاتن اتوقع المهم جبت يمه البقلاوه الي وصيتي
ام رغد : الله يعافيتس ترا البنات بغرفه شهد اوه شكلتس تدرين جايبه صحن ثاني
رغد : ههههههههه اي
~~~~ في الحوش ~~~~
عبدالرحمن : الله يسلمك ياعمي على هالخشم شتسوي برا بهالشموس انت وياه
عزام : ها اعلمه
هايل : اسكت انت يانقال العلوم مافيه شى لاتشغل بالك توك عريس
عبدالرحمن : تستهبل يولد اخلص تكلم شفيك
هايل : خلاص دحيييم قلت لك مافيه شى ماهو طيارتكم بعد شوي
عبدالرحمن : معييه تروح خارج بمشيها مكه والمدينه والجنوب والشرقيه واحنا راجعين
عزام : ويييين الي كان يقول لو تبي نروح اخر الدنيا بروح
عبدالرحمن : وانا عند كلمتي بس هي ماتستاهل اخلصو شفيكم رحت يوم بس ووضعكم ماش
عزام : ولد عمك امه تبيه ياخذ بنت خالته وهو مايبيها والبلاء وين
عبدالرحمن : وين
عزام : حتى البنت ماتبيه
عبدالرحمن : وليش مصعبها ياصويحبي لاتوافق مافيه شى يغصبك
هايل : وذا الشى الي مقدر اقوله عزام عرسكم بعد اسبوع صح
عزام : ايه ليه
هايل : ابقولكم امشو نتمشى بعيد
عبدالرحمن : لا اجل السالفه مهي كذا وبس
هايل : امي تعبانه وعييت تتعالج الين يتزوجون خواتي وانا عالاقل املك
عبدالرحمن : عمتي ام فهد تعبانه ليه وشفيها
هايل : ترا محد يدري غير انتم الثنين وانا وخالتي وبنتها لاتقولون لاحد
عزام : اخلص يالبزر كمل هرجتك
هايل : عندها سرطان ورحنا الصبح للمستشفى وتاكد هالشي ولازم تبدا علاج وهي معييه ماتبي احد يعرف ولا تبي تتاجل عروس عشان تعبها
عزام : تبينا نحط عرسنا وهي تعبانه لا
هايل : لاتحلف يابوالععزم لاتحلف ادري الموضوع صعب علي وعلينا كلنا لو عرفو بس ذا طلب امي ولا مارح تعالج
عبدالرحمن : لا حول ولا قوه الا بالله طيب من حق اخوانك يعرفون
هايل : ودي يادحيم تحسب ماودي بس امي معييه حتى ابوي مايدري تاييه مدري وش اسوي بين زواجات خواتي وبين تبيني لهالبنت وانا مابيها ومدري وش الحل
عبدالرحمن : الحين زواجك اهم ولا علاجها الله يهديها
هايل : اكيد علاجها بس وش يقنعها
عزام : دامه علاجه ف تزوج وخل تمشي الامور اهم شى تتعالج
هايل : خايف نتاخر لو ثانيه المشكله اني تايهه مدري من اسال مدري لمن اروح
عزام : موب الي تبيها لك هي ممرضه امك
هايل : ايه وازيدك الي كنت احبها هي دكتوره امي
عبدالرحمن : الدكتوره ماغيرها
هايل : ايه
عبدالرحمن : معليه ياهايل اهم شى علاج عمتي وماتدري يمكن هالبنت خير عليك
هايل : انا ماقلت فيها شى بس مابيها وماودي اظلمها معي ذا مقصدي
عبدالرحمن : انا فاهمك بس دام هي ماتبيك بعد ف خلاص تحملو بعض
هايل : هقوتك
عبدالرحمن : ايه
هايل : الا شعندك تقول تستاهل وش صاير
عبدالرحمن : متهاوشين
عزام : لييه بعد
عبدالرحمن : تبيني اوديها عند خويتها في بيت عبدالعزيز عدونا وعييت وهاوشتها وهي زعلت تطق راسها فالجدار هي تدري بالي صاير
هايل : تستهبل ماهو انت الي بغيت تنهي حياتك عشان اهلك يوافقون وقروشتنا وانهيت شغلنا عشان تتزوج وتسكن فالرياض شصار يادحيم ليه طابت نفسك
عبدالرحمن : يشهد الله ياهايل ماطابت نفسي للحين انا عند كلامي وافعالي واحبها واموت فيها بعد ومستعد اسوي الي تبي بس الا تخليني اقلط عند رجال انا داقه بيوم عرسه
هايل : الرجال الي تتكلم عنه فزع لي يوم اتعب ولا نسيت وبعدين الموضوع يخصني انا وبنت الناس ليه تهاوش حرمتك
عبدالرحمن : قلت لك هي وطت على عرقي الحساس وصار الي صار
عزام : الي سويته صح ياصويحبي دامها تعرف باللي صاير ليه تتكلم
عبدالرحمن : انا غلطان وهي غلطانه ذا الصح
هايل : تذكر نفسك وش كنت بتسوي عشانها وكم مره حاولت تقنعها وبكل الامور الي صارت واجلت زواجكم
عبدالرحمن : قلت لك مانيب متخلي عنها بس لازم هي بعد تعرف الغلط من الصح
هايل : والله انه ضايق صدري ياعيال شالحل تكفون
عبدالرحمن : طيب اقعد هنا فالرياض يمكن تغير جو عن القريه
هايل : وذا الي بيصير عشان علاج امي بس وش يقنع ابوي انا مبتلش مدري وش اسوي
عزام : انت الحين اهدا واسمعني انا عرسي بعد اسبوع وساحب لي قرض باخذك ونروح للشرقية عند قروب سطام منه تغيير نفسيتك ومنه ابوك ينجبر يقعد هنا لان محد بيروح معه للقريه كل اخوانك شغلهم هنا وابوي نفس شى شقلت
هايل : تستهبل وعلاج امي
عزام : لملم نفسك فهد جاي عندنا
هايل : احمم
فهد : ليه سكتو يوم جيت
عبدالرحمن : مافيه شى كنت اقولهم عن مشكلتي
فهد : ووشي مشكلتك
عبدالرحمن : متهاوش مع العروس
فهد : اي ذي لازم ماعلينا هايل تجهز بنمشي للقريه
هايل : ها وشو شقلت
فهد : شفيك ماتسمع ابوي يقول تجهزو بتروحون للقريه
هايل : وانت مانت جاي
فهد : تستهبل شغلي هنا
هايل : لامانقدر نروح يافهد مانقدر
فهد : لييه
هايل : ابخطب لي وحده وهم ماهم جايين للقريه بيقعدون فالرياض
فهد : ههههههههه تستهبل يالبزر انت وين والخطبه وين
هايل : انا صادق والله انا احب بنت خالتي
فهد : اخت غيث تقصد
هايل : اي
عزام : يحبها اجل
عبدالرحمن : واضح توتر يبي يقنع فهد
فهد : وطيب ليه ماقلت لابوي وبعدين اخوها ماهو فالرياض مسافر
هايل : نخطبها من امها تكفى مابيها تروح علي مثل الاولى
فهد : الموضوع ماهو بيدي وانت عارف الموضوع بيد ابوي بس دامك مستحي ابشر امش معي وانا بقول له
هايل : ها الحين لا
فهد : تستهبل شببطنك انت تكلم
عبدالرحمن : امش ياهايل خله يقول لعمي يله
هايل : مابي ياعيال مابي قلت كذا اسلك له
عزام : امش انت الي نكبت نفسك
~~~~ بغرفه شهد ~~~~
فاتن : تسلم يدينتس على هالبقلاوه
رغد : صحه وعافيه ايه وش مشكلتكم
شهد : فاتن متهاوشه مع زوجها وتقول ماتبي تكلمه ولا تشوفه
ندى : والمشكله بنفس الوقت هي شايفه ان هي الغلطانه ولازم تعتذر فشرايتس
ميهاف : ههههههههه تاخذين رايهم فاتن تستهبلين
شهد : حبيبتي وليه ماتاخذ راينا تراني اخت زوجها ماني عدوتها
ميهاف : ايه انتي عالعين وعالراس بس الباقين
ندى : الباقين بنات خالتس لو تركزين
ميهاف : ماعندي خوال ولا خالات وفاتن اذا يبي يقطعتس عني هذا مافيه خير
شهد : حبيبتي الزمي حدتس وش اخوي مافيه خير
ميهاف : عشانه اخوتس بس ليه يتهاوش معها عشان سبب تافهه
ندى : محد يبي زوجتتس ذا الاختصار
فاتن : خلاص خلاص اخذت رايكم كلكم باقي رغد
رغد : رايي انتس تعتذرين او انتظري يمكن هو يعتذر بس بكل الاحوال هالموضوع مارح يلغي حياتكم او حبكم عادي الكل يغلط واكيد هو ندمان بعد بس اذا تبين توسعين صدرتس بالسفره انتي بادري بالاعتذار
شهد : قلت لها خذي قهوه وشاهي وابدي سولفي تقول واذا سكتني
رغد : انشبي له حبيبتي الين ينفجر راسه من كلامتس
فاتن : شوركم وهدايه الله
~~~ في مجلس الرجال ~~~~
ابوفهد : لاتحلف يابومحمد والله طولنا عن ببتنا وقريتنا
ابوعزام : والله اول مره ماشتاق لها خلنا يخوي نقعد ونروح مع بعض ندور شقه لعزام ونقضي معه ونأثث
ابوفهد : ماهو ساكن عندنا فالديره
ابوعزام : لا يخوي اقولك شغله فالرياض
ابوفهد : عرسه بعد اسبوع ليكون تبينا نقعد اسبوع هنا
ابوعزام : ووش فيها صح ولالا يابومحمد
ابومحمد : صحيح مافيها شى
ابوفهد : خلاص اجل مع اني كنت ابي العرس فالقريه بس عشان خاطرك
ابوعزام : اي والله تخبر عرس اخته كان فالقريه وعلى قد الحال وبنتك ودي احط لها عرس كبير تعرفني اغليها من بد عيالك
ابوفهد : بنتي هي بنتك ياخوي بس ابشر دام ذا الي تبيه صار
محمد : شعندكم جايين تركضون فهد ترا
فهد : يبه يبه بارك
ابوفهد : على وش
فهد : هايل يحب بنت خالتي ام غيث ويبي يخطبها ويقول مارح يرجع للقريه الين يخطبها قال ايش خايف تروح عليه
ابوفهد : اصبر اصبر وش تقول انت انت صادق هايل ولدي ماغيره يبي يعرس
هايل : الله يهديك يافهد
ابوفهد : وينك امش كلمني مثل الرجال ليه مرسل اخوك
هايل : هو تحمس يوم علمته
ابومحمد : يعني خلاص نقول مبروك وعرسك بعد عروس خواتك
هايل : ايه ايه ان شاء الله بس بنقعد هنا يبه
ابوفهد : من قالك بنرجع للقريه بنقعد عشان عرس عزام واختك
هايل : وشوووو !!! فهد يقول بنرجع
ابوفهد : لا لا غيرنا راينا
عبدالرحمن : ههههههههههههههههههه ذا الي يكبر التسذبه القم
عزام : يالهطف
محمد : كنت جاي بقولكم وطرتو
هايل : ياعيااال
عزام : خلاص مسكوها عمامي والله ماتفتك منهم
ابوفهد : فهد بشر ام فهد
فهد : يمه يمه
ام فهد : وش صاير اصبر فيه حريم شفيك
فهد : هايل البزر يبي يعرس يقول انه يحب بنت خالتي ام غيث ويبي يخطبها الحين عشان ماتروح عليه
عزام : اخوك ناقصه مايك ويفضح فيك فالرياض كلها
هايل : ماقصر
ام فهد : انت تتكلم جد
فهد : اي والله يمه توه قال لي وعلمت ابوي بعد
ام فهد وهي تزغرت : باركي يام رغد باركي يام محمد باركي يام عزام باركولي ولدي وافق عرس ولا ماهو اي عرس طلع يحبها يام رغد يحب بننتس
ام رغد : انتي صادقه
ام فهد وهي تصيح : اي والله صادقه توهم علموني يبي يخطبها يام رغد ويقول يحبها بعد بيتزوج ولدي ياختي بيتزوج
ام محمد : بسم الله عليتس من الفرحه دختي عطوها ماء وين عاد البنت ياشهد يارغد
شهد : هلا يمه
ام محمد : باركي باركي
شهد : لمن
ام محمد : لولد عمتس هايل بيعرس
شهد : وشوو على من ومتى وكيف
ندى : اخوي بيعرس واحنا ماندري
فرح : هزلت ياختي وش صاير ياعمه
ميهاف : الي اسمعه صدق
فاتن : هدي لاتخلينهم يلاحظون
ام محمد : اي والله وين البنت ماشاء الله قاعده تتقهوين
رغد : ليه شصار شفيكم تصارخون
ام محمد : انتي العروس وقاعده وهاجده
ندى : فهمينا ياعمه وش صاير
ام محمد : هايل قال لابوه انه يحب رغد ويبي يخطبها ومارح يرجع للقريه الين يخطبها عالاقل عشان لاتروح عليه
فرح : هايل اخوي ماغيره
ام محمد : ايه شفيكم
ندى وهي تحضن فرح : مستحيل فرح هايل بيعرس
فرح : والله ماني مصدقه
رغد : يوه اخيرا مبروك من بياخذ
ام محمد : انتي مهبوله وشفيها ذي
شهد : انتي العروس انتي الي يحبها ومارح يتحرك الين يخطبها
رغد بينها وبين : ههههههههه يحليلكم بس ماتدرون
ندى : ليه مو مبسوطه
شهد : بعد انتي تسالين اكيد مستحييه اخيراا بتجيي لي سلفه
رغد : وين خاله ام فهد
ام محمد : تحت تصييح ومبسوطه لولدها
فرح : ليه كانها زعلانه
ندى : ايه بس يمكن مستحيه
فرح : حقها فضحها هالخبل امشي ننزل لامي
فاتن : هذا عبدالرحمن يدق
ميهاف : يعني بيتزوج يعني كل كلامه تسذب الي بينتظرني كل عمره
فاتن : انتي الي تركتيه ياميهاف
ميهاف : بروح للبيت
فاتن : لاتقطعيني
ميهاف : ابشري طمنيني اذا وصلتو وجهتكم
فاتن : من عيوني خليني ارد عليه لايزيد زعله بعد
~~~~~ فالحوش ~~~~~
هايل : شسويت ياهايل شسويت نكبت البنت هي ماتبيني ياعيال بلشتها معي
عزام : موب كان ذا طلب امك عشان تتعالج خلاص اصبرو على بعض
عبدالرحمن : ذا موب عبدالعزيز وش يسوي عند بابنا
هايل : وقف وخله
عزام : شكل حرمته جايه عندكم ايه هذي هي
عبدالرحمن : اعذرني ياهايل ابمشي تعرفني احب امسك خط فالليل
هايل : يشيخ مافيها شى رح بس انتبه فالخط وطمنا عليك لاوصلت
عبدالرحمن : على هالخشم توصون شى
عزام : عرسي لاتنسونه
عبدالرحمن : لا يبوي مارح نسكن هناك بنرجع لكم ثلاث اربع ايام بالكثير
عزام : ايه انتبه
عبدالرحمن : فمان الله يله امشي وش جايبه معتس
فاتن : قهوه وشاهي
عبدالرحمن : شدراتس ان بنمسك خط
فاتن : مدري حسيت
عبدالرحمن : ايه ايه امشي
فاتن : الله يصبرني بس ودي اهبده بدال مااتسامح معه وازيد الطين بله افتح بابي
عبدالرحمن : مفتوح مفتوح ركزي ولا تكلمين نفستس
فاتن : سخيف والله سخيف
~~~~~ الساعه ١٢ فالليل فالحوش ~~~~~~
هايل : ايييه تحمل يالهالدفتر وش السوات مالي غيرك يقول ابوالهيل
مالله كتب لي فيك لا حظ ولا نصيب
الواقع اصدق من ليت ،،،،، وربما
حتى لو ان احساس قلبي مايخيب
سفك الشعور اشد من سفك الدماء
والغيمه الي تاخذ شوي ،، وتغيب
ماتغري الا الي مييتين من الضما
احيانا حتى الي تحس انه قريب
يمكن يكون ابعد عليك من السماء
رغد : ممكن افهم شلون تتخذ قرار بدون ماتاخذ شوري
هايل : بسم الله
رغد : لاتلف وجاوب ؟؟
هايل : اعذريني يابنت الخاله والله قلتها عشان مانروح للقريه وتعالج امي بس كبرها فهد الله يهديه
رغد : انت تدري انهم يوم قالو كذا حبيبتك كانت فيه وهي سالتني وقلت لها مابيك ومارح نتزوج تعرف الموقف الي انحطيت فيه يحسبوني مستحيه وانا منقرفه اصلا
هايل : هدي هدي بعدين شدخل حبيبتي اقصد ميهاف هي اعرست والله يستر عليها ومالها حق تعاتب
رغد : مايهمني الي بينكم يهمني موقفي الي انحطيت فيه بالله الحين وش يفكنا من ابوك
هايل : تراني متنرفز لاتزيدينها علي ارفضي وخلصنا
رغد : لا والله متنرفز انت حقك حق وانا حقي باطل
هايل : قلت لتس قلت كذا عشان نقعد
رغد : كانت الخطه امي تطلب ابوك ان امك تقعد عندنا ليه علمت ابوك بالزواج
هايل : يابنت الناس مادريت بكل ذا قلتها بدون ماركز
رغد : ليتك قلت بس انك تبي تتزوج البلاء اعميتها ياهايل حب وخرابيط ماكان هذا اتفاقنا
هايل : حقتس علي بس ارفضي تكفين
رغد : وخالتي وش بيصير فيها اتوقع نسيت ان هذا طلبها عشان تعالج
هايل : خلاص انا اختصرت وعرف الكل
رغد : موب بذي الطريقه كانت خطتنا نملك وبس تعالج امك نتطلق الحين بيحسبون انك فعلا تحبني وعاد يله اقنعهم بسبب الطلاق اف منك بس اف
هايل : لاحول ولا قوه الا بالله نكبت هالبنت الله يقطع الشيطان بس اذلف من دفتر لا دقيقه لايشوفه ابوي ويحفر قبري
~~~~ في سياره عبدالرحمن ~~~~
فاتن : احم تبي قهوه
عبدالرحمن : لا
فاتن : شاهي
عبدالرحمن : لا
فاتن : ماء ؟ عصير
عبدالرحمن : لا لا
فاتن : طيب وين بنروح
عبدالرحمن : لأوصلنا تعرفين
فاتن : وش هالحركات المبزره عبدالرحمن خاطفني انت ولا متزوجني
عبدالرحمن : لا والله ماقلتي كذا يوم السالفه علي
فاتن : يكون بعلمك انا ماحب اسافر وانا متهاوشه مع رفيق السفر عشان كذا خلنا مروقين ونتصافى
عبدالرحمن : عساس هوشه ورعان متوسط عشان تنمحى كذا بعدين اسكتي لو سمحتي طول السفره مابي اسمع صوتتس
فاتن : لو سمحت لاتسكتني ترا تونا معرسين امس ماعاد اشوف دحيم الونيس الي اعرفه رد علي
عبدالرحمن : بسوي لتس صمت عقابي الين نوصل
فاتن : احسن من زين سوالفم وخلك بسكت وانت اقعد يمكن تنام بالخط ويجينا حادث انت تبي كذا صح ياخييي ردد
عبدالرحمن : ههههههههه
فاتن : خلاص بستسلم انا اسفه وحقك علي ماكان له داعي اخرب صباح او مساء عرسنا عشان صديقتي وزوجها
عبدالرحمن : ايوه كذا نتكلم ونرد ولعلمتس انا مااحملتس الذنب كله بس كان لازم انتي الي تعتذرين
فاتن : يعني تصافينا
عبدالرحمن : ايه وانا اقدر ازعل منتس واصلا ماسك نفسي مارد واعتذر انا
فاتن وهي تحضنه : ياحبيبي والله كنت حاسه
عبدالرحمن : اهجدي اسوق
فاتن : ها قهوه شاهي عصير ماء
عبدالرحمن : حشى قهوجي هههههههههههههه عطيني قهوه لاارقد عليتس
فاتن : من عيوني ماقلت لي وين بنروح
عبدالرحمن : مكه وبعدين ننزل جده بعدين المدينه
فاتن : باقي المناطق من اختياري
عبدالرحمن : طيب
فاتن : وقف عند محطه نرتاح شوي
عبدالرحمن : عساس تسوين شى كل التعب علي انا الي اسوق
فاتن : وانا وش يهمني غير زوجي !
عبدالرحمن : صارحيني من معلمتس هالكلام
فاتن : ههههههههه صدتني الصراحه اختك شهد
عبدالرحمن : تصدقين ماشفت سياف قالت لي رايح يجيب كرك الظهر بس جلسنا الين الليل وماجاء ماقالت عنه شى
فاتن : والله ماسالتها ليه صاير شى
عبدالرحمن : مادري بس ماسالتيني ليه ماسافرنا خارج
فاتن : ماحسيت انه الوقت صح نسافر عرس ولد عمك قريب بس يمكن فيه اسباب ثانيه
عبدالرحمن : الصراحه ايه وتوني عرفت فيها اليوم
فاتن : وقف وقف ناكل وسولف لي
عبدالرحمن : طيب يله جاهزه
فاتن : دقيقه افتح الساندوتش وافتح حقتك
عبدالرحمن : متى امداتس تسوينها
فاتن : الصراحه امك الي سوتها تقول عبدالرحمن ابوبطين لازم ياكل
عبدالرحمن : ذا الكلام منتس اعرف ام محمد ماتقول عن ولدها كذا
فاتن : وصلك العلم ماعلينا اكل وسولف لي شصاير
عبدالرحمن : زوجه عمي ابوفهد اكيد تعرفينها
فاتن : ايه ايه اعرفها شفيها
عبدالرحمن : تعبانه والي ماسك ملفها خويتتس
فاتن : بسم الله عليها وشفيها ماقالت لي شى ميهاف
عبدالرحمن : سرطان عشان كذا هو خطب بنت خالته عشان يقعدون فالرياض لان عمي الله يصلحه يبيهم يروحون للقريه وزوجه عمي مارح تتعالج الين يتزوجون بناتها الثنتين وهايل يتزوج بنت خالته
فاتن : كذا السالفه حسيت من وجهه البنت تضايقت وماتبي او شكلها ماتعرف
عبدالرحمن : لا هي تعرف بس ماتبيه وهو كبرها قال يحبها
فاتن : طيب وش دخل هالموضوع بموضوع سفرنا
عبدالرحمن : خويتتس حامل واذا ولدت رح يمسك الحاله دكتور ثاني واحنا مرتاحين ان الي ماسك الحاله خويتتس والممرضه بنت خاله هايل الي بيتزوجها ف نبي نرجع بسرعه عشان انتي تمسكين الحاله
فاتن : اهااا كذا قصدك اي مو مشكله زين فكرت كذاا بس خلاص بيقعدون فالرياض لان العلاج اكيد بيطول على حسب المرحله الي فيها انت لاتشيل هم خل الموضوع عند كادر الطب
عبدالرحمن : والله ضاق صدري ماتستاهل عمتي
فاتن : اي والله قلبها طيب
عبدالرحمن : شلون تعامل اهلي معتس
فاتن : ها يجنن كلهم يهبلون الصراحه
عبدالرحمن : قالت لي شهد ترا الي صار بينتس وبين امي
فاتن : ماصار الا كل خير هي كانت مشتاقه لك وماانتبهت لي
عبدالرحمن : اعذريني يافاتن بس امي كذا صعبه شوي
فاتن : انا متزوجتك انت ولا متزوجه امك
عبدالرحمن : انا ؟
فاتن : خلاص انت همي الوحيد الباقي ينعاش معه
عبدالرحمن : انا متاكد ان هالكلام عشان اسامحتس
فاتن : ههههههههه لا شدعوه
عبدالرحمن : لاني اعرفتس قبل الزواج لسانتس طويل
فاتن : ايه عاد كانك تبي الوجهه الثاني ماعندي مشكله
عبدالرحمن : اقول انثبري بس تلعبين بلوت
فاتن : ههههههههه يالبزر من قام يلعبها
عبدالرحمن : اخلصي
فاتن : ايه بس شغل لنا المسجل ياخيي
عبدالرحمن : بعد تتامر
فاتن : ايه ماللعبها الا اغنيه تشتغل وكاسه شاهي قدامي
عبدالرحمن : شاهي وانتي توتس ماكله كبده
فاتن : شغل شغل المسجل شعرفك ترا الشاهي يغسل البطن كله
عبدالرحمن : هذا وانتي دكتوره تقولين كذا
فاتن : تبي بسرعه ولالا
عبدالرحمن : مابعد خلصت اكلي
فاتن : يوه يالبطئ شلون نلعب وانت تاكل بالله
عبدالرحمن : خلاص بكملها بعدين
فاتن : خلنا نحط شروط للفوز
عبدالرحمن : بعد
فاتن : ايه حبيبي الشروط تحمس اكثر شرطي تعطيني فلوس اذا فزت
عبدالرحمن : تم وانا شرطي تهمزيني لاوصلنا
فاتن : مو تم
عبدالرحمن : ههههههههه ليه
فاتن : بغير شرطي تهمزني انا بعد
عبدالرحمن : تم
فاتن : تحمل الخسارهه
عبدالرحمن : دام الربح تهميز لاتخافين
فاتن : ابدا امسك الشاهي
عبدالرحمن : اجواتس جوي

انتهى البارت
قراءه ممتعه يااصدقاء 🌷🌷🌷