Sarkakiya

Se yaushe ne

🍒🍒🍒🍒🍒🍒
Jidda na fitowa daga office din se da saki wani ajiyar zuciya me nauyi. Tun haduwar ta da khairi take kokarin danne wani bakin kishi da ke damunta a zuciya, dangarin fushi ne a kwance a bayan murmushin ta, tsoro da fargaba ne ya kamata. Dole ta san yadda zaayi ta gano abinda ke tsakanin ta da Ak,
Yadda taga ya damu da lamarin ummulkhair abun tsoro yake bata domin duk sanda suka hadu se ya tambayeta Ummulkhair , karshe de ta fada masa gaskiya cewar an dauke ta ta karasa service dinta a nan.

murmushin yayi sosai da ta fada masa, murmushin da bata taba ganin yayi irin shi ba se ranar, don se da taji zuciyarta ta tsinke. Wani kishi ya lullube ta. duk da a lokacin ma bata ga khairi ba. Yaunzu kam da ta ganta zuciyarta ta kasa nutsuwa.

Allah yayi ma ummulkhair kyau na nutsuwa. Duk da ita ma jidda ba koma baya bace a wajen kyau, jidda chocolate beauty ce ga diri masha Allah son kowa kin wanda ya rasa. Zuciyar ta ta karaya da taga khairi don idan akwai abunda zata nunawa khairi kadan ne a fagen kyau

Fuskarta a hade babu alaman fara'a. Tafiyan ma a gajiye take yin shi. Wai yaushe abdulkareem dinta ze waiwaye ta, yaushe ze san tsananin son da take masa ne, yaushe ze gane green light da take ta bashi shekara da shekaru. Yaushe dakon son shi da take ze zo karshe ko ta huta. Soyayyar sa ta hana ta kula kuwa, Duk wanda yazo da soyyaya sede ya gaji ya rabu da ita saboda rashin kulawa, ta nace se Abudulkareem ga yanzu shekaru ja suke

Se da ta isa bakin kofar office din Alh ibrahim sannan ta saki fuskarta. Ta kwankwasa ta shiga bayan an bata izni .
Tana shiga Alh ibrahim ya nuna mata guri ta zauna.
Ta gaishe shi sannan ta gyara zama don fada masa abun da ya kawo ta

"Ummulkhairi tazo yau. Nayi assigning dinta office din da ka ce"
Jidda ta fada masa

"Very good, ina son ki sa ido a kanta sosai. Kiyi min reporting duk wani abu da kika ga out of normal directly to me"
ALH ibrahim ya fada yana jaddada ko wani kalma da ya fada.

Jidda ta ansa masa da
"Yes sir insha Allah zanyi abunda ka ce"

Suka ci gaba da tattauna abun da ya shafi aiki bayan minti kadan ta koma office dinta.

Jidda na fita daga office din Alh ibrahim ya dora da sake saken da yakeyi, burin shi  shine ya samu yarinyar da bata da tsoro,  yarinyar da ya tabbatar zata iya masa aikin da yake so. Ya tabbatar ummulkhair zata iya masa wannan aiki, fatan sa shine ta yarda da aikin da ze sata, ko dayake yasan dabarar da ze mata da baza tayi suspecting komai ba.
🍒🍒🍒🍒🍒🍒🍒

Ko da khairi ta zauna a kan desk dinta wani dadi ne ya lulubeta. Duk da officice din da mutane da yawa amaa yafi staff room sau dubu. Ga AC se ratsa ta yake ko ta ina.
Bayan fitan jidda ba dadewa mr patric ya tashi yayi nashi bayanin sannan ko wa ya gaisa da ita tare da gabatar da kansu.

Mr patric yayi mata bayanin aikin ta a office din, cewar tunda itace karama a office din zata dinga taimakon maaikatan da abuwa da dama. Sannan ya bata shawarwari akan yadda zata zauna da kowa lafiya da abubuwan da zata dinga yi da ze sa ta samu ci gaba a company din. Taji dadin bayanin da mr patric yayi mata sannan ta dauki alkawarin zata zauna da kowa lafiya. Baza ta kara kwantanta rashin hakurin da tayi da umar ba. 

A ranar batayi aikin komai ba in banda littafin protocol da mr victor ya jibge mata ta karanta. Ta maida hankali sosai ta karanta protocol din.
Karfe 12 na rana Mr patric yace zata iya tafiya idan yaso washe gari se ta fara aiki afresh
Tayi mishi godiya sannan ta dauki jakar ta ta fito daga office din

Tana fitowa taci karo da umar, shi se a lokacin yane zuwa aiki Fuskar sa babu alamar fara'a. Suna hada ido ya watsa mata wani kallon banza se da taji hantar cikin ta ta kada. Da sauri ta saukar da idon ta kasa tana kallon kafarta har se da ya wuce sannan ta dago kanta.

Ita kuma tata kaddarar kenan. Mutum ya zame mata annoba danHaduwa da shi sam ba alkhairi a ciki .A lokacin ta tabbatar shima umar aikin yake yi a company. Ta kudiri aniyar ba abunda ze sa ta kara shiga hurimin shi don bata san abinda ze hada ta rigima da kowa a company. Tana so ta gama service dinta ba tare da matsala ba ta koma gida kono, idan aiki ne ta nima a kusa da gida, Idan ma aure ne tayi ta huta baki daya

Se da ta bari ya wuce har ya haura sama sannan ta ci gaba da tafiya.
Tana zuwa gida abinci ta nima saboda bata tsaya tayi breakfast ba kafin ta fita duk dan kar ta makara a ranar farko.

🍒🍒🍒🍒🍒🍒🍒
Bintu. A