Sarkakiya

Kayan barka

🍒🍒🍒🍒🍒🍒🍒🍒
Tun daga message din da yayi mata na barka kullum se ya tura mata message a kalla sau 1 ko sau 2 a rana yana tambayar ta ya zuhra take, daga nan suna dan taba hira.

Wasa wasa Albdulkreem ya zama wani bango da khairi zata iya jingina a jiki, duk sanda take feeling down Ak ne yake sa ta samu saukin damuwar postpartum depression da ke kokarin damun ta.

Akwai lokacin da zuhra tayi rashin lafiya hakalin khairi yayi matukar tashi Abdulkareem ne yake ta kwantar mata da hankali, duk abun da aka fada a asbiti se ta fada mishi. Lokacin shan maganin zuhra yana yi yake tuna mata.
Duk wannan reconection din ta chat suke yi, be taba gigin kiranta audio call ba.  Kusan kullum se yace ta turo masa hoton ukhty, yarinyar ta shiga ransa sosai kamar shi ya haife ta.
Haka rayuwa tayi ta tafiya.

A gefen hajja kuma kusan kullum se ta kira tayi mishi mitar tana jiran dawowar sa kuma ko yaki ko yaso yana dawowa zaa daura mishi aure da maryam.
Maryam kuma ta rungimi karatun ta tana jiran dawowar Abdulkareem.  Soyayyar sa bata ragu a zuciyar ta ba dede da kwayar zarra.

A haka har akayi wata shida Abdulkareem ya fara shirye shiryen dawowa Nigeria, ji yayi kamar kar ya dawo saboda yasan ze zo ya tarar da masifa na jiran shi don auren maryam masifa ne a wajen sa. a paris hankalin shi a kwance yake muddin ze yi chat da ummulkhair.
Tun yana kirga saura sati 2 ya dawo aka dawo sati 1, kwana 3, kwana 1 , har aka zo yau ne ze dawo nigeria.
Gida ze dawo amma ji yake kamar ze koma prison, prison din da hajja ta dana masa.

A gida kuwa se shire shiryen dawowar sa ake, maryam tana wajen hajja amma gaba daya jikin ta yayi sanyi saboda bata san yaya ze kalle ta ba, bata san tunanin da yake game da ita ba, maybe ma ya fara tsanar ta, tana tsoron ta auri mijin da be damu da ita ba kwata kwata.
Ta shirya normal batayi wata kwalliya ba kar ya samu impression din ta haukace  akansa.
Hajja ta tisalta mata se ta bi saddiq su dauko Abdulkareem daga airport, ba haka ta so amma ya zatayi.

Ko da suka isa airport jirgin su Ak be sauko ba tukunna, bayan minti 20 jirgin su ya sauka, Ak ya gama tarkato laugage dinsa ya sauko daga elevator.
Idanun sa ne suka hango maryam a kusa da saddiq nan da nan annurin fuskarsa ta dauke zuciyar sa ta baci.
yasan hajja ce zata sa ta  tazo. Saddiq yana hango shi ya karasa inda yake ya riko masa wasu jakunkunnan sannan suka karaso.
Tun da ta kalle shi sau daya bata kata ba har suka taddo ta, A hankali tace masa
"Sannu da zuwa"

Ak ya amsa da
"yauwa"
a takaice sannan suka jero gaba daya maryam na binsu a baya kamar jela suka fita daga waiting lounge na airpor zuwa inda sadiq yayi parking mota a waje.
Ak ya bude gaban mota ya zauna ya bar saddiq yana saka akwatunan sa cikin booth.
Kamar wadda kwai ya fashewa a ciki ta bude bayan motar ta zauna ba tare da ta kara cewa komai ba.
A cikin motar saddiq ne kawai yake surutu se Ak da yake bashi ansa jifa jifa don ba san magana yake ba, da saddiq ya kula  da haka se ya kama bakin shi shima.
Motar tayi tsit se sautin numfashin su, zuciyar maryam  se bugawa take with passing of each seconds. Allah Allah take a isa gida ta fita daga motar ko ta shaki iska me kyau.

Tun kafin a bude gate maryam ta sauka daga motar da sauri ta bi ta karamar kofa ta shige gida. A parlor ta iske hajja tana ta murmushi

"Ina baban nawa na ganki ke kadai"
Ta tambayi maryam

"Gasu nan shigowa suna baya na"
Maryam na gama rufe baki se ga Ak ya shigo, ganin murmushin da hajja take ne yasa ya dan saki ransa ya kwakulo murmushi.

"Sannu da zuwa babana, sannu da zuwa sabon Ango, da na iya gudi da nayi maka"

Ak de se ya'ke  yake ya karasa inda take tare da dan rugumar ta,
"Sannu da zuwa mutanen paris"
Ta kara fada tana dukan bayan shi.

Hajja ta zauna a kujera sannan Ak ya durkusa ya gaishe ta, ta ansa cike  da annashuwa da farin ciki.

"Bari a kawo maka abinci, masa nasa akayi saboda nasan kayi missing din ta. Bansan ya kake yi da abincin su ba, maamah!!!! Maamah  kina ina"
Hajja ta kwalowa maryam kira wanda tun shigowar ta tayi daki straight.