Chapter 75
အာကာသမျိုးနွယ်တို့၏ကြော်ငြာများ
ယောင်စစ် ခဏမျှစဉ်းစားပြီးနောက် ကွန်ပျူတာလက်ပတ်ကိုဖွင့်လိုက်သည်။နောက်ဆုံး၌အနီရောင် ဘယ်ရီသီးများကိုရှာတွေ့သွားပြီး ထိုငန်း၏ ပါးစပ်ထဲသို့ ထည့်လိုက်သည်။
ထိုငန်းကတောင်ပံကို ဖြန့်ကားလိုက်ပြီးနောက် ဘယ်ရီသီးများကို အလုတ်ကြီးကြီးစားလိုက်သည်။ထို့နောက် ယောင်စစ် ကိုတစ်ချက်ပြန်ကြည့်လိုက်ပြီး ပါးစပ်ကျယ်ကျယ်ဖွင့်ဟလာပြန်၏။
ပြီးနောက် သူမရင်းနှီးကျွမ်းဝင်နေသော အသံထွက်ပေါ်လာလေသည်။
''စိတ်မကောင်းပါဘူး ကျွန်ုပ်တို့ကပေးချေမှုကို အစားအစာများနှင့် ပေးချေမှုကိုလက်မခံပါဘူး စကြာဝဠာ ငွေကြေးဖြင့်ပေးချေပါ..."
သောက်ကျိုးနည်း...
သူကငါ့ကိုပိုက်ဆံပေးခိုင်းနေတာလား...ဒီပို့ဆောင်ရေးအတွက်ပိုက်ဆံပေးရမယ်...ဒါကပုံမှန်ရောဟုတ်ရဲ့လား..ပြီးတော့ တခြားအရာနဲ့ပေးချေခွင့်မပြုဘူးဆိုရင် ငါ့ရဲ့ဘယ်ရီသီးတွေဘာလို့စားပစ်လိုက်တာလဲ ပြန်ပေးလေ...
"ဘဏ်ကနေငွေလွှဲပေးတာမျိုးကိုရောလက်ခံလား..."
ယောင်စစ် မေးလိုက်သည်နှင့် ထိုငန်းက စကားတစ်ခွန်းမျှဘာမှပြန်မပြောဘဲ သူ့၏လက်သည်းများကို မြှောက်လိုက်သည်နှင့် ပေးချေမှုအတွက် အနီရောင်ဇယားကွက်လေးတစ်ခုပေါ်လာလေ၏။
ယောင်စစ် သူမ၏ကွန်ပျူတာလက်ပတ်ကို ထိုနေရာသို့ဖြတ်သန်းလိုက်သည်နှင့် ငွေပေးချေပြီးကြောင်းပြေစာထွက်လာလေသည်။
အာကာသငန်းက စိတ်ကျေနပ်စွာဖြင့်စတင်၍ပျံသန်းလိုက်သည် ထို့နောက် သူမ၏ခေါင်းကိုစက်ဝိုင်းပုံသဏ္ဍန် ဝှေ့၍ပြန်လှည့်လိုက်ပြီးပြောလိုက်သည်
"လူတိုင်းအတွက် ပို့ဆောင်ရေးလုပ်ပေးရတာက အာကာသမျိူးနွယ်တွေရဲ့တာဝန်ပါပဲ...ဒါကြောင့်မို့ ဘယ်ငန်းကိုမှ အစာမကျွေးပါနဲ့..ကျေးဇူးတင်ပါတယ်..." .
လခွီးထဲမှ နင်ပြန်လာခဲ့လိုက်စမ်း...နင့်အမွှေးတွေမနှုတ်ဘူးလို့ကတိပေးတယ်...
