Yeh Rishta Meetha Sa ❤

Part 34 - Kaira in Rajkot!

Siya ne bina dekhe uss insaan ko gale laga lia aur sabki nazrein ekdum se unn par padi. Achanak udaasi ke baadal chhat gaye, mahaul khusnuma ho gaya, sabki aankhon mein chamak aa gayi aur chehre khil uthe. Woh ladka Nishant (Nannu) tha, jiske gale se lipte Siya khadi thi. Dono ke hao-bhao kuch aise thay, maano hafton se pyase insaan ko paani ka sailab mil gaya ho. Unke chehre par khili hasi aur aakhon ke aansoo bata rahe thay ki dono ne ek dusre ka kitna intzaar kiya hai.
.
Darwaze par Anshuman aur Jasmeet bhi khade thay, sabka welcome hua. Krish bhi daur kar apne mumma-papa ko hug kar leta hai. Nannu sabse milta hai. Rajshri ke toh aansoon hi nahi rukk rahe thay, unka pota jo ghar laut aaya tha. Shaurya aur Vishambhar toh bas khus hue jaa rahe thay aur hote bhi kyun naa, unka eklauta waaris aaya tha. Ananya toh aisa bhadda naatak karne ke liye Nannu ke kaan khichti hai.
.
Nannu Varsha ki taraf badhta hai aur Anshuman Rajshri ki taraf. Dono ke muh se ek hi shabd nikalta hai "Taiji"..... Ye dekh Varsha aur Rajshri ek jhalak ek-dusre ko dekhti hain aur fir apne beto ko gale se laga leti hain.
.
Vishambhar - Dekh rahe ho Shaurya!

Shaurya - Haan bauji! Apne beto se mila jaa raha hai.

Jasmeet - Haaye Rabba! Ye log toh jaise bhool hi gaye hain ki main bhi hoon ithhe.

Buadadi - Ese naa bol chhori! Unn dono ne hi apne bachhon se jyada apni devrani ke bachhon ko laad kia se.

Ananya - So toh hai.
___________________________________________

Chikki aur Keerti ek-dusre ko kuch ishara karke andar jaati hai.
.
Nishant sofe par baithi Mishti ki taraf badhta hai aur baby bump ko halke se chhoote hue Mishti ki taraf dekhkar kehta hai - "Mish..."

Mishti muskurate hue apna sir hilati hai aur kehti hai - "Nish...."

Fir dono ek sath bolte hain - "NishMishrocks"
.
Jasmeet aur Muskan bhi ek-dusre ko kass ke gale lagaati hain. Dono saheliyaan kitne hi saalon baad mili thi. Dono ek-dusre mein aise ghul gaye thay jaise paani mein shakkar. Aisa lag rha tha jaise saari kasar ek hi din mein nikaal lengi. Dono ki aankhein namm ho gayi thi. Ek pal ke liye dono saheliyon ne ek-dusre ko dekha aur fir muskurate hue boli - "Yeh toh khusi ke aansoon hai pagli".
.
Fir Arya aur Krish bhi Nannu ke gale lag jaate hain. Chikki aur Kirti jhat-phat chunniyan aur varmaala ki thaal lekar aati hai jise dekh sab surprise ho jaate hain. Ananya gathbandhan kar deti hai.

Kirti - "Nannu! Siya! Bina der kiye dono ek dusre ko varmaala pehnao".

Chikki - Aur thal mein rakhe sindoor se Siya ki maang bhar do.

Dono waisa hi karte hain aur sab taaliyan bajate hain, phool barsaatein hain. Nannu aur Siya saare bado ka aashirwad lene lagte hain.....isi beech kisi aurat ki aawaz aati hai -
"Mere bina hi celebrations ho rahe hain".

Uss aawaz ko sunte hi Siya khus ho jaati hai kyunki woh Priyanka ki aawaz thi jo ki darwaze par khadi thi.

Naitik - "Lo! Priyanka ji bhi aa gayin"

Nannu-Siya aur Priyanka ek-dusre ki taraf badhte hain. Priyanka dono ko gale laga leti hai.

Naksh - Ab jaldi-jaldi cake kato tumlog.

Abir - Warna main bina kaata hua cake hi khaa lunga.

Meet - I'm in🙋🏻‍♂️🙋🏻‍♂️!!

Sab hasne lagte hain. Naksh ke phone par baar-baar kisi ka call aa raha tha lekin uska dhyan uss taraf nahi jaata.

Nannu-Siya aur Krish milkar cake kaat-te hain aur sabko cake khilate hain. Fir naach-gaana hota hai, mehfil jam jaati hai. Meet aur Jasmeet ki khoob jugalbandi hoti hai. Sablog unke rang mein rang jaate hain. Mishti ko uneasy feel hota hai isliye Abir usey upar room mein le jaata hai.
___________________________________________