Yeh Rishta Meetha Sa ❤

Part 52 - Birthday bash!

Akshara Niwas:

Sablog dining table pe baithe khana kha rahe hote hain ki tabhi dabe paon Nannu, Siya, Ananya, Kuhu, Kunal aur Arya andar aate hain. Sanyog se Mishti, Abir aur Krish hall se peeth ghumkaar baithe hote hain.

Naitik, Muskan, Keerti aur Krishna hall se samne baithe hue thay isliye woh log inn sabko dekh lete hain. Ispe Nannu aur baaki sab unhe chupp rehne ka ishara karte hain. Kuhu aage badhke Mishti ki aankhein dhak deti hai, Kunal aur Arya Abir aur Krish ki aankhein dhak dete hain.

Abir, Mishti aur Krish akchaka jaate hain.

Abir - Arey kon hai bhai! Batao toh! Tauji, Keerti di aaplog hi bata dijiye.

Keerti - Hum nahi batayenge, khud hi pehchano.

Abir apni aankhon pe Kunal ke haathon ki narmi mehsoos kar raha hota hai lekin woh jaan boojhkar sabkuch andekha kar deta hai.

Krish - Dadu aap toh bata do!

Naitik - Sorry beta! But tumhare dadu iss baar tumhari koi help nahi kar sakte.

Krish - Haww! Aap apne eklaute pote ke sath aisa kaise kar sakte ho.

Naitik - Hatt dramebaaz!

Abir - Main toh samajh gaya ki ye kon hai lekin main chahta hoon ki Mishti inhe pehchaane.

Mishti jo kab se chup baithi thi, usne Abir ki baat ka koi jawaab nahi diya.

Abir - Mishti! Kya hua kuch bolo toh.

Ispe Mishti apna haath uthaake gardan pe rakhti hai aur "uhhhu, uhhhu" karne lagti hai.

Sabko samjha aa jata hai ki Mishti ke gale mein khana atak gaya hai, koi usey paani pilane lagta hai toh koi uski peeth thap-thapane lagta hai.

Kuhu jisne Mishti ka aankh band kar rakha tha woh turant Mishti ki aankhon par se apna haath hata leti hai aur bolti - "O my god! Ye kya ho gya aapko Mishtoo didu, I'm so sorry sab meri galti hai."

Kuhu panic ho jaati hai, usey bahut darr lagne lagta hai. Sablog ghabra jaate hain. Mishti apni aankhein ghumaakar sabko dekhti hai aur fir jorr se hasne lagti hai - "hahahahaha".

Dar-asal Mishti naatak kar rhi thi aur uski ye harkat kisi ko bhi pasand nahi aayi. Sabke chehre dekh ke Mishti apni hasi ko rokk bhi nahi paa rahi thi.

Kuhu - Ye aapne acha nahi kiya Mishtoo didu!

Mishti - Kuhu ki bachhi! Tujhe kya laga, tu mujhe surprise kar degi!

Kunal - Bhabhi hum toh surprise dena chahte thay lekin aapne toh hume shock de diya.

Siya - Ekdum mini heart-attack ke barabar tha.

Keerti - Sach!

Mishti Abir ki taraf dekhti hai jo ki kabse muh phulaakar khada tha. Abir ko Mishti ki ye harkat bilkul bhi pasand nahi aayi thi. Mishti uska gussa bhanp leti hai.

Mishti - Sorry Ajeeb Rajvansh! Main toh bas....!

Ispe Abir kuch nahi bolta, bas muh banaye khada rehta hai.

Mishti Abir ke paas jaake bade hi cute andaaz mein bolti hai - "Sorry hone wale babies ke papa, sorry!"

Abir thodi der Mishti ko dekhta hai, fir muskura kar usey hug kar leta hai.

Abir - Theek hai jao maaf kiya, lekin please aage se aisa mazaak mat karna.

Mishti - Kabhhi nahi!