Yeh Rishta Meetha Sa ❤

Part 50 - Issues in family

Akshara Niwas:

Keerti jaise hi aake uss ladke ko hug karti hai waise hi sablog hakke-bakke reh jaate hain. Keerti unn sabke chehre dekh zorr se hasti hai.

Keerti - Ye Abhi bhaiya hain, mere mama ke bete.

Naitik - Acha woh jo Dubai rehte hain.

Keerti - Jii!

Naitik - Pehli baar dekh raha hoon inhe.

Abir - Baatein hoti rahengi, pehle inhe andar toh bulao.

Abhi aage aake Naitik aur Muskan ke paon chhoota hai aur baakiyon se milta hai. Abhi ke aane se Keerti bahut khus hoti hai.
___________________________________________

Maheshwari house:

Rajshri, Vishambhar, Shaurya, Varsha, Anshu, Jasmeet, Ananya, Siya aur Nannu aangan mein baithe hain.

Rajshri - Shaurya ke bauji! Main soch rahi thi ki Mishti ki godbharai yahi rakh loon.

Vishambhar - Ye toh aapne acha socha Shaurya ki maa. Waise bhi kab se Mishti yahaan nahi aayi hai.

Nannu - Aur kitne time se ghar mein koi function bhi nahi hua. Godbharai ek acha idea hai.

Siya - Haan kitna maza aayega.

Rajshri muskurati hai.

Rajshri - Asli maza toh tab aayega jab koi mujhe pardadi bulayega.

Vishambhar - Aur mujhe pardada. Kyun Anshu? Kya aapka mann nahi hai dada ban-ne ka?

Anshu - Mann toh bahut hai lekin mere mann se kya hota hai tauji!

Jasmeet - Hum toh bas umeed laga sakte hain dada-dadi ban-ne ki.

Siya aur Nannu blush karne lagte hain.

Ananya - Arey isme sharmaane wali kya baat hai. Sablog toh baby plan karte hi hain, isme problem kya hai?

Siya - Offo! Aaplog please chup ho jaiye.

Nannu - Aur Mishti ki godbharai pe focus kariye.

Siya - Kyunki woh abhi jyada zaroori hai.

Ananya - Bhai Mishti ka baby ab aane wala hai, tumlog bhi toh kuch aisa karo ki tumhari bhi godbharai ho.

Unki baatein sunke Shaurya-Varsha sookhe bhaw se ek-dusre ko dekh rahe hote hain. Rajshri Vishambhar ko isharon se ye sab dikhati hai.

Rajshri - Waise Mishti ki godbharai yahaan ho ya wahaan! Kya farak padta hai.

Vishambhar - Haan! Kahi bhi ho bas ache se ho.

Rajshri - Yahaan nahi toh wahi sahi.

Varsha - Maa main sab samajh rahi hoon aaplog kya karne ki koshish kar rahein hain, lekin maine toh kabhi Mishti-Abir ko yahaan aane se nahi roka.

Shaurya - Agar woh dono chahe toh apni godbharai ka function yahaan rakh sakte hain, yahaan reh bhi sakte hain.

Rajshri - Lekin kya unke yahaan rehne se tum dono ke mann ko thes nahi pahuchegi?

Vishambhar - Woh dono kabhi nahi chahenge ki unki wajah se aaplog dukhi ho.

Varsha - Agar taqleef hume hui hai toh unke chahne naa chahne se kya hoga.

Shaurya - Unke yahaan naa hone se bhi humara dukh kamm toh nahi hua.

Varsha - Sab unki marzi hai, hume kya!!