Yeh Rishta Meetha Sa ❤

Part 51 - Swarna's birthday 🎂

Night:

Maheshwari house:

Sablog apne-apne kamre mein so rahe hote hain. Achanak se koi darwaza kholta hai aur 2 log ghar ke andar aate hain. Dono dabe paon upar jaake Shaurya-Varsha ke kamre ki taraf badhte hain ki tabhi room mein so rahi Varsha ko pyaas lagti hai aur woh paani lene ke liye nikalti hai. Darwaze ki khat-khatatahat sunte hi woh dono log chhip jaate hain.

Jaise hi Varsha niche jaake kitchen ki taraf badhti hai waise hi woh dono bhi dheere-dheere karke niche utarte hain. Varsha ko kisi ki aahat mehsoos hoti hai toh woh pichhe palat ke dekhti hai jahaan koi nahi hota. Varsha uss aahat ko vehem samajhke firse kitchen ki taraf jaane lagti hai.

Woh dono log turant aage aakar Varsha ke muh pe duppata rakh dete hain. Varsha jorr-jorr se chillane lagti hai - "Maa, bauji, Shaurya......Maa, bauji, Shaurya, Siya......ghar mein chor ghus aaya hai, uthiye....Shauryaaaaa!"

Varsha ki aawaz sunke sabki neend khul jaati hai, woh log daurte-bhagte hall mein aate hain aur turant saari lights jalaate hain. Sab log dekhte hain ki hall mein ek aadmi aur ek aurat Varsha ke muh pe duppata rakhe peeth ghumaakar khade hain.

Shaurya - Dekho tumlogo ko jo bhi chahiye lelo lekin Varsha ko chhod do.

Udhar se woh aadmi bhaari aawaz mein bolta hai - "Hum jo mangenge woh aaplog de nahi payenge."

Anshu - Denge lekin pehle tum bhabhi ko chhod do.

Jasmeet - Kuchh toh rabb da khayal karo aur chhad do bhabhi nu.

Vishambhar - Tumhe jo chahiye humlog sab kuch denge.

Aise hi sablog unn dono ko baaton mein uljhaa dete hain ki tabhi Nannu Siya ko ishara karta hai aur fir dheere-dheere dono Varsha ki taraf badhte hain.

Nannu jaakar uss aadmi ko pakadta hai aur Siya aurat ko. Aur phir muskurate hue Nannu aur Siya unn dono ko hug kar lete hain jo dekh kar sablog hairaan hote hain. Sabki aankhein badi ho jaati hai aur kisi ko kuch samajh nahi aata.

Sabko aashcharya toh tab hota hai jab woh aadmi aur woh aurat saamne ki taraf mudte hain. Achanak sabke chehre pe muskan aane lagti hai kyunki woh dono koi aur nahi balki Kunal aur Kuhu thay. Sablog suprise bhi hote hain aur unhe jhatka bhi lagta hai. Mahaul jaise ekdum tham sa jaata hai, sab ek-dusre ko dekhte hain lekin koi kuch bolta nahi.

Koi hal-chal mehsoos naa hone par Varsha apne muh pe pada duppatta hatati hai aur idhar-udhar dekhti hai toh usey Kunal aur Kuhu dikhai nahi dete. Tabhi usey apne paon pe kisi ki chhuan ka ahsaas hota hai toh woh niche dekhti hai aur Kunal-Kuhu ke dekh ek-pal ke liye jamm si jaati hai. Fir unn dono ko uthaake hug karti hai aur jorr se rone lagg jaati hai. Ye nazara aisa tha ki koi apne aansoon rok nahi paata.

Varsha khoob roti hai. Jasmeet toh aage badhke Kunal aur Kuhu ke kaan khichti hai jispe dono "aa, ouch" karne lagte hain.

Kuhu - Ou chachi chhodo na !

Kunal - Dird ho raha!

Jasmeet - Oye khoteyaa! Ki jroorat thi inna siyappa kaarne ki. Khamakha sabko dara diya.

Kunal - Sorry chachi, sorry sabko.

Kuhu - Hum toh bass aaplogo ko surprise dena chahte thay.

Anshu - Ye toh surprise kam shock jyada ho gaya.

Kuhu - Sorry 🙂.

Rajshri - Koi baat nahi gudiya rani, aa dadi ke gale lag jaa.

Kuhu aur Kunal aage badhke Rajshri aur Vishambhar ke gale lag jaate hain aur baaki sabse milte hain.

Ananya - Waise ek baat mujhe samajh nahi aayi....