Yeh Rishta Meetha Sa ❤

Part 69 - A surprise visit!

Hospital:

Doctor ki baat sunte hi Naitik, Anshuman aur Jasmeet ke pairon tale zameen khisak jaati hai.

Doctor aage bolta hai -
"I'm sorry lekin patient coma mein chali gayi hai".

Ye sunke unn teeno ke kaleje ko ek thandak si mehsoos hoti hai. Naitik ji toh emotional hote hue doctor ke gale lag jaate hain aur shukriya-ada karte hain.

Naitik - Thank you doctor thank you very much!

Jasmeet - Bhale hi woh coma mein chali gayi hai lekin uske theek hone ki umeed toh hai.

Anshuman - Bhagwan kare woh jaldi theek ho jayega.

Naitik - Discharge kab mil sakta hai doctor?

Doctor - Abhi hafte bhar toh woh under observation hi rahengi......aur ek baat! Kyunki ye accident case hai, isliye aap saari formalities poori kar lijiye.

Naitik - Ji doctor bilkul!

Doctor "excuse me" bolte hue wahaan se chale jaate hain. Naitik, Jasmeet aur Anshuman ek dusre ko dekhte hain.
___________________________________

Akshara Niwas:
Balcony:

Rajshri Sanju ke baalon mein champi kar rahi hain.

Sanju - Wow naani! Kitna relaxing lag raha hai. Thank you naani, thank you very much!

Rajshri - Isme thank you ki kya baat hai beta! Tu bhi toh meri bachhi hai.

Sanju Rajshri ki god mein apna sir rakhte hue bolti hai -
"I'm sorry naani! Meri ladai Tara se hui, lekin aapka dil dukhane ka mera koi haq nahi tha".

Rajshri - Na-na beta! Sab bal-gopal ki marzi thi. Waise bhi der aaye durust aaye.

Sanju (muskurate hue) - Woh toh theek hai lekin ye phrase yahaan pe kuch fit nahi hua.

Iss baat pe Rajshri bhi muskura deti hain. Sehsa woh kuch serious hote hue bolti hai -
"Tujhse ek baat puchhu beta, sach-sach batayegi"?

Sanju - Poochhiye na naani.

Rajshri - Tune aaj tak shadi kyun nahi ki beta? Kya tu ab bhi Yash se.........

Sanju unki baat kaat-te hue beech mein hi bol padti hai -
"Aisa kuch nahi hai naani! Baat bas itni hai ki koi mila hi nahi jiske sath apni life share karne ka mann kare".

Rajshri Sanju ko puchkarte hue kehti hai -
"Tu bahut himmat wali hai beta aur tera dil bhi bahut bada hai".

Rajshri ek vishwas ke sath Sanju ka matha choomte hue bolti hain -
"Beta jaise tune Naira-Kartik ko unki bachhi lautaayi hai waise hi bal-gopal tere hisse ki khusiyaan tujhe lauta denge. Unke ghar der hai, andher nahi".

Sanju (muskurate hue) - Jaise unhone aapke roop mein mujhe ek maa de di.

Dono haste hue ek-dusre ko gale lagaa lete hain.
___________________________________

Chikki's Room:

Muskan aur Chikki baithe baat kar rahe hote hain ki tabhi Chikki ki phone pe Dhruv ka call aata hai.

Muskan Chikki ko tease karte hue bolti hai -
"Umm! Hmm! Hmm! Aaj kal Chikki ke bina kisi ka mann nahi lag raha".

Chikki - Aisa kuch bhi nahi hai, baat bas itni hai ki Dhruv ne pehle koi female friend banaya nahi.

Muskan - Female friend ya girlfriend?

Chikki - Bas-bas! Ab aap ye mat bol dena ki ladka aur ladki kabhi dost nahi ho sakte.