Evening:
City hospital Udaipur:
Yash, Mansi aur Anmol pareshan se OT ke baahar baithe hain. Kisi ke aane ki aahat hoti hai toh teeno uth khade ho jaate hain. Ye Naksh aur Sanju thay jinhe dekh Yash bahut emotional ho jaata hai.
Naksh - Kya hua Yash? Tune urgently hume yahaan bula liya... sab theek hai na?
Naksh sawal pe sawaal kiye jaa raha tha lekin Yash bina kuch bole Naksh ko hug karke rone lagta hai.
Yash ko aise dekh Sanju, Mansi aur Anmol ki aankhein bhi bhar aati hai.
Naksh - Tu chup ho jaa Yash! Bol na kya hua hai?
Mansi (sisakte hue) - Doctor ne.....kahaa hai...ki...
Sanju - Kya kahaa doctor ne?
Anmol - Ki bhabhi aur baby mein se kisi ek ko hi bachaya jaa sakta hai.
Anmol ki baat sunke Sanju aur Naksh ki aankhein badi ho jaati hain.
Naksh Yash ko hausla dete hue bolta hai -
"Shant ho jaa Yash. Sab theek ho jayega, Rose aur baby dono theek rahenge".
Sehsa OT ka darwaza khulta hai aur ek nurse baahar aati hai.
Yash (unke paas bhagte hue) - Kya hua sister? Rose theek hai na? Kya baby..........?
Nurse - Abhi kuchh keh nahi sakte, reh-rehke patient ka BP fluctuate ho raha hai... aise mein C-section karna bhi risky hai.
Itna bolkar nurse wahaan se chali jaati hai. Yash mandir ki taraf bhaagta hai, Anmol uske pichhe jaana chahta hai lekin Naksh usey rok deta hai.
Naksh - Kuch der usey akela chhod de Anmol!
Mandir:
Yash (bhagwan ke saamne aake) - Kehte hain aapki marzi ke bina ek patta bhi nahi hilta bhagwan, toh kya ye sab aapki marzi hai. Bachpan mein mujhe anath kar diya, jo parivaar mila usse itne saal door kar diya, Mohit papa ko bhi mujhse chheen liya aur ab ye....!
Sanju aake kuchh door chup-chaap khadi ho ye sab dekhne lagti hai. Woh aaj bhi Yash se pyar karti thi isliye Naksh ke manaa karne ke bawajood woh idhar chali aayi thi. Apne pyar ko iss qadar taqleef mein tadapte dekhna Sanju ke liye bahut mushkil ho raha tha. Woh khud ko rokne ki bahut koshish kar rahi thi, lekin uska pyar uspe haawi ho raha tha.
Yash (bhagwan ke samne) - Yun zinda rakhke thoda-thoda marne se achaa ek baar mein hi khatam............
Sanju aake Yash ke muh pe hath rakhte hue bolti hai -
"Please aisa mat kaho Yash! Tum dekhna Rose aur baby dono theek rahenge".
Sanju ki baat sunke Yash emotional hote hue ek-jhatke ke sath usey hug kar leta hai aur rone lagta hai.
Sanju uski peeth thap-thapate hue bolti hai -
"Sab theek ho jayega Yash! Sab theek ho jayega".
Sanju Yash ki peeth sehlaane lagti hai. Thodi der baad Yash ko ahsaas hota hai aur woh apni aankhein kholta hai. Sehsa dono dekhte hain ki ek taraf se Mansi-Anmol-Naksh aur dusri taraf se Naira-Kartik unn dono ko dekh rahein hain.
Dono ek-dusre ko chhod dete hain, isse pehle ki koi kuchh bolta; ek nurse aakar kehti hai -
"Aaplog jaldi chaliye, quick".
Nurse ki baat sunte hi sablog labour room ki taraf daur padte hain.
--------------------------------------------------------------
Sablog baahar khade hain, doctor nikalte hain.
Yash (bechain sa) - Kya hua doctor? Aapne hume turant yahaan kyun bulaya?
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
