Agarwal house poora decorate kiya hua hai. Ek taraf Mansi baithi mehndi ke cones laga rahi hai toh dusri taraf Keerti sabke khane-peene ka intzaam dekh rahi hai. Sab kuch na kuch kaam kar hi rahe hain. Ansh aur Krish Rose ke paas baithe uska mann behla rahein hain. Nandini hall mein aati hai.
Nandini - Saari taiyyariyan ho gayi?
Mansi - Haan maa! Sabkuch toh ho gaya. Ab bas sabke aane ki der hai.
Keerti - Arey ye dekho! Ye Rose abhi tak yahi baithi hai. Kya tum ready nahi ho-ogi? Aaj tumhara baby shower bhi hai.
Mansi - Haan didi! Chaliye main ready hone mein aapki help kar deti hoon.
Mansi Rose ko lekar chali jaati hai. Keerti Rose aur Mansi ko dekh kar muskurati hai.
Nandini - Keerti beta! Zara dekho toh Riddhi-Siddhi ready hui ya nahi.
Keerti - Main dekhti hoon.
Keerti bhi wahaan se chali jaati hai. Nandini ko Anmol ki aawaz sunai padti hai - "maa"
Nandini gate ki taraf dekhti hai toh wahaan Anmol Koyal ke sath khada hota hai. Nandini aur Koyal kuch der toh yun hi ek-dusre ko dekhte rehte hain. Fir Koyal aage badhke Nandini ko hug kar leti hai aur dono nanad-bhabhi rona shuru kar dete hain. Ansh aur Krish bhi wahaan aa jaate hain. Koyal "bhabhi" bolkar ek nazar Nandini ko dekhti hai aur firse rone lagti hai.
Koyal - Bhabhi! Maine kabhi nai socha tha ki main aapko aise dekhungi. Main toh aisi abhagan hoon jo apni maa aur bhai ka mrit chehra bhi nahi dekh pai.
Nandini - Shant ho jao Koyal. Shadi ke shubh avsar pe aisi baatein nahi karte.
Koyal - Lekin inn aansuon ka main kya karoon bhabhi, yeh toh rukne ka naam hi nahi lete.
Ansh - O God! So dramatic.
Krish - Aap sablog har jagah rona kyun shuru kar dete ho?
Ansh - Bhaaakk!
Ansh ke muh se aisi baat sunke Anmol, Nandini aur Koyal ko bada tajjub hota hai.
Koyal - Yeh dono kon hain?
Ansh - Myself Ansh Agarwal.
Krish - And I'm Krish Singhania.
Koyal (looks at Ansh) - Acha! Mtlb tum Anmol ke bete ho.
Ansh - Yesss!
Koyal (looks at Krish) - Aur tum Naitik bhaiya ke pote.
Krish - Haan! Aap jaante ho mere dadu ko?
Krish ka aisa sawal sunkar Anmol, Koyal aur Nandini muskura dete hain.
Koyal - Main kaise nahi janungi. Mere bhai Mohit aur tumhare dadu Naitik best friends thay.
Nandini - Sach! Ek zamane mein mash-hoor thi dono ki dosti.
Anmol - Yeh toh aapne bilkul theek kaha maa.
___________________________________________
Goenka Villa:
Kaira's room:
Naira ne ek bada hi pyara sa sky blue colour ka gown pehna hai jisme woh pariyon se bhi jyada khoobsurat lag rahi hai. Kartik toh usey dekhte hi lad-khada jaata hai aur aahein bharte hue dil pe haath rakh leta hai.
Kartik - Haaye!
Naira Kartik ko dekh kar muskurati hai. Kartik daur kar aata hai aur Naira ko apni baahon mein jakad leta hai.
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
