Yeh Rishta Meetha Sa ❤

Part 47 - Keerti grows suspicious

Night:

Rajkot!

Akshara Niwas:

Keesh' room!

Keerti akele apne kamre mein baithi Naksh ko yaad kar rahi hoti hai ki tabhi uska phone bajta hai, Keerti dekhti hai ki Naksh ka video call aa raha hai. Keerti turant call receive karti hai.

Naksh - Happy Holi Keerti ji!

Keerti - Happy holi to you too Naksh!

Naksh - Sorry din mein call nahi kar paaya 😔.

Keerti - Koi baat nahi Naksh!

Naksh Keerti ki udaasi bhaanp leta hai.

Naksh - I'm sorry Keerti ji! Maine holi pe wahaan aane ki bahut koshish ki lekin main jis kaam ke liye aaya tha woh kaam ab tak poora hi nahi hua.

Keerti - Sorry mat boliye Naksh! Kaam zaroori hoga tabhi toh aap Switzerland gaye hain. Main toh bas aapko thoda miss kar rahi thi.

Naksh - I miss you more Keerti ji! Main jald se jald aane ki koshish karunga.

Keerti - Okay!

Naksh - Ab smile kar dijiye 😊 warna mera mann nahi lagega.

Keerti smile kar deti hai. Achanak koi Naksh ke room ka darwaza khat-khatane lagta hai, kisi ladki ki aawaz aati hai - "Open the door".

Woh ladki darwaza khat-khatate hue bolti hi jaa rahi thi. Uski aawaz itni tej thi ki Keerti ko bhi sunai de gayi. Naksh jaldi-jaldi mein "bye" bolke phone rakh deta hai aur darwaze ki taraf jaata hai. Idhar Keerti soch mein padd jaati hai.

Keerti - Ye kiski aawaz thi? Aakhir itni raat ko kon si ladki Naksh se milne aayi hogi. Kahi Naksh.......!

Keerti turant apne kaleje pe hath rakh leti hai aur bolti hai - "Nahi-nahi! Main apne Naksh ko jaanti hoon, woh mujhse bahut pyar karte hain."
__________________________________________

Switzerland!

Hotel room!

Naksh darwaza kholta hai toh dekhta hai ki saamne ek ladki khadi hai. Naksh ko dekhte hi woh uske gale se lipat jaati hai aur bolti hai -
"Long time dude! I missed you very much".

Naksh bina kuch bole usey khud se alag kar deta hai. Woh ladki koi aur nahi balki Sanju thi, Naksh ki best friend aur Yash ka pehla pyaar. Woh Naksh ko upar se niche tak dekhti hai.

Sanju - Wow dude! Tu kitna badal gaya hai.

Naksh - Lekin tu bilkul waisi hi hai.

Sanju muskura deti hai.

Naksh - Main tujhse bahut naraaz hoon Sanju!

Sanju - Lekin kyu? Konsa maine teri tizori loot li hai.

Sanju ke aise jawaab pe Naksh ki bhaunhe uchak jaati hai.

Naksh - Seriously Sanju!! Tu itne saalon tak kahaan thi? Tune apna phone number change kar lia, social media accounts deactivate kar liye, aakhir kyu kiya tune aisa? Aur tu Switzerland kab shift hui?

Sanju kuch nahi bolti.

Naksh - Haan mujhe kyun batayegi! Kon sa main tera best friend hoon! Ab tak toh tune kisi aur ko bff bana lia hoga.

Sanju - Shut up Nikk!......Shut up! Tune ye socha bhi kaise ki maine teri jagah kisi aur ko de di hogi.

Naksh - Toh fir kya sochu main! Kitne saal baad tu mili hai mujhse. Tujhe pata bhi hai maine tujhe kitna aur kahaan-kahaan dhoondha hai!