Udaipur Hospital:
Kartik, Naira aur Shubham reception pe jaate hain.
Kartik - BLOOMING GARDEN school ke bachhon ko yahi admit kiya gaya hai na?
Receptionist - Yes sir!
Ek nurse aakaar bolti hai -
"Aaplog mere sath aaiye, main unke paas leke chalti hoon aapko".
Kartik, Naira aur Shubham nurse ke pichhe-pichhe chalne lagte hain, teeno ke dil mein bechaini si ho rahi thi. Chalte-chalte Naira ko hospital ka mandir dikhta hai aur woh rukk jaati hai.
Shubham - Kya hua bhabhi?
Naira - Tumlog chalo, main mandir mein diya jalaake aati hoon.
Kartik aur Shubham chale jaate hain, Naira mandir mein jaakar diya jalaati hai aur prarthna karne lagti hai -
"Humare bachhon ko sahi-salaamat rakhna prabhu, ek tera hi sahara hai".
Naira apne aansu pochhte hue wahaan se chali jaati hai aur mandir ka diya bujh jaata hai.
Udhar Nurse Shubham aur Kartik ko wahaan le jaati hai jahaan saare bachhe admit thay. Sehsa unki nazar deewar pe chipkaye uss list par padti hai jisme died bachhon ke naam thay.
List dekhte hi unke pairon tale zameen khisak jaati hai, Shubham jod se chillata hai -
"Naiiiii............."
Kartik (chillate hue) - Kyun Krishna ji.....kyunnn!
Unki aawaz sunte hi Naira jhatakte hue unke paas aati hai aur list dekhte hi zameen par baith jaati hai.
Naira (rote hue) - Ye kya kar diya Ganga maiyaa aapne!
_____________________________________
Rajkot Hospital:
Hospital mein kaafi chehel-pehel hai. Abir-Kunal hospital ke saare staffs ko neg de rahein hain. Doctor aake kehte hain -
"Mishti ji ko hosh aa gaya hai".
Ye sunte hi sablog andar jaane lagte hain. Tabhi doctor unhe tokte hue bolte hain -
"Aaram-aaram se jaaiye".
Abir - Ji doctor!
Fir sablog smile dete hue andar jaate hain. Mishti ek takiye ke sahare paon failaakar baithi hui hai. Woh sabko dekh-kar muskurati hai. Abir aur Kuhu dono bacchon ko Mishti ke paas (dono taraf) rakh dete hain. Mishti kuch pal unn dono ko nihaarti rehti hai.
Abir - Mishti tumhe pata hai, ek ladka.....
Mishti - Aur ek ladki hui hai.
Abir sawaliya nazron se usey dekhta hai. Muskurate hue Mishti bolti hai - Doctor ne bataya!
Mishti (Kuhu ko dekhte hue) - Tu yahi chahti thi na! Teri wish poori kar di Kanha ne.
Kuhu ki aankhein khusiyon se chhalak rahi thi. Woh halke se Mishti ko hug karte hue boli -
"Thank you didu! Thank you".
Mishti uske maathe pe haath fer deti hai.
Kuhu emotional hote hue kehti hai -
"Didu! Ye dono bachhe aapke hain aur dono mere hain, hum dono milke inhe paalenge".
Mishti - Haan Kuhu haan!
Mishti ki bhi aankhein bhar aayi thi lekin uske hotho pe khusiyon se bhari muskan bhi thi.
Kuhu - Aap inhe feed karna aur main nappy badal dungi.
Mishti - Main bolna sikhaungi aur tu ungli thaam ke chalaana.
Kuhu - Aap padhai karaana aur main khel khilaungi.
Mishti - Main nashta banaungi aur tu school chhod aana.
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
