Goenka Villa:
Goenka villa mein bhag-dar machi hui hai. Charo taraf chehel-pehel ka mahaul hai. Ek taraf deewarein sajai jaa rahi hai toh dusri taraf pooja ki taiyaari ho rahi hai. Kitchen mein puri-pakwan banayein jaa rahein hain aur shor itna ho raha hai ki maano ab chhat gir jaaye. Ye saara bawaal ho raha hai kyunki aaj Luv aur Kush ka tilak hai. Aur 2 din mein shadi hai, mahashivratri ke din. Bas ab aur koi siyappa na ho jaaye. Ye saara hungama sun kar Suhasini hall mein aati hai aur apne dono haath dono kaano par rakh ke jorr se chillati hai -
"Bass! Bass! Bass!"
Ye sunke sab koi daur kar hall mein aate hain.
Manish - Kya hua maa?
Akhil - Aap itni jorr se kyun chillai?
Tejaswini - Tum theek toh ho na Babli?
Suhasini - Arey hum toh theek hain par tumlog ye kaam kar rahe ho yaa shor macha rahe ho. Aisa lagta hai kaano se khoon nikal aayega.
Swarna - Maaji hum shor kahaan macha rahein hain!
Surekha - Hum sab toh shadi ki taiyaari mein lage hain.
Gayu - Humare paas waqt hi kahaan hai dadi?
Suhasini - Woh sab hum nahi jaante. Tumlog shanti se kaam karo. Hume mat sikhao.
Shubham - Ji daadi!
Suhasini - Naira tumne Keerti aur jamai sa ko toh bata dia hai na.
Naira - Ji dadi! Bata toh dia hai lekin .....!
Suhasini - Lekin kya?
Kartik - Lekin Naksh Switzerland gaya hai toh woh nahi aa payega.
Naira - Aur Keerti bhabhi bhi shayad Koyal bua ki taraf se aayein.
Tejaswini - Ye toh hotch-potch ho gaya. Kon ladkewale hain aur kon ladkiwale?
Kartik - Sab ek hi hai maasi dadi.
Surekha - Waise Mishti-Abir bhi aayenge na?
Naira - Maine bol toh sabko dia hai, aage unki marzi.
Suahsini (mann mein) - Naa aaye toh hi acha hnhh.
__________________________________________
Akshara Niwas:
Naitik hall mein baithe kuch kaam kar rahein hain. Chikki unke paas aati hai. Kuch der Chikki chup-chap khadi rehti hai aur Naitik kaam mein lage rehte hain. Fir Naitik Chikki ki taraf dekhte hain.
Naitik - Kya baat hai Chikki? Main dekh raha hoon tum kabse khadi ho.
Chikki - Woh actually bhaiya.....!
Naitik Chikki ko dekhte rehte hain toh Chikki kuch pal chup ho jati hai.
Naitik - Bolo Chikki.
Chikki aankh band karke shuru ho jaati hai.
Chikki - Bhaiya woh actually main chahti thi ki aap ek baar Yuvraj se baat kar lo. Please bas ek baar. Please 🙏🏻.
Naitik - Pehle tum shant ho jao aur baitho.
Chikki Naitik ke bagal mein baith jaati hai. Pehle Naitik usey paani pilate hain.
Naitik - Phone lagao Yuvraj ko.
Chikki Yuvraj ko phone lagati hai.
Yuvraj - Namaste bhaiya!
Naitik - Namaste! Kaise ho tum?
Yuvraj - Main theek hoon bhaiya. Aap kaise ho?
Naitik - Hum bhi ache hain. Kaho! Kya kehna chahte ho?
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
