Yeh Rishta Meetha Sa ❤

Part 38 - Happy times for Goenkas!

Next morning:
Akshara Niwas:

Keerti Naksh ka saaman pack kar rahi hai. Naksh gaur karta hai ki woh thodi si udaas hai toh Naksh usey hug kar leta hai.

Naksh - I'm sorry Keerti ji! Lekin mera Switzerland jaana bahut zaroori hai.

Keerti - Lekin Naksh aap ye toh bataiye ki baat kya hai?

Naksh - Main wahaan se aakar aapko sab bataunga Keerti ji! Aapko mujhpe bharosa hai na....?

Keerti - Khud se bhi jyada Naksh!

Keerti Naksh ko jorr se hug kar leti hai. Krish ki aawaz aati hai - "Mumma! Papa!"

Krish ki aawaz sunte hi dono ek-dusre ko chhod, gate ki taraf dekhte hain toh Krish aa raha hota hai. Woh daur kar aata hai aur Naksh ko hug kar leta hai.

Krish - I'll miss you papa.

Naksh - I'll miss you too beta.....Acha! Krishna se no fight 🚫.

Ye sunkar Krish muh bana leta hai

Krish - Kya papa! Ab toh main usey kuch bolta bhi nahi!

Naksh smile karta hai aur pyar se Krish ke gaalon ko chhoota hai.

Naksh - Just kidding beta!

Keerti mann-hi-mann bolti hai -
"Naksh! Mujhe aapke upar koi shaq nahi hai lekin aakhir aisi konsi baat hai jisse aap itne pareshan hain ki apni Keerti ji se bhi share nahi kar paa rahein"
__________________________________________

Goenka Villa:

Manish, Akhilesh, Swarna, Surekha, Gayu, Shubham, Kartik, Naira, Luv, Kush aur Tejaswini sab hall mein baithe hain. Sab ke chehre par ek hi lakeer hai.....chinta ki lakeer. Aur ho bhi kyun na, Suhasini ab tak apne room se bahaar nahi aayi thi. Sab ek-dusre ko dekh rahein hain lekin koi kuch bol nahi raha. Shururat kare bhi toh kon....!

Itne saare logon ke hone ke bawajood bhi poore hall mein sannatta chhaya hua hai lekin achanak hi uss sannatte mein koi aawaz sunai padti hai, ye kisi ke pairon ki aawaz thi jise sun sablog sidhiyon ki taraf dekhte hain toh Suhasini aati dikhai padti hai. Aaj toh uska rang hi badla hua tha, usne ek safed sooti saree pehen rakhi thi, sir pe pallu bhi nahi lia tha aur naa hi koi jewellery ya makeup pehen rakha tha. Uski aankhein soojhi hui malooom padti hai aur aadhe se jyada baal safed. Woh hall mein aati hai aur Swarna ki taraf dekhti hai......!

Suhasini - Swarnaaaaaaaaaa!

Swarna - Haan.......Haan maaji!

Suhasini - Humne kaha tha na ki humara hair dye khatam ho gaya hai, tumne mangwaya nahi?

Swarna - Arey.....! Dhyan se utar gaya. Aaj hi mangwa dungi.

Suhasini - Rehne do! Hum khud mangwa lenge. Tum sab toh khud mein hi itne busy rehte ho ki humara khayal kisko aaye..... hnhhh! 

Naira - Aisa nahi hai dadi....!

Suhasini - Aisa hi hai Naira! Tum sab toh chahte hi ho ki hum apne hi poton ki shadi mein pheeke padd jaayein...!

Naira - Aisa bilkul bhi nahi hai daa.....di! Kyaaa.... kya kaha aapne?

Gayu - Poton ki shadi?

Kartik - Yahi kahaa na aapne dadi?

Suhasini kuch pal sabko dekhne ke baad smile karne lagti hai aur haan mein sir hilati hai jise dekh Luv daur kar aata hai aur Suhasini ko hug kar leta hai. Baaki sab bhi khush ho jaate hain. Surekha daur kar jaati hai aur mithaai le aati hai. Fir sabka muh meetha karwati hai.