Yeh Rishta Meetha Sa ❤

Part 103 - Three functions in one day😍

Morning:

Keerti baagiche mein phool tod rahi hoti hai tabhi friends group walk se wapis aate hain.

Prashasti - Yahaan pe ab bhi sab so rahein hain kyaa?

Keerti - Haan lekin main jaag rahi hoon. Aaplog jaake fresh ho jaaiye.

Sab Keerti ki baat maanke andar chalein jaate hain. Pichhe se Keerti bhi aakar phooldaan mandir mein rakh deti hai, fir fresh hone chali jaati hai.

Thodi der baad ek ladki jisne orange colour ka suit pehna hua tha aur khule geele baal thay, woh maa bhavani ke mandir mein aakar pooja karte hue tejj aawaz mein prabhati gaane lagti hai.

"Pawan prabhati jag ko jagati
Bhanwre bhi karte hain gunjan
Pankh pasaare ude pakheru
Sindoori-sindoori aangan..
Mangal-mangal bela mangal
Saurav-saurav saara bhoowan..."

Uski aawaz ki tankaar se sabki neend khul jaati hai.

Buadadi - Je kiski aawaz hai..?

Naitik - Kon gaa raha hai?

Rajshekhar - Badi madhur aawaz hai..

Mandir mein Kinjal thi jo apni madhur aawaz se poori haveli mein suron ki chhata bikher rahi thi.

"Main bawariyaa sudh-budh bhooli
Mujhko laage teri lagan...
Tere dware sanjh sakha re
Tera naam jape mera mann..."

Sablog dheere-dheere karke mandir mein ikathha ho jaate hain, woh sab jaan-na chaah rahein thay ki aakhir ye hai kon. Jaise hi Kinjal pooja khatam karke pichhe mudti hai, sab usey dekhte hi reh jaate hain.

Yuvraj bhi niche aa raha hota hai tabhi usey Chikki ki aawaz sunai deti hai woh bhi bhajan gungunatey hue. Sehsa woh gate par hi rukk jaata hai aur muskurate hue Chikki ko dekhne lagta hai.
Chikki usey dekhte hi chup ho jaati hai.

Yuvraj - Arey chup kyun ho gayii??

Chikki - Main bol hi kab rahi thi..?

Yuvraj - Gunguna toh rahi thi...

Chikki - Apne liye..!

Yuvraj - Ab toh zindagi bhar tum mere ghar mein aise hi subah-subah aarti gaogi..

Chikki - Humare ghar mein...

Yuvraj - Wahi..

Chikki dekhti hai ki Bhoomika idhar-udhar nazrein ghumate hue aa rahi hai, woh jhat se Yuvraj ko andar kheechkar darwaza band kar deti hai.

Yuvraj - Arey kya huaa..?

Chikki - Kuchh nahi, bas tumhe hug karne ka mann ho raha.

Uski baat sunte hi Yuvraj usey bade hi pyar se apni baahon mein bhar leta hai.
--------------------------------------------------------------

Mandir:

Naira (Kinjal ke paas jaate hue) - Wow Kinjal di! Kitna sundar gaati hain aap.

Kinjal - Thank you Naira.

Keerti - Lekin tumhe toh inn sab cheezon ka shauk nahi tha....kahaan se seekha??

Kinjal - Woh actually maine apni mum....

Rakhi (beech mein hi) - Mujhse seekha, apni mom se.

Kinjal (Rakhi ko dekhte hue) - Hmm..!

Keerti ko ye cheez thodi ajeeb lagti hai.
--------------------------------------------------------------

Bhoomika corridor mein ghumti hui bolti hai -
"Pata nahi ye Manik kahaan reh gayaa...."