Maheshwari house:
Sablog hall mein baithe hue hain. Nannu reports lekar aata hai jise dekh sab uth khade hote hain...
Siya (tension mein) - Reports mein kyaa aaya??
Rajshri - Tu chinta kyun kar rahi hi betaa... Sab theek hoga.
Vishambhar - Hai na Nannu..?
Nannu - Nahi bade dadu, kuchh bhi theek nahi hai.
Rajshri - Kya baat hai betaaa?
Nannu (rude hokar) - Aaj se aap meri badi dadi nahi hain.....
Uske aisa bolne se sabki shaklein bann jaati hai..
Anshuman - Nannu! Ye kya tareeka hai dadi se baat karne ka.
Nannu - Maine kahaa na aaj se woh meri badi dadi nahi hain.......
Nannu ki baat se sab hairaan thay, woh aage bolta hai -
".....Kyunki ab woh pardadi ban-ne wali haiii"
Nannu hasne lagta hai.
Rajshri - Nahi-nahi beta aisa bol.........kya kahaa tune....???
Nannu Rajshri ko pakadte hue bolta hai -
"Haan badi dadi! Aap pardadi ban-ne wali hain, Siya pregnant hai..."
Ye sunke sablog khus ho jaate hain...Nannu Siya ke paas jaake usey hug kar leta hai.
Jasmeet - Main dadi...
Anshuman - Aur main dada....
Varsha - Main badi dadi...
Shaurya - Main bade dadu....
Vishambhar - Nannu-Siya...beta aap dono ne toh ek-jhatke mein humara promotion karaa diyaa...
Ye sunke dono muskurate hain tabhi Ananya Siya ke kaan mein bolti hai -
"Are you sure ek hi jhatke mein....?"
Uski baat sunke Siya nazrein fer leti hai, Ananya hasne lagti hai. Jasmeet khusi ke maare Nannu aur Siya ki balaiyaan leti hai aur dono ko hug kar leti hai.
Ye pehli baar tha jab Siya ko usne gale lagaya tha, Siya bhi khusi ke maare phoole nahi samati hai. Anshuman bhi unke group hug mein shaamil ho jaata hai.
Varsha - Aaj toh Jasmeet ye bhi bhool gayi ki woh Siya ki saas hai.
Rajshri - Dadi ban-ne ka sukh hi aisa hai ki uske pichhe log sab kuch bhool jaate hain.
Nannu-Siya sabka aashirwad lekar ant mein Omkar-Sunaina ki tasveer ke saamne diya jalaakar unhe pranam karte hain.
_____________________________________
Evening:
Goenka Villa:
Manish, Swarna aur Suhasini hall mein baithe hain.
Manish - Poora ghar khali ho gaya hai maa... koi Bhopal chala gaya toh koi Rajkot, bas hum ghar mein akele reh gayein.
Suhasini - Budhapa aisi cheez hoti hai...jo jeevan ke sach ka ahsaas kara deti hai.
Manish - Sach keh rahi hain maa aap....
Woh log baat kar hi rahein hote hain ki tabhi darwaze pe kisi ko dastak hoti hai, ek aadmi apne haath mein bada sa dabba liye andar aakar bolta hai -
"Manish sir! Ye bann gayi aapki photo frame.."
Manish - O Acha-acha! Isey rakh do aur tum jaao.
Woh aadmi waisa hi karta hai.
Suhasini - Ye konsi photo frame hai?
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
