Yeh Rishta Meetha Sa ❤

Part 96 - Yuvraj-Chikki get engaged 💍

Gate pe nazar padte hi sabki bhaunhein uchak jaati hain... Ye koi aur nahi balki Rajshri aur Abir thay. Naira unke taraf badhti hai lekin Keerti ko unke paas jaate dekh woh apne kadam pichhe kar leti hai..

Keerti Abir ke paas jaakar uske kaan khichte hue bolti hai -
"Kon hai tu... Yahaan kya kar raha hai? Naksh dekhiye toh koi chor ghus aaya hai kyaa?"

Naksh - Pitaai karo koi iski....!

Abir (kaan chhudate hue) - Chhodo na di! Dekho mere kaan laal ho jayenge.

Keerti - Haan toh ho jaane de.

Naksh - Tumhari galti bhi bahut badi hai..

Naitik - Vidaai ke baad toh yahaan ka rasta hi bhool gye tumlog...

Kartik - Aur-toh-aur aaj bhi akele aaye ho.. na pretty lady ko laaye, na bua ko, Kuku bhi nahi...

Abir - Bhai aap toh khud...

Keerti - Tu uski chhod aur apni bataa....

Abir - Badi maa aap toh kuchh....

Rajshri - Nahi-nahi beta main kuchh nahi bolungi.

Abir (masoom bante hue) - I'm really sorry tauji aur baaki sabko bhi sorry... Sach mein humse bahut badi galti ho gayi.

Keerti - Chal galti maan raha hai toh main maaf kar deti hoon...andar chal...aaiye naani.

Keerti Abir aur Rajshri ko andar le aati hai. Kartik-Naira aake Rajshri ko hug kar lete hain.. Chikki aur Yuvraj usey namaste karte hain..

Rajshri Yuvraj ko dekhkar soch mein padd jaati hai....lekin fir turant hi woh Chikki ki balaiyaan lete hue bolti hai -

"Aaj toh meri bestfriend ki sabse chhoti aur sabse laadli beti ki sagai hai... Gayatri behen agar zindaa hoti toh......"

Woh bolte-bolte chup ho jaati hain, Chikki unka haath thaamte hue kehti hai -
"Maa nahi hai toh kya hua, woh apne roop mein aapko chhod kar gayi hain... aap bhi toh meri maa jaisi hi hain.."

Rajshri (emotional hote hue) - Maa jaisi nahi! Main maa hi hoon.

Itna sunte hi Chikki uthke unhe hug kar leti hai... Devyani ye sab dekhkar nirasha se apna sir jhuka leti hai, Rajshekhar ji uske kandhe pe hath rakhte hue apni palkein jhukaa dete hain.

Keerti kahi jaa rahi hoti hai tabhi Abir usey rokta hai...
- "Keerti di suniye naa.....mujhe aapse ek kaam tha..."

Keerti - Bolo na Abir...

Ab Abir aage bolta usse pehle Rajshri aa jati hai -
"Tu apni baat baad mein bolna Abir....pehle Keerti ko mere sath jaane de..."

Abir muh bana leta hai..

Keerti (muskurate hue) - Bad luck bro...aati hoon.

Keerti Rajshri ke sath kitchen ki taraf chali jaati hai.

Naira (Abir ke paas aakar) - Bolo Abir kya baat hai... Koi help chahiye toh....

Abir - Arey nahi-nahi bhabhi....

Naira - Lekin abhi toh tum Keerti di se...

Muskan - Rehne do Naira, koi fayda nahi hai..

Naitik - Uski aur Keerti ki apni baatein hoti hain, kabhi call bhi karta hai toh Keerti ko hi karta hai..

Abir (offend hote hue) - Lekin baat toh main sabse karta hoon....

Naksh - Lekin call toh tum usey hi karte ho..

Abir - Haannnn...kyunki mujhe humesha se ek behen chahiye thi aur Keerti di meri badi behen hai...