Yashika thaali pe likha hua name padhte hue kehti hai - "Kairaaaa, ye kon hai?"
Uski baat sunte hi sab uth khade ho jaate hain.
Yashika Sanju ke samne jaake uska hath pakadte hue kehti hai -
"Mumma! Kya mera name Kaira hai? Kya iss pooja ki wajah se mera naam badal gaya? Kya main ab aapki Yashika nahi rahi?"
Yashika ki baaton se sabka dil chhalli ho raha tha. Video call pe dekh rahe Akshara Niwas ke sabhi log emotional ho gaye.
Sanju Yashika ko apni taraf kheechte hue kass ke usey gale laga leti hai. Woh apne aansuon ko rokk nahi paati.
Lekin jaise hi uski nazar Naira-Kartik pe padti hai, woh turant apne aansoon poochte hue Yashika se kehti hai -
"No baby! Aap meri Yashika hi ho aur humesha rahogi, lekin aapke parents ne aapka new name Kaira rakha hai aur ab Kaira hi aapka official name hoga".
Ye sunte hi Naira-Kartik thode hairaan se ho jaate hain.
Naira - Nahi Sanju didi! Iska official name Yashika hi rahega.
Sanju - Nairaa! Kam-se-kam meri bachhi ki ek cheez pe toh sirf mera haq rehne do. Maine iska name Yashika rakha tha aur sirf main hi isey Yashika bulaungi aur koi bhi nahi.
Kartik aur Naira aage aake Sanju ko hug karte hue "thank you" kehte hain.
Sanju unki peeth thap-thapa deti hai aur apne bagal mein khadi Yashika ka hath unke hath mein dete hue kehti hai -
"Aaj se ye Kaira hui! Kartik aur Naira ki Kaira".
Akshara Niwas mein baithe saare log taaliyan bajaane lagte hain. Unke taaliyon ki gar-garahat itni tej thi ki poora Goenka Villa goonj uthta hai.
Goenka Villa meri khade saare log tv screen pe dekhne lagte hain. Jaise hi Keerti aur Sanju ki nazar takraati hai, dono ek-dusre ko kuch der dekhte rehte hain.
Naitik ji Naira ko dekhte hue kehte hain - "Congratulations princess!".
Naira - Thank you papa! Thank you everyone!
Naitik - Ab tumlog jao aur bhagwan ka aashirwad lo. Baad mein baat karte hain.
Kartik - Bye papa! Bye everyone 👋🏻👋🏻!
Shubham call disconnect kar deta hai. Suhasini pandit ji ko dakshina dekar unhe vida kar deti hai aur fir sablog mandir mein jaate hain
Sablog bhagwan ke aage hath jod lete hain aur mann-hi-mann prarthna karne lagte hain.
Kartik - Krishna ji! Badi hi mushkilon ke baad humari bachhi hume mili hai, ispe apni krupa-drishti banaye rakhiyega.
Naira - Ab kabhi humari bachhi humse door na ho aur hume jaldi se apnaa le.
Sanju - Yashika ko humesha khus rakhiyega Kanha ji! Mujhe aur kuch nahi chahiye.
Sablog bhagwan ko pranam karte hain.
Yashika Naira ko dekhte hue dheere se kehti hai -
"Main samajh gayi ki mera new & real name Kaira hai".
Yashika ki baat pe sab muskura dete hain. Woh aage kehti hai -
"Lekin main aapko kya bulaun? Mumma toh sirf main apni mumma ko bolti hoon".
Yashika ke maasom se sawaal pe sab soch mein padd jaate hain.
Naira khud ko sambhalte hue kehti hai -
"Ummm! Sochne wali baat toh hai. Lekin agar aap chaho toh aap mujhe 'maa' bula sakte ho aur Kartik ko papa".
Ispe Yashika ek nazar Sanju ko dekhti hai toh Sanju haan mein sir hila deti hai.
Fir Yashika Naira aur Kartik ko dekhte hue kehti hai - "Okay!...... maa-papa".
YOU ARE READING
Yeh Rishta Meetha Sa ❤
Fiksi PenggemarThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
