Tejaswini girne hi waali hoti hain ki tabhi koi aake unka haath pakad leta hai. Sablog rukk jaate hain aur unhe dekhne lagte hain.
Tejaswini khud ko sambhalte hue jab upar dekhti hain toh woh samne Yashpal ko paati hai jinhone unhe girne se bachaya tha.
Ek-dusre se nazar takraate hi Tejaswini aur Yashpal ke chehre sihar se jaate hain, unn dono ko kuch samajh hi nahi aata. Aisa lagta hai maano waqt rukk sa gaya ho.
Tejaswini aur Yashpal toh jaise khade-khade moorti ban gaye, woh dono samajh hi nahi paa rahe thay ki react kaise kiya jaaye. After all, kitne saalon baad dono ka aamna-saamna hua tha.
Naira-Kartik iss baat ko gaur kar lete hain, lekin sabke saamne kuchh nahi bolte.
Abir kuch sochte hue bolta hai - "Thanks Nanu! Aapne dadi ko girne se bacha liyaa".
Yashpal Abir ki baat sunte hi Tejaswini ka hath chhod dete hain. Tejaswini bhi khud ko sambhalne ki koshish karti hai.
Yashpal ji Abir ki taraf sawaaliya nazron se dekhte hue bolte hain - "Dadi"?
Abir - Haan daadi! Aap bhool gaye, inhi ke baare mein toh maine aapko bataya tha.
Yashpal ji kuch sochte hue baat badal dete hain -
"Ye bata tu kaisa hai maan! Aaja mere sher"!
Abir haste hue Yashpal ji ke gale lagg jaata hai. Yashpal ji uski peeth thok dete hain. Woh dekhte hain ki pichhe Kunal bhi khada hai, woh usey tokte hue kehte hain - "Tu kyu pichhe khada hai, invitation lega kya"?
Yashpal ki baat sunte hi Kunal bhi daur kar unke gale lagg jaata hai. Yashpal uska matha sehla dete hain. Fir woh Mishti ki taraf badhte hain.
Tejaswini wahaan se chali jaati hai, Naira-Kartik unke pichhe jaate hain.
Yashpal ji sabko greet karte hain. Hall mein hi ek table pe sabke phones rakhe hote hain. Kartik ke phone pe baar-baar Manish ji ka call aa raha hota hai lekin kisi ka dhyan uss taraf nahi jaata.
Mishti apne baby bump ko dekhte hue kehti hai -
"Dekh rahe ho babies! Aapko aashirwad dene aapke papa ke nanu aayein hain, aapke parnanu".
Muskan - Ye galat kahaa tumne Mishti!
Mishti - Kyaa galat kaha bua?
Muskan - Yahi ki Yashpal uncle tere babies ke parnanu hain.
Kuhu confuse hote hue kehti hai - "Arey parnanu nahi toh fir pardadu honge kya"?
Nandini - Bilkul, pardadu hi honge.
Kuhu - Woh kaise?
Nandini - Main samjhaati hoon. Vishambhar uncle Naksh ke nanu hue, lekin woh Krish ne pardadu hue.
Vishambharnath - Kyunki pita ke nana ho yaa dada, dono hi bachhe ke pardada kehlaate hain.
Rajshri - Aur maa ke dada ho yaa nana, dono hi bachhe ke parnana hote hain.
Kuhu ek saans bharte hue kehti hai -
"My godd! Ye rishte samajhte-samajhte main pagal ho jaungi".
Rashmi haste hue bolti hai -
"Lo! Ab tak toh sirf bachhe hi confuse ho rahe thay, ab bade bhi hone lag gaye".
Rashmi ki baat pe sab hass padte hain.
-------------------------------------------------------------
Gayu gaur karti hai ki Naira, Kartik aur Tejaswini wahaan nahi hain, woh unhe dhoondhte hue aangan ki taraf badhti hai. Tabhi Kaira Gayu ke paas aakar ek phone dete hue kehti hai -
"Maasi kabse iss phone pe kisi ka call aa raha".
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
