Yeh Rishta Meetha Sa ❤

Part 31 - It's Chikki's birthday

7 days later:

Rampur:

Aashram:

Subah ka waqt hai. Poora aashram sajaya hua hai, charo taraf chehel-pehel hai, aisa lagta hai ki kisi jashn ki taiyaari chal rahi hai, hawaon mein alag hi sukoon hai, taajgi hai, aangan mein ek taraf panchhi baithe cheh-chacha rahe hain. Naitik aur Rajshekhar unn panchhiyon ko daana daalte hue muskuraye jaa rahe hain. Achanak Naitik  Rajshekhar ji ko dekhte hain aur unhe kuch ahsaas hota hai jisse woh thode dukhi hokar Rajshekhar ji ke gale lag jaate hain.

Rajshekhar (with love) ➡ Aree Munna! Kya hua beta?

Naitik (low voice) ➡ Bauji! Aaj iss bete ko apne pita ka ahsaas mann mein bhar lene dijiye... kyunki fir toh mujhe jaana hi hai.

Rajshekhar (calm) ➡ Munna! Tu khud ko sambhal beta.... Humari umar aashram mein rehne ki hi hai. Aur sach kahoon toh mera bhi yahaan mann lagg gaya hai.

Naitik Rajshekhar ji ko gale se lagaye hi rehte hain.

Naitik ➡ Bauji! Humare ghar mein kisi cheez ki kami nahi hai par aap sab ke bina woh ghar adhoora hai.

Rajshekhar ➡ Munna! Humara jeevan beet gaya hai. Tu adheer mat ho.... hum wahaan rahe yaa naa rahein, humara aashirwad humesha tumlogo ke sath hai beta.

Itne mein Devyani aur Muskan wahaan aate hain.

Muskan (teases) ➡ Zara dekhiye toh bhaiya ko.....kaise bauji ke gale se lipte hain. Kaun kahega ki ye naati-potey wale hain.

Muskan ki aawaz sunkar Naitik aur Rajshekhar alag ho jate hain. Devyani Muskan ko pyar se ek chapat lagati hai.

Devyani ➡ Muskaan! Bhale hi Munna ke bachhon ke bachhe ho gaye hain par hum ab bhi uske maata-pita hain aur woh humara beta hai.

Naitik pyar se 'Choti maa' bolkar Devyani ki taraf badhte hain aur unhe gale lagaa lete hain. Devyani muskura deti hai.
------------------------------------------------------

Rasoighar:

Bhabhimaa muskurate hue bade hi pyar se gaajar ka halwa banaa rahi hain. Halwe ki khusboo se poora rasoighar mehek uth-ta hai. Achanak bhabhimaa kuchh dhoondhte hue idhar-udhar dekhti hain ki tabhi koi kesar ka dabba unki taraf badha deta hai. Bhabhimaa ki nazar pehle toh unn haathon par jaati hai aur fir uske chehre par, usey dekh bhabhimaa muskura deti hain. Ye aur koi nahi balki Rashmi thi jo kesar ka dabba liye khadi muskura rahi thi.

Rashmi ➡ Aap yahi dhoondh rahi thi na bhabhimaa.

Bhabhimaa ➡ Haan beta! Par tu yahaan rasoighar mein kyun aa gayi..... ek-do din ke liye toh tu yahaan aayi hi hai..... usey bhi kaam mein hi bitaa degi kya?

Rashmi ➡ Theek hai bhabhimaa! Main koi kaam nahi karungi par yahaan apni bhabhimaa ke sath ruk toh sakti hoon na.

Bhabhimaa kuch pal Rashmi ko dekh-kar haan mein sir hilaa deti hai. Fir halwaa banane mein lagg jaati hai.

Koi ladki halwe ki khusboo ka pichha karte hue rasoighar ki taraf aati hai, frock suit pehne, khule lambe baal, hathon mein khanakti choodiyan, paon mein channakti payal... woh jab bhabhimaa ko halwa banaate dekhti hai toh daur kar unke gale lag jaati hai aur 'thank you bhabhimaa' bolti hai.

Ye dekh Rashmi muskura deti hai... Actually ye ladki Chikki thi jo aashram aayi hui thi. Usey rasoighar mein dekh kar bhabhimaa thoda nirash ho jaati hain.

Bhabhimaa ➡ Kya karti hai Chikki! Saari mehnat barbaad kar di. Socha tha tera pasandeeda gajar ka halwa banaakar tujhe khus kar dungi. Ye mera woh tha....