Yeh Rishta Meetha Sa ❤

Part 66 - Will Meenakshi agree?

Akshara Niwas:

Tejaswini ki baatein sunke sablog shocked thay, Naira-Kartik aur Gayu-Shubham ko toh hairani ho rahi thi. Sabke chehre ke haw-bhaw shocked jaise hi thay.

Chikki - Matlab Suhasini aunty Abir ki maasi nani hui?

Muskan - Haan!

Nannu - Matlab Kartik jiju ki dadi....

Siya - Aur Abir ji ki naani.....

Nannu-Siya together - Behnein hain..!

Yash- Matlab Naira ki dadi saas.....

Rose - And Mishti's naani saas.....

Yash-Rose together - Behnein hain...!

Sablog rishte nikaal-nikaal ke aapas mein baatein kar rahe thay. Mishti, Kuhu aur Kunal kuch bol nahi rahe thay lekin unhe abhi ye saari baatein ajeeb lag rahi thi. Ye cheez Kartik aur Naira bhaanp lete hain aur sabko chup rehne ka ishara karte hain.

Naitik ji ko Jasmeet ka call aata hai. Woh aangan mein jaake call receive karte hain. Jasmeet unse kuch aisa kehti hai ki woh turant sabki nazron se bachte hue pichhe ke raste ghar se nikal jaate hain.

Idhar hall mein Tejaswini ne ab bhi apni aankhein band kar rakhi thi. Sehsa unhe apni aankhon pe kisi ki chhuan mehsoos hoti hai. Woh aankhein kholti hain toh paati hain ki ye Abir ka haath tha. Woh bade hi pyar se Tejaswini ji ko dekh raha tha.

Tejaswini - Abir hum jaante hain ki tumhe jhatka laga hai. Agar tum humse rishta tod bhi doge toh bhi.........

Tejaswini bol hi rahi hoti hai ki Abir unhe "shh" karke chup karwata hai. Tejaswini kuch samajh nahi paati.

Abir haule se jhuk-kar unke paon chhoota hai, ye dekh Tejaswini ke sath-sath wahaan khade baaki sab log bhi halka muskurate hain. Tejaswini ji ki aankhein bhar aati hain.

Song:
Meri saanson mein tu hai samaaya.....
Meri jeevan toh hai tera saaya...
Teri pooja karoon main toh hardam..

Abir - Umar ke itne saal beetne par mujhe meri naani mili hai, main unse rishta kaise todd sakta hoon....Meri naani...!

Itna bolkar woh jhatke se Tejaswini ji ko kass ke gale lagaa leta hai. Tejaswini ji ne Abir se aisa reaction bilkul bhi expeect nahi kiya tha isliye woh surprised thi lekin sath hi sath khus bhi bahut thi. Unki aankhein aansuon se saraabor ho chali thi. Abir ke aansoon bhi khusi se bahey jaa rahe thay. Sabki aankhein namm ho chali thi.

Song:
Ye hain tere karam
Kabhi khusi kabhi ghum
Naa juda honge hum
Kabhi khusi kabhi ghum

Tejaswini Abir ko puchkarte hue kehti hain -
"Kya kaha tumne? Ek baar firse kaho"!

Abir apne aansoon pochh kar haste hue kehta hai - "Naaani! Naani! Naani! Meri naani"!

Abir ke muh se "naani" sunkar Tejaswini ji ke dil ko itna sukoon mil raha tha jitna pyaase ko paani peekar milta hai. Ye sab dekh kar sabke chehre pas muskan khil jaati hai.

Abir - Aap meri naani ho! Apne Kanha ki naani!

Abir ke muh se ye sun kar Tejaswini ji ki aankhein badi ho jaati hain. Woh andesha karte hue Abir se poochhti hain -
"Tumhe kaise pata ki hum apne naati ko Kanhaa bulana chahte thay"?

Abir mukura kar jawaab deta hai -
"Ek baar nanu ne mujhse kahaa tha ki agar meri naani hoti toh mujhe Kanha kehke pukaarti".

Tejaswini - Acha! Aur kya-kya kahaa tere nanu ne?