Yeh Rishta Meetha Sa ❤

Part 53 - Kaira is overwhelmed!

(THIS PART IS LONGER THAN USUAL)

Goenka Villa:

Evening:

Sablog naha-dho ke, fresh hoke hall mein baithe hain. Aaj saari ladies ne apne baal khol rakhhe hain kyunki sabke baalon mein cake lagg gaya tha. Sare gents bhi thak ke baithe hue hain.

Swarna - Waise Manish ji! Aaj mera birthday hai aur aapne mujhe koi gift bhi nahi diya😏!

Swarna ki baat sunte hi Manish ji akbakaa jaate hain.

Manish - Arey! Lo bhai! Ek toh dadi hoke birthday manaati ho aur upar se madam ko gift bhi chahiye.

Ispe Suhasini apni dandi se Manish ke kandhe pe maarti hai.

Suhasini - Tum bhi toh dadaji ho! Toh fir kyun party karne jaate ho?

Naira - Bataiye papa!

Kartik - Boliye-boliye.

Manish - Arey! Ye bahut buri aadat hai maa aapki. Bete ko aap bhool hi jaati hain.

Ispe Suhasini Manish ke kaan khichti hai jispe sab hasne lagte hain. Naira gaur karti hai ki Gayu baar-baar gate ki taraf dekh rahi hai.

Naira - Gayu di! Kya dekh rahi hain?

Gayu - Kuch nahi Naira! Bas tu aarti ki thaal ready rakh.

Naira Gayu ki baat samajhne ki koshish karte hue kehti hai - "Aarti ki thaal?"

Gayu - Arey Naksh bhaiya aa rahe hain na, isliye!

Naira ko Gayu ka jawaab ajeeb lagta hai lekin woh uthke mandir mein chali jaati hai.

Kartik - Arey yaar kab aayega Naksh? Kitni mystery banai hui hai!

Shubham - Aa jayenge bhai! Sabar rakho kyunki sabar ka fal meetha hota hai.

Kartik - Filhaal toh mera meetha khane ka bilkul mann nahi hai.

Naira aarti ki thaal leke wapis aati hai aur thaal table pe rakh deti hai ki tabhi ek gadi Goenka Villa ke gate ke paas aake rukti hai jiski aawaz sunn sab khade ho jaate hain.
___________________________________________

Akshara Niwas:

Sham ho chuki thi isliye sab log garden mein baithe chai-pakode lete hue baatein kar rahe thay. Naitik aur Krishna cafe jaa chuke thay.

Kuhu - Toh fir batao! Kya plans hai godbharai ke?

Kuhu ki baat sun Mishti-Abir aur baaki sab ek-dusre ko dekhne lag jaate hain. Ek ajeeb si chuppi chhaa jaati hai. Sannate ko todti hui Kuhu bolti hai - "Arey kya hua? Maine kuch galat toh nahi bola!"

Mishti - Haan tune kuch galat nahi bola lekin.......!

Kuhu - Lekin-wekin kuch nahi! Kyunki ab main yahaan aa chuki hoon toh main aap sab ko bata doon ki godbharai hogi aur bahut hi grand hogi.

Kunal - Chahe Maheshwari house mein ho yaa fir Akshara Niwas mein! Lekin hogi zaroor.

Sablog baatein kar hi rahein hote hain ki Keerti ke phone pe Naksh ka message aata hai - "Main Goenka Villa pahuch gaya Keerti ji".

Keerti - Aaplog baatein kariye, main abhi aati hoon.

Itna kehkar Keerti wahaan se ghar mein chali jaati hai aur fir Naksh ko call karti hai.

Keerti - Naksh! Duniya mein bahut se bhai honge lekin aapke jaisa bhai shayad hi koi hoga. Main garv se keh sakti hoon ki main Naksh Singhania ki patni hoon.