Yeh Rishta Meetha Sa ❤

Part 89 - Vijay-dashmi special !

Next morning:

Thapar Resorts:

Ek aurat resort ke baahar trolley liye khadi hai. Woh koi aur nahi balki Aparna Roy thi jo ghoor ke resort ko dekh rahi thi.

Aparna - Main yahaan aana toh nahi chahti thi lekin Sanju ke liye mujhe aana pada. Waise bhi main Gujarat mein hoon, bas jald-se-jald wapis Switzerland jaana hai mujhe.

Yahi sab bolte hue woh resort ke andar jaati hai.
_____________________________________

Agarwal house: (Udaipur)

Nandini, Rose aur Sanju hall mein baithe chai pee rahein hain.

Rose - Sanjuuu! Definitely there's a magic in your hands.

Nandini - Sach mein bahut tasty chai banai hai tumne.

Yash aakar bolta hai - "Ek cup mujhe bhi milegi"?

Rose - Sorry Yash! But we're out of stock 😂😂!

Yash dekhta hai ki samne ek cup mein chai padi hai.

Yash - Arey ye toh rahi chai ☕!

Nandini - Ye Sanju ki chai hai Yash.

Sanju - Waise abtak maine pee nahi hai toh tum le sakte ho.

Yash - Nahi-nahi Sanju.

Sanju - It's fine Yash! Tum le lo, waise bhi mera mann nahi hai.

Rose - Take a sip, it feels like relief.

Yash (chai peete hue) - Waaah! Sach mein Sanju 😊 Itni tasty chai banani kahaan se sikhi tumne?

Sanju - Meri Amma ne sikhaya hai mujhe.

Rose - Your mom?

Sanju - She's not my biological mother, lekin maa ke pyar ka matlab samjhaya hai unhone mujhe.

Nandini - Samajh sakti hoon! Tabhi toh tum bhi Kaira ke liye itni achi maa bann payi.

Nandini ki baat pe Sanju muskura deti hai ki tabhi darwaze se aawaz aati hai -
"Hello everyone......"

Charon dekhte hain ki saamne Naira-Kartik aur Kairav khade hain.

Rose - What a pleasant surprise 😊!

Yash - Aao-aao andar aao.

Woh log aake sabko greet karte hain. Naira Rose ko hug kar leti hai.

Kairav - Ansh kahaan hai?

Nandini - Upar kamre mein rooth kar baitha hai.

Kairav - Kyun?

Yash - Kyunki Mansi-Anmol durga-ashtami ki pooja karne usey sath nahi le gayein.

Kairav (Naira-Kartik ko dekhte hue) - Parents humesha aisa hi karte hain, hume chhod ke khud enjoy karne lagte hain😏.

Kartik - Acha bachhu!!

Naira - Durga-ashtami ki pooja mein ghanto lagte hain; tab tak bachhon ka dhyan pooja mein rahega??

Kartik - Upar se iss baar ashtami-navmi ek hi din pe hai.

Ispe Kairav baat badalte hue bolta hai -
"Main apne bhai ke paas jaa raha hoon".

Kartik - Arey-arey jawaab toh dete jaao...

Kairav jaldi mein upar chala jaata hai jo dekh sablog hasne lagte hain lekin Sanju ki nigaahein toh gate par hi tiki thi. Naira-Kartik ye cheez gaur karte hain.