Evening:
Maheshwari house:
Hall:
Naksh-Keerti aur Muskan andar aa rahein hain.
Muskan - Naksh! Keerti! Aise achanak humlog yahaan kyun aayein hain?
Naksh - Pehle aap chaliye toh....
Teeno dekhte hain ki saamne se Nannu aur doctor baatein karte hue aa rahein hain.
Doctor - Patient ko hosh toh aa hi gaya hai, maine kuch dawaiyaan likh di hain jo aap abhi chalke le lijiye ...
Nannu - Ji doctor!
Muskan (Nannu ko rokte hue) - Kiski tabiyat kharab hai?
Nannu - Main thodi jaldi mein hoon maasi! Aata hoon.
Muskan - Arey sun toh.....
Nannu doctor ke sath chala jaata hai.
Keerti - Aap upar toh chaliye buaaa, aapko sab pata chal jayega.
Naksh-Keerti Muskan ko leke upar jaate hain jahaan kamre mein Rajshri, Jasmeet aur Anshuman baithe thay.
Muskan ko dekhte hi woh sab side ho jaate hain, jaise hi Muskan ki nazar bistar par leti Karishma pe padti hai, woh sann reh jaati hai. Karishma usey dekh kar ek chhoti si smile deti hai.
Muskan ko kuchh samajh nahi aa raha tha, woh hairaan si sabko dekh rahi thi. Sehsa usey kuchh ahsaas hota hai aur woh Karishma se muh fer leti hai. Jasmeet aakar uske kandhe pe haath rakhti hai.
Muskan (jasmeet se) - Kaiseee.....kaiseee?
_____________________________________
Akshara Niwas:
Sanju phone apne saamne lekar video call pe Amma se baat kar rahi hai, Amma ki sirf aawaz aa rahi hai.
Sanju - Amma kaisi hain aap?
Amma - Main theek hoon tum kaisi ho?
Sanju - Main bilkul mast hoon amma!
Amma - Lag toh nahi rahaa? Ek maa ki aankhon se kuchh nahi chhupta Sanju. Tu zaroor Yashika ko miss kar rahi hai.
Sanju - Amma aap bewajah ye sab sochti hain. Yashika ko main miss zaroor karti hoon lekin main khus hoon amma!
Amma - Main toh yahi chahti hoon ki tu humesha khus rahe.
Sanju ke phone pe anniversary ka reminder aata hai.
Sanju - Baad mein baat karti hoon! Byee 👋🏻 👋🏻!
Sanju bina Amma ki baat sune call disconnect kar deti hai.
_____________________________________
Maheshwari house:
Room:
Muskan ko saara sach pata chal chuka tha, uski aankhein bhar aayin thi.
Muskan - Kya sach mein Jazz?
Jasmeet - Haan Muskan haan.
Muskan apne haath jodke Karishma ke paas jaakar bolti hai -
"Mujhe maaf kar dijiye bhabhi! Maine aapko kitna galat samjha, jabki mere bhai ne aapke sath kitnaaa... kitna jyada galat kiya, I'm really really sorry".
Karishma dheere-dheere apne haath uthate hue Muskan ka hath niche kar deti hai. Muskan uske gale lagg jaati hai. Sablog muskurate hain, Jasmeet bhi jaake unn dono ko hug kar leti hai.
Kitne dino baad teeno saheliyaan ek-jut hui thi. Ye samaa dekhte ban raha tha. Varsha aati hai, unhe dekh ke woh bhi muskurati hai.
Varsha - Waah! Ye tigdi jo toot gayi thi, aaj firse poori ho gayi.
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
