Goenka Villa:
Suhasini, Manish, Akhilesh, Surekha aur Devyani hall mein baithe hain. Table pe aarti ki thaal rakhi hai.
Suhasini - Surekha...! Dhruv aa raha hai yaa fir iss baar bhi tum hi apne mayke jaogi?
Surekha - Maaji na main wahaan jaungi aur naa hi woh yahaan aayega. Uska mann toh bahut tha......
Suhasini - Isiliye humne usey yahaan bulaya hai.
Surekha - Sach maaji? Lekin.......
Suhasini - Lekin kyaa....? Kaan khol ke sunn lo tum sab, iss ghar mein ab bhi sabse bade hum hain isliye faisle bhi hum hi lenge.
Suhasini ki baat pe Manish, Akhil aur Surekha ek-dusre ko dekhte hain.
Suhasini - Aur haan! Humne Dhruv ke sath Damini ji, Aakash aur kisi khaas ko yahaan bulaya hai.
Itna bolkar Suhasini darwaze ki taraf dekhne lagti hai.
Manish - Kise maa?
Suhasini - Intzaar karo, aa hi jayenge.
Manish ji kuch sochte hue muskurate hain aur gate pe apni nigaahein jamaa lete hain. Thodi hi der mein ek aurat apni haathon mein gulaab ke phoolon ka bouquet 💐 liye aati dikhai padti hai. Bouquet se uska chehra dhak gaya tha. Usey dekh Suhasini uth khadi ho, aarti ki thaal liye aage badhti hai.
Song:
Meri saanson mein tu hai samaaya...
Mera jeevan toh hai tera saaya....
Teri pooja karoon main toh hardam...
Suhasini - Humari beti ghar aayi hai....!
Bouquet ke picche se woh aurat bolti hai -
"Maasi maa....."
Woh koi aur nahi balki Meenakshi thi jo bouquet side karte hue muskurati hai. Suhasini ki toh aankhein namm ho jaati hain. Manish ji bhi muskurate hain.
"Yeh hain tere karam,
Kabhi khusi kabhi ghum.
Naa juda honge hum,
Kabhi khusi kabhi ghum".
Suhasini Meenakshi ko tilak lagaakar aarti karti hai. Meenu jaise hi Suhasini ke paon chhoone ko hoti hai waise hi Suhasini usey apne seene se lagaa leti hai.
Suhasini (rote hue) - Humari bachhi, humari betii.....
Meenakshi - Maasi maa...
Suhasini - Hume maaf kar do beta, humne itne saal tumhari sudh tak nahi li.
Meenakshi - Koi baat nahi maasi maa! Humne bhi toh sheher badalne ke baad ek baar bhi aapko yaad nahi kiya.
Suhasini aur kass ke Meenakshi ko khud se chipka leti hai aur kuchh der dono yun hi lipte rehte hain. Ye nazara dekh Surekha aur Devyani bhi emotional ho jaate hain.
Manish ji unke paas jaakar bolte hain -
"Maa agar aapka milna ho gaya ho toh main chhutki se mil loon?"
Meenakshi ek nazar Manish ko dekhti hai.
Manish - Chhutki....!
Meenakshi - Mannu bhaiya..🥹!
Manish ji bhi Meenakshi ko gale se lagaa lete hain.
Akhilesh - Hume bhi introduce kara dijiye bhai saahab!
Akhilesh ki aawaz sunn Meenakshi sawaliya nazron se Suhasini ko dekhti hai.
Suhasini - Ye tera chhota bhai hai Akhilesh aur bagal mein uski patni Surekha.
Akhil aur Surekha aage aake Meenakshi ke paon chhoote hain.
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
