Rajvansh house:
Bahut der ho chuki thi lekin Meenakshi ne ab tak darwaza nahi khola tha. Naira-Kartik, Yashpal aur Parul niche dining table pe baith ke snacks kha rahe hain.
Kartik - Dopeher se sham hone ko aai hai, lekin Meenu bua ne ab tak darwaza nahi khola.
Naira - Aur humlog yahaan baith ke snacks le rahe hain.
Parul - Aaplog bina chinta kiye aaram se khaiye, pehli baar apni maasi dadi ke sasural aaye hain.
Kartik - Lekin ye koi snacks lene ka time hai kya?
Yashpal - Arey maan! Jab bhi Meenu ko koi strong decision lena hota hai toh woh aise hi darwaza band kar leti hai.
Naira - Matlab aaplogo ko iss cheez ki aadat hai?
Parul - Haan! Dekhiyega abhi thodi der mein darwaza khol dengi....!
Naira-Kartik pareshan se ek nazar darwaze ki taraf dekhte hain aur fir ek-dusre ko dekhne lagte hain.
______________________________________
Krishna Cafe:
Abhimanyu Roy, Sanju aur bachhe cafe aaye hue hain. Bachhe masti kar rahe hain. Abhimanyu Roy ek jagah aaram se baithe hue hain. Sanju khichdi bana rahi hai aur Rajveer coffee bana raha hai. Sanju gaur karti hai ki cafe mein jyada log nahi hain.
Sanju - Aaj kuch hai kya? Nikk ke cafe mein itne kam log... surprising kam shocking.
Rajveer - Haan actually visitors kamm toh ho gaye hain.
Sanju - Lekin kyun?
Rajveer - Bahut se reasons hain jaise ki kabse cafe renovate nahi hua, menu change nahi hua, every sunday love special coffee nahi banti.
Sanju - Lekin isse toh bahut loss hota hoga?
Rajveer - Utna bhi nahi kyunki yahaan ki vibe best hai. Jo regular customers hain woh ek bhi din naaga nahi karte.
Sanju - Fir bhi.....!
Rajveer - Hmmm!
Idhar Krish Abhi ke paas aakar kehta hai -
"Mamu aao na aap bhi khelo na"!
Abhi - Nahi Krish please! Abhi nahi.
Krish chala jaata hai. Sanju dekhti hai ki ek-ek karke saare bachhe Abhi ke paas jaake insist karte hain lekin woh mana kar deta hai. Last mein Arya jaati hai.
Arya - Chalo na Abhi uncle please 🥺!
Abhi Arya ko manaa nahi kar pataa aur bachhon ke paas aa jata hai.
Krish muh chadhate hue kehta hai -
"Haww! Aap humare bulane pe toh nahi aayein"!
Abhi - Haan lekin ab toh aa gaya na.
Ansh - Let's play !
Fir Abhi bhi bachhon ke sath khelne lagta hai, lekin sabse jyada woh Arya ke paas hi hota hai aur Sanju ye sab dekh rahi hoti hai. Sehsa Sanju ke mann mein kuch aata hai aur woh Kaira ko aawaz lagaati hai -
"Yashika! Baby aa jao! Aapki khichdi taiyaar hai".
Sanju ke bulane pe Krishna aur Kaira dono aate hain. Kaira ek table pe baith-ti hai, Sanju usey khichdi khilaane lagti hai. Krishna paani peene lagti hai.
Woh dekhti hai ki Rajveer coffee banane mein magan hai aur uska ek hath chaku pe padne wala hai. Krishna daur kar Rajveer ko savdhaan karte hue kehti hai -
"Arey sambhal ke! Dhyan kahaan hai aapka? Dekhiye abhi haath kat jaata. Uff"!
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
