Yeh Rishta Meetha Sa ❤

Part 41 - Shiv baraat ya shaadi

Goenka Villa:

Goenkas ghar pahuchte hain. Suhasini ke chehre pe chinta ki lakeerein saaf jhalak rahi hoti hain. Naira baar-baar poochhti hai ki baat kya hai, lekin Suhasini kuch nahi bolti. Sablog aakar hall mein baith-te hain. Kairav-Vansh ekdum thak chuke thay isliye woh apne room mein sone chale jaate hain. Tejaswini bhi guest room mein chali jaati hai. Sablog aage ki planning karne lagte hain. Thodi der baad Tejaswini ki aawaz aati hai - "Babli! zara idhar aana"

Suhasini Tejaswini ke paas jaati hai lekin uska phone hall mein hi chhoot jata hai. Surekha ko kuch yaad aata hai.

Surekha - Akhil suniye! Aap airport chale jaaiye kyunki maa ki flight land karne mein ab jyada time nahi hai.

Luv - Wow maa! Nani bhi aa rahi hain?

Surekha - Of course! Unke pyare naatiyon ki shadi jo hai.

Akhil - Ye iss ghar ka pehla function hai jisme sasu maa aa rahi hain.

Kartik - Chachu jaldi jaiye warna kahi aapki sasu maa naraaz na ho jaye 😂!

Akhil - Haan! Main nikalta hoon.

Itna kehkar Akhil chale jaate hain. Luv-kush bhi apne room mein chale jaate hain. Naira gaur karti hai ki Suhasini ke phone pe baar-baar kisi ka message aa raha hota hai. Naira Suhasini ka phone uthaa kar usey dene ke liye jaane lagti hai ki tabhi galti se ek voice message chalne lagta hai. Jisme se ek mard ki aawaz aati hai.

"Suhasini ji please humari madad kijiye, ab aap hi humari aakhiri umeed hain"

Dar-asal ye pandit ji ka voice message tha. Audio chal hi raha hota hai ki Suhasini aakar Naira se phone le leti hai aur wahaan se jaane lgti hai. Naira usey rokti hai. Hall mein baithe hue saare logo ka dhyan uss taraf jaata hai aur sablog unke paas aa jate hain.

Kartik - Kya baat hai Naira?

Manish - Maa! Aakhir kya baat ho rahi hai aap dono mein.

Shubham - Koi kuch bolega?

Naira - Ye baat dadi se puchhiye aap sab. Main dekh rahi hoon ki ye kabse pareshan hain lekin bata nahi rahi hain.

Sablog Suhasini se sawaal karne lagte hain aur ant-tah usey batana padta hai.

Suhasini - Actually hume pandit ji ka phone aaya tha.

--------------------FLASHBACK----------------------

Suhasini phone pe pandit ji se baat kar rahi hai.

Suhasini - Kahiye pandit ji! Kaise yaad kiya?

Pandit ji - Kal mahashivratri hai Suhasini ji aur har saal ki tarah iss baar bhi Shiv baraat niklegi. Lekin ek musibat aan padi hai.

Suhasini - Kaisi musibat?

Pandit ji - Jinn logon ko Shiv-Parvati ban-na tha, woh log kahi aur chale gaye. Isliye humari ichha thi ki Naira aur Kartik Shiv-Parvati bane, jaise woh saalon pehle bane thay.

-----------------PRESENT TIME---------------------

Suhasini - Ab tumlog hi batao hum kya karein?

Surekha - Yeh toh possible hi nahi hai kyunki kal toh Luv-Kush ki shadi hai.

Swarna - Aur haldi bhi toh hogi kal din mein. Aise mein pandit ki help karein bhi toh kaise.

Gayu gaur karti hai ki Naira kahi khoyi hai.

Gayu - Kya soch rahi hai Naira tu?

Naira - Soch ye rahi hoon ki humare paas Luv-Kush ki shadi ka koi theme nahi tha. Lekin ye ek theme ho sakta hai. Shiv baarat bhi ho jayegi aur shadi bhi ho jayegi.