Yeh Rishta Meetha Sa ❤

Part 98 - Singhanias reach haveli.. 🏤

Udaipur se lag-bhag 20 kilometre door, Ekling ji mandir ke raste mein padti hai Singhanias ki badiii-si pushtaini haveli... Jo Gayatri Singhania unke pitaji ne uphar swaroop diya tha...

Uss haveli se 2.30-3 km door tak sirf khet-khalihaan, baag-bagiche aur sadak ke dono taraf lambe-lambe bade-bade ped.... niche se toh door-door lekin upar jaakar dono taraf ki shakhayein ek-dusre se judi huin.... Raste se jaane pe aisa jaan padta tha jaise maano kisi gufa ke andar jaa rahein ho..

Singhanias ki gaadi haveli ke main entrance ke paas aake rukti hai ko ji bahut bada tha... Woh log gaadi se bahaar nikalte hain.

Keerti - Woww..... kitna sundar..

Devyani - ...Jaise swarg dharti pe saja ho...

Naitik - ....jaise kisi Raja ka mehel ho..

Muskan - ....jaise maa Bhavani ka vaas ho..

Sablog andar aane lagte hain.. gate se andar chalne pe ek raajsi sarovar kund tha aur aas-paas ped-paudhe haveli ki shobha mein char-chaand laga rahein thay... vaatawaran itna sehej aur sheetal ki mann ko harshit kar de.

Uss sarovar kund ke dahini taraf mudte hi maa Bhavani ka mandir aur mandir ke theek saamne Tulsi maiya.....

Kund ke baayin taraf ek chhoti-si baithak aur wahi kone mein ek sundar-sa jhoola dol raha tha.

Naitik (muskurate hue) - Meri naani isi jhoole pe baitha karti thi....

Rajshekhar - Bhai unka toh alag hi thaath thaa.

Woh log aage badhte hain.. kund se aage jaakar aangan aur seedhiyan chadh ke veranda jiske ek taraf rasoi ghar aur saamne mein bhojan ki baithak... dusri taraf deewar pe Gayatri ke bachpan se lekar umar ke har padaav ki alag-alag portraits aur kuchh tasveerein...

Chikki - Kitni sundar portraits hain maa ke bachpan ki...

Rajshekhar - Ye unn dino ki baat hai jab camera ka aavishkar bhi nahi hua tha...

Naksh - Unke hathon ko salute jo hoo-bahu kaagaj pe shaklein utaar dete thay...

Keerti - Pictures kharab ho jaati hain lekin inn portraits ko toh dekhiye.... kitne saalon se tike hue hain..

Chikki - Authentic hai naa...

Krish aur Krishna haveli ke chaaron taraf dekhte hain jahaan deewaron pe itni sundar-sundar purani kalakaariyaan bani hui thi jo mann moh le.

Krish - Wow very much beautiful... It's like antique piece. Main nahi jaanta tha ki mere paas itna sundar historical ghar hai..

Krishna - Waise yahaan kitne kamre hongee..

Rajshekhar - Yahi-kahi 20 se 25... Aur chhat bhi itna bada hai ki 50 log aaram se bistar lagaake so jaayein...

Krishna - Wahhh!

Ab koi aage kuchh bolta usse pehle Krish ke kandhe pe makri ka jaala gir padta hai aur woh uchhaltaa hai -
"Ewww! Ye kyaa hai...."

Krishna hasne lagti hai....

Keerti - Saalon se yahaan bachhe nahi aayein... Iska matlab ye hai ki hume tagdi saaf-safai karni hogi..

Naitik - Repairing ki toh zara bhi zaroorat nahi hai.....

Naksh - Lekin dhool-mitti, patte, makre-jaale ye sab toh bhar-bhar ke hongee.

Chikki - Kamar kass lo guyzz, Diwali se pehle iss rakshas jaisi haveli ko saaf karna hai..