Dilon ko baandha tha humne toh rishton ki dor se ..... !!
Naa jane aayi ek aandhi jane kis or se ... !!
Shubham, Manish, Akhilesh, Kartik, Swarna, Gayu aur Rashmi haridwar se waapis aaye hain. Suhasini ganga-jal chhidak ke sabko shuddh karti hai.
Kairav coma mein hai, uska treatment ghar pe hi chal raha hai, uske room me har pal Kaira uske pas baithi rehti aur baatein karti rehti, bhale hi Kairav coma mein tha lekin woh Kaira ki saari baat sun-samajh sakta tha. Kaira dheere-dheere karke usey apni saari kahaani batati.
Gayu ki haalat din ba-din buri hoti jaa rahi hai, naa woh kuch khati, na kisi se baat karti, bas chup-chaap apne kamre mein baithi rehti. Swarna bhi gum-sum hi rehti, kabhi niche aati toh kabhi din bhar kisi ko dikhai nahi deti. Unki treatment ke liye Priyanka maasi aayi hain, Rashmi, Devyani aur Abhimanyu bhi wahi par hai.
Woh Nazook dori tooti...
Sari Ummedein Chooti ...!
Pal me kya se kya Ho jata hai ...! 💔
Kartik-Naira sab dekh rahe hain par kar kuch nahi paa rahein.
Naira - Kartik! Kya karoon mai ? Gayu di baat nahi karti, Shubham bhi door-door rehta hai.
Kartik - Tum tension mat lo Naira, Ye mushkil bhi guzar jayega, hum sab firse ek honge.
Naira-Kartik ummeed ke sath ek-dusre ko hug karte hain.
-----------------2 MAHINE BAAD-----------------
Goenka Villa!
Subah ka waqt hai, mandir me sab ikkathe hain, Naira aarti kar rahi hai🌹🙏🏻.
"Oo maiya ji kirpa karo, mere avgun chitt na dhaaro.
Oo maiya ji vinti suno, meri vipdayein door karo.
Haathon me patwar dharo, beech bhanwar se paar karo.
Mujhpe maa upkaar kro, meri araz sweekar karo.
O Maiyaa ji!!"
Aarti ke baad Kaira aage aakar bhagwan ji ko pushp arpan karti hai aur sabko prasad deti hai lekin Rashmi prasaad nahi leti, Devyani ye cheez gaur karti hai.
Sablog prasad le-lekar chup-chaap wahaan se jaane lagte hain, Gayu-Shubham apne kamre mein chale jaatein hain, Abhimanyu Swarna ko lekar upar chala jaata hai, Manish ji office ke liye nikal jaate hain. Bas Kartik-Naira aur Suhasini mandir mein khade reh jaate hain.
Ye sab dekh kar dukhi hote hue Suhasini mann-hi-mann bolti hai -
"Na jaane hamare ghar ko kiski nazar lagg gayi hai, sab hasna hi bhool gayein hain, hasna toh chhodo koi kisi se baat tak nahi karta. Hey prabhu! Raksha Bandhan pe kuchh aisa kar do ki sab saath aa jayein".
_____________________________________
Akshara Niwas (Rajkot):
Naksh-Keerti hall mein baithe hain.
Keerti - Mishti-Abir ke wapis jaane ke din kareeb aa rahein hain Naksh!
Naksh - Mera toh mann hi nahi ho raha ki woh log jaayein.
Keerti - Mujhe bhi bahut bura lagg raha hai Naksh! Woh toh acha hua ki unke kulguru ne jaane ka muhurat Janmashtami ke din ka nikaala, warna toh......!
Naksh - Lekin main iss baat se bahut khus hoon ki meri behen appne ghar jaa rahi hai.
Keerti - Aur maasi dadi bhi toh jayengi apne sasural.
Naksh (muskurate hue) - Gruhpravesh toh bahut dekhein par aisa anokha sanyog kabhi nahi dekha.
Keerti - Sach! Ek bahu ke sath uski naani saas ka bhi gruhpravesh, ye rare of the rarest hai.
Keerti ki baat pe dono muskurane lagte hain. Keerti kuch sochte hue poochhti hai -
"Rakhi ke baare mein aapne kuchh socha hai Naksh"?
Rakhi ka naam sunte hi Naksh ekdum se chup ho jaata hai, ek pal mein uski muskurahat udaasi mein badal jaati hai. Keerti bhi aage kuchh nahi bolti.
_____________________________________
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
