Goenka Villa:
2 AM:
Sanju balcony mein khadi udaas chehre se chaand ko ektak dekhe jaa rahi hai. Uski aankhein pathraai hui lagti hai.
Usse kuch doori pe khada Naksh chupchap usey dekh raha hai. Sehsa woh balcony mein faili shaanti ko bhang karte hue Sanju ke paas jaata hai toh Sanju usey hug kar leti hai.
-------------------------------------------------------------
Kaira' room:
Yashika bistar pe so rahi hai aur Kartik-Naira gate par khade apni bachhi ko dekh rahe hain. Naira kuch udaas si jaan padti hai.
Naira - Kartik aaj toh Sanju didi ne isey sula diya lekin ab isey humari thapkiyon ki aadat honi chahiye. Kya main kabhi apni bachhi ko lori bhi nahi suna paungi?
Kartik - Tum kuch jyada hi emotional ho rahi ho Naira. Practically socho, pichhle kai saalon se Yashika ko miss Sanju ne hi paala hai, ekdum se toh usey humari aadat nahi ho jayegi na.....!
Naira - Bachhon ke mamle mein maa emotional hi hoti hai Kartik....!
Kartik - Shayad isliye miss Sanju ne woh shartein rakhi.
Naira - Haan shayad........!
Naira itna bolkar halke kadmo se andar jaati hai aur Yashika ke mathe pe haath ferte hue uska maatha choom leti hai. Kartik bhi andar aata hai aur halke haathon se Yashika ki peeth thap-thapa deta hai. Fir dono wahaan se chale jaate hain.
Udhar balcony mein Naksh aur Sanju sofe pe baith jaate hain. Sard hawaon ki wajah se Sanju ko thand lagne lagti hai toh Naksh usey chaadar udhaa deta hai. Sanju ab bhi chaand ko hi dekh rahi hoti hai.
Woh kuch sochkar Naksh ko dekhte hue bolti hai - "Kya maine woh shartein rakh ke kuch galat kiya Nikk?"
Iss baat pe Naksh Sanju ko dekhta hai.
-------------------FLASHBACK---------------------
Sanju - Meri kuch shartein hain.....!
Kartik - Kaisi shartein?
Sanju ek thandi saans bharte hue kehti hai -
"Jab tak main apni saari shartein tumlogo ke aage rakh naa doon, tab tak beech mein mat bolna".
Naira - Theek hai.
Sanju - Meri pehli shart ye hai ki jab tak Yashika yahaan theek se adjust nahi ho jaati tab tak main yahi rahungi.
Kartik, Naira aur Naksh ek-dusre ko dekhte hain.
Sanju - Meri dusri shart ye hai ki mere jaane ke baad jab bhi main chahu usse mil sakti hoon aur jab woh chahe mujhse mil sakti hai.
Sanju unke chehre dekhte hue aage bolti hai -
"Aur meri teesri shart ye hai ki uska name Yashika hi ho."
Sanju ki teeno shartein sun ne ke baad Naksh, Naira aur Kartik kuch der yun hi ek-dusre ko dekhte hain.
------------------PRESENT TIME--------------------
Sanju - Bol na Nikk! Meri shartein galat hain kya?
Isse pehle Naksh kuch bolta, Kartik ki aawaz aati hai -
"Aap apni jagah bilkul theek hain".
Kartik ki aawaz sunte hi Naksh aur Sanju piche mudte hain toh samne thodi door pe Naira-Kartik khade hote hain. Woh dono unke paas aate hain.
Naira Sanju ki hatheliyon ko thaamte hue kehti hai - "Aapki shartein bilkul theek hai Sanju didi, aur hum aapki shartein maan-ne ke liye bhi taiyaar hain".
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
