Next morning:
Goenka Villa:
Subah-subah sablog mandir mein pooja kar rahein hain. Pooja ke baad Gayu sabko prasad deti hai aur sablog hall mein aa jaate hain. Sabki shakal pe kuch chinta ki lakeerein jhalak rahi hain.
Manish ji Naira-Kartik se poochte hain -
"Tum dono ne kuch socha hai ki Kairav ko sach kaise batana hai"?
Swarna beech mein hi bol padti hai -
"Ab aate se hi toh nahi bata denge na Manish ji".
Manish - Swarna main ye nahi keh raha hoon ki aate se hi bata dein, lekin batana toh padega na.
Suhasini - Aur jitni jaldi batayenge utna acha hoga.
Swarna - Jinke bachhe hain unhe hi decide karne dete hain maaji!
Manish - Bolo Naira-Kartik!
Naira-Kartik chup khade thay. Gayu-Shubham bhi unke paas hi thay.
Shubham - Bhaiya aaj Kairav-Vansh wapis aa rahe hain.
Gayu - Bol Naira! Kya socha hai tune?
Naira aur Kartik ek saans bharte hain.
Naira - Hum aate se hi Kairav ko kuchh nahi batayenge.
Kartik - Lekin jitna jaldi ho sake utna jaldi bata denge.
Naira - Kyunki hum nahi chahte ki Kairav ko kahi aur se sach pata chale.
Kartik - Aur uske mann mein bematlab ke sawaal uthe.
Gayu - Yahi theek rahega.
Shubham - Haan!
_____________________________________
Krishna Cafe:
Aaj cafe mein badi bheed hai. Naksh, Keerti, Sanju, Chikki, Rajveer aur Muskan sab kaam mein lage hue hain.
Naksh aur Sanju tables decorate kar rahe hain.
Naksh - Thanks Sanju! Ye sab tere observation aur innovative menu change ki wajah se hua hai.
Sanju - Kuch bhi haan! Teri bff hoon. Jab-jab tu bhatkega, kaan pakad ke tujhe sahi raste pe le aaungi.
Naksh iss baat pe hass deta hai.
Chikki aur Keerti dishes laga rahi hain. Chikki Naksh aur Sanju ki taraf dekhte hue poochti hai -
"Keerti tumhe Sanju se insecurity nahi hoti?"
Iss baat pe Keerti apne kamar pe hath rakh ke gaur se Chikki ko dekhne lagti hai.
Chikki - Arey! Kya dekh rahi ho?
Keerti - Dekh rahi hoon ki aap Chikki di hi ho yaa fir koi aur!
Chikki - Kyun?
Keerti - Kyunki aaj aap mein mujhe bua saas nazar aa rahi hai, woh bhi tv serial wali.
Chikki - Kuchh bhi haan?
Keerti - Aap apne sawaal pe firse gaur karo! Aapne mujhse kya poochha?
Chikki ko sach realise hota hai aur woh apne hi baat par jhep jaati hai.
Keerti - Come on Chikki di! Mujhe Sanju se jalan kyun hogi? Woh Naksh ki best friend hain aur unki apni ek khaas jagah hai Naksh ki life mein.
Chikki - Hmm!
Keerti - Aur unke wapis aane se Naksh kitne khus bhi rehne lage hain, ekdum teenager jaise bann gaye hain.
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
