Mishti aur Abir stage par rakhe sofe par baithe hain. Abir ke bagal mein Kuhu khadi hai aur Mishti ke bagal mein Kunal. Charon bade hi khus lag rahe hain. Unhe dekh kar Rajshri unki nazar utaarti hain, Muskan unpe paise waarti hai.
Jasmeet - Haaye rabba ajj toh dono jode ne same-same kapde pehne hain.
Kuhu - Kyun nahi pehen sakte kya?
Jasmeet - Bilkul pehen sakte hain. Aisa lag raha hai jaise teri bhi godbharaiiiii..........
Jasmeet bolte-bolte chup ho jaati hai, sablog usey dekh rahe hote hain. Mahaul thoda awkward sa ho jaata hai. Varsha ghoor-ghoor Jasmeet ko dekhne lagti hai, Kuhu ka bhi khila hua chehra utar sa jaata hai.
Varsha Jasmeet ke paas aake dheere se usey koste hue kehti hai - "Jasmeet tum bolne se pehle sochti nahi ho kya"?
Jasmeet dabi hui aawaz mein kehti hai - "Woh bhabhi.......main toh.....bas......"
Sablog jaante thay ki Kuhu-Kunal kabhi parents nahi ban saktein toh aise mein Jasmeet ki baat pe sabka upset hona swabhaavik tha.
Lekin Naira mahaul ko thanda karne ki koshish karte hue kehti hai - "Bhale hi godbharai Mishti ki hai, lekin Kuhu bhi toh hone wale babies ki chachi hai".
Keerti - Aur fir chachi aur maa mein antar hi kya hai?
Kartik - Bilkul! Aur Jasmeet mami bhi toh Kuhu ki chachi hi hain.
Jasmeet - Aur main apni Kuhu se bahut pyar bhi karti hoon.
Itna kehkar Jasmeet stage par jaati hai aur Kuhu ko gale lagaa leti hai. Fir dheere se uske kaan mein "sorry" bolti hai.
Kuhu bhi baat ko aage na badhate hue "it's okay chachi" keh deti hai.
Krish muh banate hue kehta hai - "Arey yaar".
Sanju - Ab fir se tumhe kya hua? Nikk ye tera beta bada chidku hai.
Krish - Main koi chidku-widku nahi hoon.
Naksh - Toh fir baar-baar muh kyu bana lete ho?
Krishna - Mujhe pata hai!
Gayu - Toh fir bolo kya baat hai?
Krishna - Aaplog khud hi socho! Kya aisa lag raha hai ki ghar mein function hai?
Krish - Na gaana, na dance, na fun, kuchh bhi nahi. Bas naam ke hi itte saare log hain.
Arya - Exactly! Abhi tak function start bhi nahi hua.
Kaira - And it's first time for me. Pehli baar kisi ki...............
Kaira Naira ki taraf dekhte hue poochti hai - "What's this function called"?
Naira muskurate hue kehti hai - "Godbharai".
Kaira - Yes Godbharai! Main pehli baar ye function dekh rahi hoon, lekin kuch ho hi nahi raha.
Siya sir hilaate hue kehti hai - "Waise bachhe theek hi keh rahe hain, humlog kis baat ka intzaar kar rahe hain"?
Abir - Kisi khaas insaan ka, jinhe maine specially bulaya hai.
Abir ki baat sunke Keerti thodi suspicious ho jaati hai.
Ananya Siya ko kohni maarte hue kehti hai - "Aaj kal bachhon ki baatein badi achhi lagne lagi hai Siya ko, ab toh ek-aadh bachha ho hi jaaye".
Nannu bhi Siya ke bagal mein hi khada tha. Ananya uske kandhe pe haath rakhte hue kehti hai - "Kyun Nannu! Kya khayal hai"?
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
