Night:
Akshara Niwas:
Kuhu-Kunal ek-dusre ko hug karke bistar pe lete hue hain. Dono ke chehre pe badi si smile hai.
Kunal - Aaj main bahut khus hoon Kuhu!
Kuhu - Main bhi Kunal.
Kunal - Maine expect nahi kiya tha ki bhai-bhabhi kuch aisa karenge.
Kuhu - Lekin ab hume bhi unki expectations pe khada utarna hoga. Hume unke bachhe best upbringing deni hogi Kunal.
Kunal - Unka bachha nahi humara bachha. Bhai-bhabhi ne bola na.
Kuhu - Lekin.......!
Kunal - Lekin-wekin kuch nahi. Main apne bhai ko achhe se jaanta hoon. Woh kabhi nahi chahenge ki hum unka ahsaan maane.
Kuhu - Haan woh toh hai. Unhone aisa kiya ye hi bahut badi baat hai.
Kunal - Bilkul.
Kuhu aur Kunal smile karte hue apni aankhein band kar lete hain.
__________________________________________
Midnight:
Balcony:
Akshara Niwas:
Sanju aur Naksh baatein kar rahein hain.
Sanju sawaliya nazron se Naksh ko dekhte hue poochti hai -
"Nikk tere kehne pe maine Ananya di ko rok diya lekin uski zaroorat hi kya thi? Tu kyun nahi chahta ki woh Keerti ke bhaiya se mile"?
Naksh baat taalne ki koshish karte hue kehta hai -
"Bass main nahi chahta Sanju"
Sanju jod daalte hue poochti hai - "Lekin kyun Nikk! Why"?
Naksh thodi tez aawaz mein bolta hai -
"Kyunki Keerti ke bhaiya Abhimanyu Roy hain, Abhimanyu Roy".
Ye baat sunte hi Sanju sann reh jati hai. Woh bhaari aawaz mein bolti hai - "Kyaaaa! Abhimanyu Roy".
Dono baat kar hi rahe hote hain ki tabhi Keerti ki aawaz aati hai - "Kaise"?
Naksh aur Sanju dekhte hain ki saamne se Keerti chali aa rahi hai. Woh unke paas aake poochti hai -
"Aap dono kaise jaante hain ki Abhi bhaiya ka real name Abhimanyu Roy hai"? Maine toh aapka nahi bataya Naksh aur Sanju aap.........?
Keerti ke mann mein reh-rehke sawaal uth rahe thay lekin Naksh aur Sanju chupp khade ek-dusre ko dekh rahe thay.
Keerti - Boliye na Naksh!
Naksh - Keerti ji kya aap jaanti hain ki jis ladki se Abhi bhaiya pyar karte thay uska naam kya tha?
Keerti - Naksh aap sawaal ke badle sawaal kyun poochh rahe hain?
Naksh - Aap pehle sochiye toh! Kya aap uss ladki ka naam jaanti hain?
Naksh ki baat maankar Keerti sochne lagti hai -
"Uss ladki ka naam....m....Abhi bhaiya ne bataya tha mujhe.......A se kuch naam tha.
Keerti ki baat sunke Naksh aur Sanju paini nazron se ek-dusre ko dekhte hain.
Sanju - Yaad karo Keerti.
Keerti - An.....Anu...umm.....Anamika......
nahi-nahi.....Anaya......
Keerti yaad karne ki bahut koshish karti hai. Sehsa uske kaano mein ek aawaz gunjti hai -
("Boliye-boliye Abhi bhaiya kya naam hai bhabhi ka")
Keerti ke hotho pe hasi khil jaati hai. Woh Naksh aur Sanju ko dekhte hue poore confidence mein bolti hai -
"Ananya! Ananya naam tha uss ladki ka".
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
