Yeh Rishta Meetha Sa ❤

Part 104 - Chikki's bangle ceremony.

Evening:

Kalyani, Swarna, Manish, Suhasini, Yuvraj, Naira, Kartik, Gayu, Shubham, Kaira, Kairav, Naksh, Keerti aur Naitik haveli ki gate par khade hain.

Manish - Ab hum baaraat leke aayenge Naitik ji!

Kartik - Swagat mein koi kami na reh jaaye.

Naitik - Swagat toh Yuvraj ji ka karenge, tum toh bete ho.

Naira - Lekin pata nahi kab jamai bann jaaye... rishta toh wahi hai.

Suhasini - Sach kahaa, tab bhi hum ladkewale thay aur aaj bhi hain.

Kalyani (Keerti ke kandhe pe hath rakhte hue) - Lekin mhari bahu ke mayke-wale bhi ho, ye naa bhool jaana Suhasini ji.

Suhasini - Jee jee.

Naksh - 007 main toh kehta hoon tu yahi ruk jaa, humari team mein aa jaa.

Naira - Nahi bhai! Bhabhi hain naa aapki team mein, main bhi apne ghar jaungi..

Naksh ko ye baat thodi ajeeb lagti hai, woh aage kuchh bolne ko hota lekin tabhi Swarna ko khansi hone lagti hai. Yuvraj usey bithaa deta hai, Kartik, Keerti aur Shubham teeno paani lekar aate hain...

Naitik - Hmm! Ab dekhna padega ki samdhan ji kiske haath se paani leti hain..

Keerti - Woh toh mere haath se hi lengi, kyunki bete toh humesha maa ke paas hi rehte hain..

Swarna muskurate hue Keerti ki taraf haath badhati hai lekin tabhi uski nazar Manish ji pe padd jaati hai aur usey yaad aata hai ki Manish ji ne usey Kartik aur Keerti se door rehne ke liye kahaa hai.

Woh haath ghumate hue Shubham se paani lekar peene lagti hai. Keerti udas hoke apne haath pichhe kar leti hai, Kartik bhi apne hoth kaat leta hai.

Keerti apni dono bhaunhein uchkaate hue Kartik se ishare mein poochhti hai ki kya hua hai?? Kartik naa mein sir hilaa deta hai.

Manish - Acha samdhi ji! Ab aagyaa dijiye...

Naitik - Aagya hai..

Unke aise jawaab pe sab hasne lagte hain. Fir sablog gaadi mein baithke rawana ho jaate hain. Yuvraj khidki se baahar nikalke upar dekhta hain jahaan balcony mein khadi Chikki usey "bye" kar rahi hoti hai.

Keerti - Chaliye andar chalte hain.

Naitik - Chalo..

Sehsa Naksh ko Sanju ka khayal aata hai. Woh mann-hi-mann bolta hai -
"Sanju subah se nahi dikhi, aakhir hai kahaan ye?"
--------------------------------------------------------------

Chhat:

Sanju andhere wali side mein khadi beeti baatein soch rahi hai, Naksh usey dhoondhte-dhoondhte wahaan pahuch jaata hai.

Naksh - Sanjuuu! Tu yahaan kya kar rahi hai? Kyaa hua?

Uski baat sunte hi Sanju usey hug karke rone lagti hai..

Naksh - Areyy! Kya baat hai, bataa mujhe? Kisine kuchh kahaa tujhse??

Sanju - Nikk...! Woh...

Naksh - Kyaa...??

Fir Sanju usey saari baat batati hai..

Naksh (mann mein) - Ye tumne kyaa kiyaa Rose!!

Sanju - Nikk meri ek baat maanega??

Naksh - Bol na.

Sanju - Main switzerland wapis jaana chahti hoon.. please Nikk.... mujhe roknaa.. rokna mat.