Yash ke chillane pe doctor jaldi se andar aate hain.
Yash (ghabrate hue) - Dekhiye na doctor Rose ko kya ho gaya, woh theek toh ho jayegi naa, sab theek hai na doctor?
Doctor - Aaplog please baahar jaiye!!
Yash bahar nahi jaana chahta tha lekin Ananya aur Naksh milke usey baahar le jaate hain; Naira Sanju ko lekar baahar aati hai, jaldi-jaldi mein Sanju baby ko bhi apne paas hi rakh leti hai.
Baahar aake Yash bechain-sa ho jaata hai.
Yash - Naksh dekh na kya ho gaya Rose ko? Ye sab kyaa ho raha hai Ananya di?
Ananya (daante hue) - Kass ke ek chaata laga doongi main tujhe Yash, zara-si situation mein panick karne lagta hai. Grow up yaar!
Ananya se dant khake Yash chup ho jaata hai. Fir Ananya uske paas baithte hue bolti hai -
"Sab theek hai mere bhai, tu kyun chinta kar raha hai".
Naksh - Haan Yash! Tu pareshan matt ho.
Naira - Yes Yash bhaiya! Dekhiye Rose bhabhi kitni strong hain, toh aapko bhi toh strong ban-na hoga naa.
Sabki baatein sunke Yash shant ho jaata hai. Sehsa bachhi rone lagti hai.... Yash Sanju ki god se bachhi ko lekar chup karane lagta hai lekin naa-kamyab hota hai. Sab baari-baari usey chup karane mein lagg jaate hain; Naira dance karke dikhaati hai, Naksh entertain karne ki koshish karta hai lekin woh chup nahi hoti.
Ant mein Sanju firse bachhi ko apne paas lekar seene se lagaa leti hai aur ghoomte hue thapki dene lagti hai, thodi der mein bachhi chup ho jaati hai. Sanju usey sulane lagti hai.
Ananya - Woww! Dekho toh, aisa lagta hai jaise baby ka Sanju se koi special connection ho.
Naksh - Sanju ke hath rakhte hi baby ne pehli baar kick bhi kiyaa tha.
Naira - Kuchh rishte bhale hi khoon ke nahi hote, lekin upar se judd ke aate hain. Jaise ki Sanju didi aur iss baby ka rishta.
Naksh - Ya fir Sanju aur Kaira ka rishta hi dekh le.
Naira - Sach bhai! Bhagwan ne kuchh soch ke hi Sanju didi ko itne saalon baad humari life mein wapis bheja hai.
Ananya - So true!
Yash chup-chaap sabki baatein sun raha tha jisse uske mann mein kai tarah ki cheezein ghoomne lagti hain.
Isse pehle ki woh kuchh bolta, doctor baahar aate hain. Unhe dekh Yash uth khada hota hai.
Yash - Sab theek hai na doctor?
Doctor - Yes Mr Agarwal sab theek hai, kuchh ghanto baad unhe discharge bhi mil jayega.
Yash - Thank you doctor!!
Doctor chale jaate hain. Baby so chuki thi, Sanju usey Rose ke paas rakhne jaati hai.
Naksh - Naira! Ab tu ghar jaa, kabse yahi hai; Kairav-Kaira teri raah dekh rahe honge.
Naira - Bhai isiliye toh maine mendhak ko ghar bhej diya, mujhe yahi rehna hai.
Yash - Nairaaaa! Naksh theek keh raha hai, tum ghar jaoo.
Naira (Ananya ko dekhte hue) - Jaungi lekin ek shart pe!!
Naksh - Kyaa 007 tu bhi.
Naira - Pehle sun toh lo.
Naksh - Bol!!
Naira - Main ghar jaungi toh Ananya di ko apne sath lekar.
Ananya (aankhein badi karte hue) - Nahi-nahi Naira! Main hotel mein reh lungi.
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
