Morning:
Maheshwari house:
Sablog mandir mein aarti kar rahein hain, Siya aur Nannu milke aarti dikha rahein hain, baaki Rajshri, Vishambhar, Shaurya, Varsha, Anshuman, Jasmeet, Nannu, Siya, Ananya, Arya aur Karishma pichhe khade hain.
"Radha sang preet lagai...
Aur preet ki reet chalai...
Tum Radha-rani ke premi
Jai Radhe raas-bihari".
Aarti khatam hoti hai, sablog aarti lekar hall mein aate hain. Siya kuch pal toh khadi rehti hai lekin fir usey uneasy feel hone lagta hai toh woh bhi baith jaati hai jo dekh Jasmeet naak chadhate hue bolti hai -
"Aaj kal ki bahuon ko toh 2 minute khade hote hi paon mein dird hone lagta hai".
Nannu - Mumma aap subah-subah shuru mat ho jaaiye...
Jasmeet - Oye khoteyya tu na......rehn de!
Karishma uthke apne haath jodte hue bolti hai -
"Aap sabka bahut-bahut shukriya ki aaplogo ne mujhe yahaan rehne diya, mera itna khayal rakha aur mujhe itna support kiya. Lekin ab mujhe jaana hoga".
Vishambhar - Lekin aap kahaan jayengi beta?
Karishma - Akshara Niwas! Aakhir mera ghar toh wahi hai...
Rajshri - Chalo kam-se-kam tumhe iss baat ka ahsaas toh hua. Aage se kahi bhi jaane ki sochna mat, beta hum sab tumhare saath hain.
Karishma - I know aunty, thank you very very much.
Rajshri apni baahein failaa ke Karishma ko hug kar leti hai. Fir Jasmeet bhi emotional hoke Karishma ko hug kar leti hai -
"Apne ghar jaa rahi hai isliye rokk nahi rahi hoon, par mann toh mera bilkul nahi hai".
Karishma - I know Jazz 🥹🥹.
Anshuman - Chalo Karishma main tumhe chhod deta hoon.
Karishma - Main khud chali jaungi...!
Jasmeet - Hume pata hai lekin hume risk nahi lena....ab tu kuchh mat bol aur chup-chaap Anshu ke sath jaa.
Karishma (muskurate hue) - Okay..!
Arya - Mumma main bhi Krish se milne jaaun!
Ananya - Shauk se jao..
Arya - Yaay..
Anshuman - Chalo...!
Fir Karishma sabko greet karti hai aur Anshu-Arya ke sath chali jaati hai.
Rajshri - Chalo achaa hua! Ab bas jaldi se Abir Mishti ko Karishma ke baare mein bata de.
Vishambhar - Haan!
Ananya (khade hote hue) - Mujhe aap sab se kuchh baat karni hai....
Shaurya - Bolo beta kya baat hai?
Ananya - Woh actually.....
Ananya aage kuchh bolti usse pehle samne se Priyanka aati dikhai deti hai jise dekh sab khus ho jaate hain lekin Ananya tension mein aa jati hai.
Priyanka aake sabko greet karti hai, Siya uske gale lagg jaati hai.
Priyanka - Kya hua beta? Teri tabiyat toh theek hai?
Siya - Yes mumma main bilkul theek hoon.
Jasmeet - Aaj idhar ka rasta kaise bhool gayin samdhan ji...
Jasmeet ki aisi baat pe sab usey muh banake ghoorne lagte hain toh woh baat badalte hue bolti hai -
"Mera matlab hai aise toh samdhan ji aati nahi hain na".
YOU ARE READING
Yeh Rishta Meetha Sa ❤
FanfictionThis is my first ever story on wattpad, it's a fan fiction of famous tv show 'Yeh Rishta Kya Kehlata Hai'. This story shows the lives of Naksh, Kaira, Keesh, Mishbir and their families. 1) It's a story of families who are connected to each-other by...
