💕မြတ်နိုးခြင်း......သစ္စာ💕
~~~~~~~~~~~~~~~~~~
Part _59
စိတ်ရောလူပါ ပင်ပန်းနေရှာတဲ့ ကိုကို့ကို နုက အခုချိန်ထိ ထိထိရောက်ရောက် မကူညီနိုင်သေး ဟို အစ်မပြောသလိုများ နုက ကိုကို့အတွက် ဝန်ထုတ်ဝန်ပိုး ဖြစ်နေလေသလား နုကြောင့် ကိုကိုက ပိုပင်ပန်းရရှာတာ မဟုတ်လား နု တစ်ယောက်ထဲ အတွေးတွေ များနေရာက ခေါင်းလေးငုံ့လိုက်တော့ မျက်ရည်ပူတွေ စီးကျလာရတော့သည်.....
"ဟင့် ဟင့် ဟင့် စိတ်ညစ်လိုက်တာ "
သန့်သီဟနောင်သည် ဒီနေ့တော့အပြင်အလုပ်ကိစ္စနဲ့လှည်းတန်းဘက်လာရတာကြောင့်အိမ်နဲ့နီးနေသည်မို့ နေ့လည်စာဝင်စားဖို့အိမ်ကိုပြန်လာလိုက်သည်....
ဒီအချိန်နုလေးကအိမ်မှာရှိတာကြောင့်တန်းပြီးအိမ်ထဲကိုဝင်သွားလိုက်တော့...
"ဟင့် ....ဟင့်....ဟင့်"
"အီးးးးး...ဟင့်...အင့်"
အခန်းထဲကနေ နုလေးရဲ့ငိုရှိုက်သံကိုကြားလိုက်ရတာကြောင့်သီဟရင်ထဲပူကနဲဖြစ်သွားရပြီးအခန်းတံခါးကို ဝုန်းကနဲဖွင့်ပစ်လိုက်တော့သည်....
"ဘေဘီ"
"ကို....ကို "
ခေါင်းကြီးငုံ့ကာ ငိုနေတဲ့ကလေးက အခန်းတံခါးဖွင့်သံကြောင့်အလန့်တကြားမော့ကြည့်လာပြီးသူ့ကိုမြင်တာနဲ့ မျက်ရည်တွေကိုပွတ်သုတ်တော့သည်.....
နုလေးကိုယ်ကိုစွေ့ကနဲပွေ့ချီကာကုတင်ပေါ်တင်လိုက်ရင်း သူပါကုတင်ပေါ်တက်ထိုင်လိုက်ရင်းနုလေးရဲ့မျက်နှာလေးကို လက်ဖဝါးနှစ်ခုကြားထဲညှပ်လိုက်လေသည်...
"ဘာဖြစ်တာလဲ ဘေဘီရယ် ဘာငို့တာလဲ"
"ဟင့်အင်း ....နု....နု မငိုပါဘူး ကိုကိုရယ် "
နုမငိုပါဘူးကိုကိုရယ်ဆိုတဲ့စကားသံကအစအဖျားလေးကတုန်ခါနေလေသည်.....
"မေမေတို့ကိုလွမ်းလို့လား.....နေမကောင်းလို့လား"
"နု ...နု ဘာမှမဖြစ်ပါဘူး "
"ဒါဆို ဘာလို့ငိုရတာလဲ "
"နုက ဒီအတိုင်းငိုတာပါ ဒီအတိုင်း"
မညာတတ်ဘဲနဲ့ ညာနေတဲ့နုလေးရဲ့မျက်ဝန်းတွေဟာ သူ့ကိုမကြည့်ဘဲပြောနေလေသည်....
YOU ARE READING
💕မြတ်နိုးခြင်း......သစ္စာ💕
Romance"ဘေးခြံကလာပြောတယ် ငလျှင်လှုပ်သွားလို့တဲ့.... မဟုတ်ရပါဘူးဗျာ...... ကျွန်တော် နှလုံးသားက သူ့နာမည်လေးကြွေကျတာပါ.... ကျွန်တော်ရင်ခုန်သံတွေကသောင်းကျန်းနေတာပါလို့.... မနည်းရှင်းပြလိုက်ရတယ်..." [သန့်သီဟနော...
