ناضت فالصباح بدلات ولبسات حويجاتها كيف اناقتها المعهودة وهاد المرة بوكلات شعرها جاها كيوت رشات ريحتها ولبسات سبادري جاتها اصوغتي مع دجيت لي لبسات دارت كبوطها وحرجات من الدار هزات الطوموبيل دباها ونطلقات لخدمتها كيف عادتها كتجدد طاقتها وحياويتها كل صباح مهما كان مقدار غمها وحزنها هي غادا للبلاصة لي غاتلقا فيها ماكثر منها فاذا لاقاتهوم بطاقة سلبية فكفاش غايشوفو راسهوم هوما بلاصات طوموبيلتها ودخلات للمستشفى ..
مع الدخلة سلمات على الفرمليات ديال الريسيبشن ومشات للبلاصة دالاطباء دخلات لقات واحد صاحبتها ناعسة، ضحكات عليها زادت جرات عليها الغطا حيت عارفاها غاتكون مداومة ليل كامل ودابا عاد غاتنعس .. لبسات هي طبلية وحيدات السبرديلة دارت بوط ميديكال جمعات شعرها ديل او دارت تيليفونها فجيب الطبلية وسناطات دوراتهوم على عنقها ومشات خرجات دايزة من الكولوارات ولي دازت عليه كيسلم عليه معروفة وشحال ظريفة الطبيبة شهد طلعات فالاسانسور لطبقة فين كتخدم هي طبيبة مختصة فالعضام دخلات للبيرو ديالها كان معاها حتا واحد الطبيب سنيتو انور وهو لي ديما كيخدم معاها ..
انور : اهلا اهلا وعلى السلامة اختي ..
شهد : فيين خويا انور صاڤا عليك ( سلمات عليه ) ..
انور : وراه حنا لي توحشناك ناس ديال برا ...
شهد : ههه لا راه بزاف ..
أنور : اه حقا راه جاتك الطلب باش تلتاحقي تكملي ..
شهد : حلف فين راه .. ( بحكم هي باقا طبيبة مساعدة مزال ماكملات باش توصل للتخصص والطبيب خاس يقرا كتر من 7 سنين باش كيتخصص فمجال معين )
أنور : ايوا قولي الله ارحم الواليد ..
شهد : واييه صراحة بابا هو السباب فكولشي، مادتوش تاعملية هاد السيمانة ...
أنور : باباك دار لواحد المرأة كبيرة فالسن طاحت طيحة خايبة وجاها الشق فالسنسول ديال الظهر ..
شهد : اوووف ( حسرات ملامحها ) مسكينة ايوا نجحات ليها العملية ..
انور : والصراحة بلى بيك نجحنا هادي اول مرة ..
شهد : باركة من هاد المجاملات ..
انور : ههه داوي بصح ههه نتي راك غير ضايعة بهاد المساعدة ..
شهد : ايوا راني بنت بلحاج وبغيتي منكونش بحالو ..
أنور : الى كملتي ودرتي شي فورماسيون طلعي نيشان بروفيسور ..
شهد : انشاء الله يا ربي ديكشي لي غادي ايكون ...
أنور : خوك زعما مايكونش دايع فداك الهندسة ..
شهد : براسو هو ماعندووووش مع الطب واخا المرة اللولة بابا كان غادي احماق مين مابغاش ادير الطب راه ديجا كنت قلتهاليك ..
انور : وي وي المهيم نتي درتيه تاخوك لاخور طلع مامنو فايدة هههههه ..
شهد : عاداك راه خارج فماما وبابا والله منعرف اش ناوي اوصل ..
انور : ايوا خليه تانتي ..
شهد : شمن خليه راه بابا كيخسر عليه 12 مليون صحيحة فداك الاخوين سهلتيها ..
انور : لا باش كقتلني هو حمق مارا لا علاقة معاك تاخوك لاخور ..
بقات ساهية فيه حشمات تقولو بلي الموشكيل ماشي فيهوم ولكن فيها حيت تاهي كانت بحالهوم واحد النهار ورجعات هاكا ..
شهد : المهيم بالي اول بركرام خسني نطل على داك المريضة ( طلات على املف ) انا غادا ..
انور : ( كيشوف فالبيسي ) سيري ..
مشات خارجة وهضرة انور باقا كضور ليها فبالها تنهدات وكملات طريقها تاغاتوصل لداك الكلوار يالاه غادور تاشهقات ورجعات رجعات مين جات مزدوحة على الحيط شادا على فمها تاضربوها فلاشات فراسها رجعات قرات الملف ..
مدام نعيمة تاجدين ..
( تفكرات الزعرة : لا دوماج ماغايبقاش خرج مرض جداتو من الجنب مم ..
يتبع — توقعااااااتكمممممم اش هاادشي لي كيوقع مع هاد الجوج ...❤
أنت تقرأ
🌺 كَــــحْـٰلة آلــعْــيــون 👀🌺( مكتملة )
Romanceوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
