سيف : ( تم نيت دور تيليفون فوجها وهي تشوكا ماتيقاتش شنو شافت ) كنتي عارفة هادشي ؟
شهد : ( بصدمة ) و واش هادا خويا ..
سيف : لا خويا ..
شهد : ( شافت فيه وهضرات بصوت مبورش ) علاش كتهضر معايا هاكا ؟ ماكنتش عارفة والله ( عينيها تغرغرو ) شنو حسابليك غانكون عارفة وماغانقولهاش ليك، علاش ديما كضلمنيً هاكا بهضرتك ..
شاف فيها هاكا تم نيت كلس وشدليها يديها
سيف : حبيبة ماقصدتش نجرحك بشي حاجة قلت هاكا ديجا كنت مسطريسي ..
شهد : ( طاحت ليها دمعة ) لا نتا ديما كدير هاكا حرام عليك انا فاش اديتك فاش اديتكوم كولهوم كيعاملوني بحال هاكا عمر شي واحد عاملتي مزيان ( بداو اطيحو دموعها شلال ) ديما الصداع والمشاكيل علاش علاش شنو درت فحياتي انا تانتجازا هاكا ..
سيف : ( مصدوم بردت الفعل ديالها ) حبيبة كالم طوا صافي ماقلت والو داكوغ راه ماعارفاش ..
شهد : لا نتوما ماكاتحملونيش وخسكوم غير السبة باش ترجعوني خايبة ولكن ماشي موشكيل اهئ اصلا نستاهل ..
جرها بسرعة لسدرو ودور يدو على ضهرها ..
سيف : كبيدة كالم طوا صافي ماوقع والو ششش علاش هاد الهضرة كاملة ، شكون هادو لي ماكيحملوكش وريهومليا نمحيهوم من دنيا ..
شهد : ( مغمطة فوسط سدرو وكتنخصص ) ا ا عه ج جدك و وماماك و اهئ و وكولشي
سيف : ماتديهاش فيهوم احبيبتي مم ماتديهاش فيهوم شوفي كاين انا كاين ليباغون ديالك كاين نيسرين تاهية وليتي عزيزة عليها الميمة شوفي شحال ..
شهد : غير حيت نتا مزوجني اما كاع مايبغيوني اهئ ..
هبط راسو شافها والسيدة كتبكي بالمعقول نيت بحالي تقول قتلها عصا غنض عينيه كيطلب الصبر يا مولانا وخشا يدو فجيبو جبد واحد المشوار كيكون عندو وطلع ليها وجها بشوية باقا مغمضة عينيها وحنيكاتها حميمرين وفمها زاد تنفخ مع البكا مسحليها نيفها وهو كيهضر شداتو الضحكة من منضرها ..
سيف : توتو اش هادشي ابنتي اش هادشي دابا انا نولي نسكت جوج دراري صغار مم عندي جوج دراري صغار فداري ياك ..
ضرباتو لسدرو ورجعات تكات عليه كتبكي وهو بقا كيضحك تاضرباتو بجهد لسدرو وغوتات : مااااضحكششش ..
سيف : هاحنا ساكتين الالة ..
علات عويناتها كدور راسها بلا : والله ماكنت عارفة ..
سيف : وياااه وفهمنا وانا نيت خاسني العصا جاي ندوي معاك ... ( علا ليها وجها ودوا بحنية ) وبكيت هاد العوينات ماشي حشومة عليا مم !!! بقا كيقرب منها بشوية وهو كيشوف فيها بنص عين يالاه غايجي يبوسها وهي تعضو فشفايفو تابعد داير يديه على شنايفو
شهد : باش المرا جايا تعاود تشك فيا ( كتحك عينيها ) بزاف عليك انا وزايدون كيتحتبو مع بعضهوم شغانديرليهومً انا مثلا مم نتا معصب وكتبرد غدايدك فيا ..
سيف : ( ماغايجي اتولد هاد الولد تاغاتسيفطيني يا القبر يا لبرشيد وحدة فيهوم ..
شهد : بعد مني ..
سيف : هنا الالة مبعد ( دور عينيه بانولو دوك تقيشرات فصفيفر ) هاحنا تاني على التقيشرات يديتي توجديلو من دابا ( هزهوم فيدو ) دابا رجيلاتوًغايكونو قد هاكا ..
شهد : ( رجعات تبسمات كتشوف فيه بحب ) اه شفتي هههه شوف ( خشات جوج صبيعات فيهوم ) شوف قداش غايكونو ..
بقا كيشوف فيها مبتاسم على الضحكة ديالة وهو يجرها عنقها
سيف : شنو درتيلي أنا تارجعتي كتملكي الروح ديالي كاملة شنو ؟
هبطات راسها كتعض فشفايفها حشمانة وهو يجرليها راسها وباسها فجبتها ..
سيف : الله اخليك ليا وانشاء الله تولدي على خير وبيخير ..
🥺 انا غانموت ليكوم هنا بالله
أنت تقرأ
🌺 كَــــحْـٰلة آلــعْــيــون 👀🌺( مكتملة )
Romanceوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
