🌺 كَــــحْـٰلة آلــعْــيــون 👀🌺( مكتملة )

الجزء: 41

نعيمة : واش كتكلخي عليا فين مشات على الصباح
غفران : ( كترعد. ) ما ماعرفااااش الالة ماعرفاش انا مين نضت مالقيتهاش
نعيمة : يا ربي الحبيب وماعندي تاباش نعيطليها لا والو ماموالفاش ليها ..
غفران : ل لالة فطري بعدا فطورك باش تشربي دواك
نعيمة : اشمن فطور بقا وانا ماعرفاش السيدة فين مشات وياكما وقع معاها شي حاجة ..
غفران : ر راه غاتكون الالة غير م مشات حيتاش مها كتعيط ليها ..
نعيمة : سيري بحالك دابا ..
مشات غفران بسرعة خرجات تاتلقات مع نبيل داخل ..
نبيل : جدةة ( متوقع يشوف معاها شهد داخل او كيقلب بعينيه ) كصبحتي ؟
نعيمة : كيغادي نصبح فنا دارك شهد باتت البارح هنا نضنا فالصباح مالقينهاش
نبيل : ( ضحك بحالي باقي مافهمش ) مالها تسرقات فوسط الدار ههه
نعيمة : ( درباتو بالوسادة ) واش انا كنهضر معاك لوالديك ونتا كضحك نوض نوض خوي عليا قبل مانبرد فيك لي فيا ..
نبيل : ( بحالي عاد طلعات معاه ) جدة شكاتقولي كيفاش نعسات ماصبحات ( ناض واقف ) عندك نمرتها عيطتيليها
نعيمة : تيليفونها كان تهرس ماعندك فين تعيط ليها وحتا النمرة دواليديها والو
نبيل : كيفااااش اجد تبتي معااك البنت ونتي ماعرفتيها فين مشاات هاد الصباااح واش عارفة وااسك اشكاتقولي
نعيمة : دابا سكتنا فف حتادارهوم ماعرفناها فين جات ..
قبل ماتكمل مشا بسرعة خلاها كتهضر هبط فالدروج كيجري طلاقا مع ختو ماعبرهاش هي بقات غير كتشوف خرج هز طوموبيلتو ومشا كيطير للمستشفى دخل كيلهت لعند الاستقبال ..
نبيل : عافاك اختي الطبيبة شهد واش جات اليوم ؟
الفرملية : الطبيبة شهد اصلا واخدة روبو بحكم غاتكمل قرايتها ..
نبيل : فيين غاتكمل
الفرملية : فكلية الطب
نبيل : صافي شكرا بزاف
مشا رجع خارج هز طوموبيلتو ونيشان لكلية الطب دخل لتما وبقا كيسول فالطلبة على الادارة العامة تابقاو كينعتولو عاد مشا لتما دخل كانت عامرة الدنيا بقا كيتسنا شحال باش توصل النوبة دخل وقالهيوم بلي بغا يسول على واحد الطالبة صدقو سيفطوه لبلاصة اخرى مشا ليها ثاني دخل كيسول ..
نبيل : عافاك بغيت نسول على الطالبة شهد بالحاج ؟
الموظف : شكاتجيها بعدا ؟
نبيل : ( شغادي يكوليها ) انا صديق ديالها
الموظف : سمحلي مانقرو نعطيوك تامعلومة شخصية ..
نبيل : عافاكوم بغينا تعطيونا غير الادريس ديال الدار ولا نمرة دالهاتف ديال ولي الامر ديالها ..
المرظف : سمحلي ماغانقدر نفيدك فوالو ( كيعيط ) لي موراه ..
دار غادي بواحد الخيبة مين غايعرف دابا فين ساكنة ولا فيناهوما واليديها ..

خرجات تالعشية ماكلات داك النهار والو باقا فيها الصدمة وباقا مافهماش تاكيفاش وقعليها داكشي كيفاش خرجات مزيانة من عند نعيمة او من البعد ماعقلانش على راسها حتا ناضت فالصباح اكيد شي حاجة ماشي هي هاديك .. كلسات عند مها فالكوزينة كانت حتا مرات خوها تما ..
نادية : كيبقيتي شوية
حركاتليها واسها باه
كوثر ( مرات خوها ) : شنو دارك
شهد : والو غير راسي وصافي
نادية : ورع بالسيف ماكليتي والو
شهد : ماما ماغانكشي هاد الايامات فين حيت غانقدر ندفع نكمل برا
كوثر : قالهاليك عمي داك النهار trés bon choix 👍..
شهد : داكشي
نادية : شوفي لي غاترتاحي فيه علاش ماغاترجعيش لعند ديك المراة ..
شهد : ( بعلعات غصة فحلقها ) لا برات ناغانعاودش نمشي لعندها ..