وأخيرا القصة المنتضرة ❤️ الكاتبة زهور السليماني في قنبلة الموسم
غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة
قصة خدات من عقلي مدة كبيرة وخدات من وقتي ساعات لا تحصى ولا ت...
دخلات لدار كتعض على شفايفها، عيطات ليها نادية وهي ماراهاش هنا تاجات كتزعزع فيها .. نادية : ياك لاباس مالكي ؟ شهد : والو مالي .. نادية : كضحكي غير بوحدك ؟ شهد : انا منيتك اماما بنتليك حماقيت .. نادية : هي انا لي حماقيت .. شهد : ( وهي غادا لبيتها ) واقييلة باباااا خسك تفوورمااطي السللعة .. نادية : ياااااااك .. كريم : ( كضحك ) ماكذباتش فالصباح نسيتي فين حطيتيليا القميجة .. نادية : كيييتي .. واجي تغدااااي بعدااا ..
شهد : ماااابغيييتش ( دخلات وسدات عليها الباب وبقاات كضحك تاشوية بغات تنقز ومشات تلاحت فوق ناموسيتها ) انا ماعرفتش الصراحة علاش فرحانة ولكن المهيم فرحاانة هههههه ..
ناضت مشات للماريو وبدات تجبد وتقيس، ولي ماعجباتش تعوج فمها عليها وتلوحها فالارض وتشوف الاخرى .. وصلا الثمنية ديال العشية كانت واقفة حدا المرايا رشات من ريحتها، وزادت جبدات عكرهاا الحمممررر وزادت على الكمية لي بارزة فشفايفها مع الميكاب لي بازر فوجها وهايلايتر مشع فوجنتيها، عاودات قادات شعرها المرولي ولي راداه جنب وزادت هبطات الكسوة شوية لي فالاسود بانت طايتها بارزة غير فكرشها لي خارجة واصلة الكسوة تالركابي، جرات واحد الكاب ديالها بالريش من السدر لبساتو ولبسات صباط بتي طالون وهزات البوشيط فالاسود كيبري ومشات حلات الباب وخرجات كتسلت بشوية مخسهومش اشوفوها وهي خارجة تاخرجات من الدار وهبطات، كانت سرقات السورات ديال الطوموبيل ديال باها، مشات ركبات فالطوموبيل وقلعات ..
وصل بطوموبيلتو نزل باناقتو المعهودة لابس شوميز فالاسود محلولة من السدر مع سروال كلاص فالگري، والساعة فاليد ومطلع شعرو بجيل وريحتو كتشم من بعيد سوگر الطوموبيل ومشا دخل سلم على الشركاء .. الشركاء : لافامي ماجاتش .. سيف : عتاذرو على عدم الحضور ديالهوم .. الشركاء : اوو كنا باغين نشوفهوم ونتعرفو عليهوم .. سيف : فرصة اخرى .. كانت حفلة من نوع الدوليكس .. رجال الاعمال والمقاولين ديال الرباط المعرفين هوما لي حاضرين، وكلها جايب معاه خطيبتو وشي جايب الحبيبة وشي جايب الزوجة، سيف وقف فواحد الطابلة مع واحد الرجل دالاعمال كبير فالعمر والزوجة ديالو كيهضرو .. سي الكناني : فرحنا اولدي بزواجك الله اكمل بالخير .. سيف الدين : ( دوز شوية لسانو على فمو عاد هضر ) كنشكروك اسي الكناني .. الزوجة : كنا كانتاضرو حفلة ولكن مادرتي والو .. سيف الدين : عن الرغبة ديالي كنفضل ماندير والو .. سي الكناني : ممم ولا مابغيتيناش نشوفو المدام ( ضحك وضربلو فكتفو ) هانية هانية حنا عائلة وحدة .. سيف : ( حركلو راسو ) مرحبا ..
وصلات بطوموبيلتها جا السيكريتي كيجري فتحليها الباب وهبطات بشوية وسوكرات الطوموبيل .. ومشات داخلة مع الباب ديال الڤيلا نشان على الجردة كدور بعينيها ..
تعلا الميكروفون غايهضر داك الشريك ... الشريك : ودابا كنشكرو سي تاجدين وحنا فرحانين بهاد الشراكة لي ولات عندنا معاه .. صفقليهوم بوجه جدي وتقدم باش اسلم عليه يالاه دار باش اشرف فالناس، تاكيشوفها جايا، توقفولو الوجوه فعينو، وخصوصا وهي جايا وعينيها فعينيه نيشان، وقفاتلو فحلقو خصوصا مين كيحقق مزيان فالكسوة لي لابسة والماكياج لي دايرا فوجها، حس بالسخونية طالعة معاه من التحت ..
يتبع غدا - خليتكوم فهاد اللقطة بااش تفاااعلوو مزياااان والله ويطلع التفاعل حتا نحط ليكوم قبل حتا من العشرة ديال الليل ولكن عاونوني وديرو اشهارات ، يالااه مابقا واالو اغلبية هاد اليومايين غاتكون النهااية يالاااه لابغيتو نزيدليكوم فيخرات فالقصة 😉😉😉😉
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
