ركبو الأزواج الخواتم والتقطو الصور مع العائلة والأصدقاء وهدات سارة الكادو ديالها لصديقتها وتصورات معاها وشهد كذلك باركاتها ليها، عاد رجعات الفرقة الموسيقية للعزف وبدا كل ثنائي كيخاد الحبيب ديالو ليدو وكيتاجه للدائرة لي الوسط للرقص دورات عينيها بالمهل شافتها كيفاش كترغبو باش ارقص معاها وهو واقف كأنه ماكيسمعهاش هبطات عينيها ورجعات راسها لبلاصتو تاكتشوف واحد الصديق قديم شاب تقدم لإسراء غير بالضحك بحكم كيعرفو بعضهوم تقدمو كيرقصو وهي بقات بوحدها واقفة مبتاسمة كتشوف بسارة ماحساتش تاكيغطي على عينيها جسد ضخم طلعات عينيها بانليها نبيل ..
نبيل : ( بالإنجليزية ) ميس ممكن رقصة ليك معايا الشرف ليا ( دار يد مورا ضهرو او يد مقدمليها بيها ) ..
بقات كتشوف فيدو ميزاتو فوجهو هو الشخص لي كان واقف معاه طلعات عينيها بسرعة لعمدو حتا كترجع تخطفهوم ،،،، كااان كيشوووف فيهااا وكأنه متبع معاهوم اللقطة من الأول قلبها رجع كيزدح وبلعات ريقها وتراجعات اللور ..
شهد : كنعتاذر ولكن مكنعرفش ( بابتسامة ) مسموحليا ياك ..
من الصباح وهو ذايب فعينيها لدرجة ماعرفش تاشنو قاتلو ..
شهد : مستر ؟؟ ..
نبيل : اا اه اه لا عفوا ( قلب يدو رجع بحالي غايتعرف عليها ) نقلبوها تعارف ..
بقات مترددة واش تمدلو يديها ولا لا عضات على شفايفه هادي عادتها باش كتوتر كتعض على شفايفها ..
ماقدراتش ترفض او ماشي من عادتها ترفض رجعو حناكها حومر ورجعات مداتلو يديها ..
نبيل : ( بابتسااامة ) ميستر نبيل تاجدين !! ميسس اوور ميسسز ؟؟
شهد : اه لا ميس .. ميس شهد بلحاج ..
نبيل : متشرفين شهد .. عربية ؟
شهد : ( طلقات من يدو بحكم مابغاتش يبقا شادليها فيديها ) مغربية ..
نبيل : نواااي .. ( قلبها مغربية ) تانا مغربي ..
شهد : ( بابتسامة ) هه متشرفين اولد بلادي ..
نبيل : ليا الشررف وكبيير عاد صراحة ماكنتش كنتخيل الزين المغربي واصل لهاد الدرجة ..
جمارو خداودها مهبطة راسها ودارت يديها لجيهت نيفها ..
شهد : شكرا ..
يالاه غايهضر تاقاطعاتو سارة من اللور ..
سارة : احم احم ..( شافت فيه ) اوو ميستر تاجدين ؟
نبيل : ( كيحاول يتفكر ) سوري ولكن ماعقلتش عليك ..
سارة : ( بالضحك هي ديما مهبلة السوايع ) طبعا ماغاتعقلش عليا ههههه ههههههه هه ..
بقا كيشوف فيها وشهد كتقرص فيها من لتحت تاسلات عاد رجعات كتشوف فيه ..
سارة : اوف ههه سوري ولكن حيت نتا كنتي معروف بزاف فالكلية انا لا ..
نبيل : ( اصلا غير مصدوم من الضحكة ديالها اللولة ) شكرا ..
شهد : سارة انا غانساحب ..
نبيل : باقي الحال الحفلة باقي عاد بدات ..
سارة : اوكي حبيبتي لي بغيتي ..
شهد : نبيل متشرفة بالمعرفة ديالك فرصة اخرى انشاء الله ..
قبل مايكمل هضرتو دارت غادا بلا ماتزيد تشوف خرجات من الباب يالا فاتو شوية هبطات راسها كتشوف ساعتها حتا كتزدح تاطاحليها البرشيط من يديها للأرض تفتح وتشتت داكشي لي فوسطو طلعات عينيها كيطيحو فعينيه فمها تعكل بقات غير كتشوف ..
... : باغدون ..
حنا بركابيه غير شوية هز البوشيط خشا فيه العكر والتيليفون لي كانو طاحو وناض مدوليها ... شداتو من عندو كترعد متاجهلة النضرات لي قشعو فيها كولشي من صبع رجليها الصغير حتالأخر زغبة فراسها .
أنت تقرأ
🌺 كَــــحْـٰلة آلــعْــيــون 👀🌺( مكتملة )
Любовные романыوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
